Nnwom 97

1 Awurade di hene, ma asase ani nnye; ma akyirikyiri mpoano ahorow no nsɛpɛw wɔn ho.

יהוה מלך תגל הארץ ישמחו איים רבים

2 Omununkum ne sum kabii atwa no ho ahyia; trenee ne atɛntrenee yɛ nʼahengua no fapem.

ענן וערפל סביביו צדק ומשפט מכון כסאו

3 Ogya di nʼanim na ɛhyew nʼatamfo wɔ afanan nyinaa.

אש לפניו תלך ותלהט סביב צריו

4 Nʼanyinam hyerɛn wiase; asase hu na ne ho popo.

האירו ברקיו תבל ראתה ותחל הארץ

5 Mmepɔw nan sɛ nku wɔ Awurade anim, Awurade a asase nyinaa wɔ no no anim.

הרים--כדונג נמסו מלפני יהוה מלפני אדון כל-הארץ

6 Ɔsoro pae mu ka ne trenee kyerɛ na aman nyinaa hu nʼanuonyam.

הגידו השמים צדקו וראו כל-העמים כבודו

7 Ahonisomfo nyinaa anim agu ase, wɔn a wɔde abosomhuhuw hoahoa wɔn ho no, anyame nyinaa monsɔre no.

יבשו כל-עבדי פסל-- המתהללים באלילים השתחוו-לו כל-אלהים

8 Sion te, na ne ho sɛpɛw no na Yuda nkuraa ani gye Awurade, esiane wʼatɛntrenee nti.

שמעה ותשמח ציון ותגלנה בנות יהודה-- למען משפטיך יהוה

9 Wo, Awurade ne Ɔsorosoroni wɔ asase so nyinaa; wɔama wo so pa ara wɔ anyame nyinaa mu.

כי-אתה יהוה עליון על-כל-הארץ מאד נעלית על-כל-אלהים

10 Ma wɔn a wɔdɔ Awurade no nkyi bɔne, ɔbɔ ne nkurɔfo a wɔyɛ nokwafo no ho ban na ogye wɔn fi amumɔyɛfo nsam.

אהבי יהוה שנאו-רע שמר נפשות חסידיו מיד רשעים יצילם

11 Hann hyerɛn wɔ atreneefo so na anigye ba wɔn a wɔn koma mu tew no so.

אור זרע לצדיק ולישרי-לב שמחה

12 Momma mo ani nnye Awurade mu, mo a moyɛ atreneefo, na monkamfo ne din kronkron no.

שמחו צדיקים ביהוה והודו לזכר קדשו