Nnwom 69
1 Wɔde ma dwonkyerɛfo. Wɔto no sɛ “Sukooko.” Dawid dwom. Ao, Onyankopɔn, gye me nkwa na nsu no abɛdeda me kɔn mu.
| למנצח על שושנים לדוד הושיעני אלהים כי באו מים עד נפש׃ |
2 Meremem wɔ dontori a mu dɔ mu, wɔ baabi a mʼanan nnya sibea. Madu bun mu na nsu abu afa me so.
| טבעתי ביון מצולה ואין מעמד באתי במעמקי מים ושבלת שטפתני׃ |
3 Mafrɛ abrɛ rehwehwɛ mmoa. Me mene mu ayow. Mʼani so ayɛ kusuu, na merehwehwɛ me Nyankopɔn.
| יגעתי בקראי נחר גרוני כלו עיני מיחל לאלהי׃ |
4 Wɔn a wɔtan me kwa no dɔɔso sen me ti so nwi; wɔn a wɔtan me kwa no dɔɔso, wɔn a wɔhwehwɛ sɛ wɔbɛsɛe me no. Wɔhyɛ me sɛ mennan nea minnwiae no mma.
| רבו משערות ראשי שנאי חנם עצמו מצמיתי איבי שקר אשר לא גזלתי אז אשיב׃ |
5 Wo, Onyankopɔn, nim me nkwaseasɛm; mʼafɔdi nhintaw wo.
| אלהים אתה ידעת לאולתי ואשמותי ממך לא נכחדו׃ |
6 Awurade, Awurade Tweduampɔn, mma wɔn a wɔn ani da wo so no, anim ngu ase esiane me nti, Awurade, Asafo Awurade; Israel Nyankopɔn, mma wɔn a wɔhwehwɛ wo no anim ngu ase esiane me nti.
| אל יבשו בי קויך אדני יהוה צבאות אל יכלמו בי מבקשיך אלהי ישראל׃ |
7 Wo nti migyina animka ano, na aniwu kata mʼanim.
| כי עליך נשאתי חרפה כסתה כלמה פני׃ |
8 Mete sɛ ɔhɔho wɔ me nuanom mu, mete sɛ ɔmamfrani wɔ me na mmabarima mu,
| מוזר הייתי לאחי ונכרי לבני אמי׃ |
9 na wo fi ho mmɔdemmɔ hyɛ me so, wɔn a wɔbɔ wo ahohora no animtiaabu bɛda me so.
| כי קנאת ביתך אכלתני וחרפות חורפיך נפלו עלי׃ |
10 Sɛ mitwa adwo na midi mmuada a wɔbɔ me ahohora;
| ואבכה בצום נפשי ותהי לחרפות לי׃ |
11 sɛ mifura atweaatam a nnipa de me yɛ aserewde.
| ואתנה לבושי שק ואהי להם למשל׃ |
12 Wɔn a wɔtete ɔpon no ano no serew me, na akɔwensafo de me din to dwom.
| ישיחו בי ישבי שער ונגינות שותי שכר׃ |
13 Nanso mɛbɔ wo mpae, Awurade, wɔ wʼadom bere mu; wɔ wʼadɔe kɛse no nti, Ao, Onyankopɔn, fa wo nokware nkwagye no gye me so.
| ואני תפלתי לך יהוה עת רצון אלהים ברב חסדך ענני באמת ישעך׃ |
14 Yi me fi dontori no mu, mma memmem wɔ mu; gye me fi wɔn a wɔtan me no nsam, ne nsu bun mu.
| הצילני מטיט ואל אטבעה אנצלה משנאי וממעמקי מים׃ |
15 Mma nsu nnyiri mmfa me anaa bun mmene me anaa amoa nkata me so.
| אל תשטפני שבלת מים ואל תבלעני מצולה ואל תאטר עלי באר פיה׃ |
16 Awurade, gye me so fi wʼadɔe a eye no mu; wʼadom nti, dan bɛhwɛ me.
| ענני יהוה כי טוב חסדך כרב רחמיך פנה אלי׃ |
17 Mfa wʼanim nhintaw wo somfo; gye me so ntɛm, na mewɔ ɔhaw mu.
| ואל תסתר פניך מעבדך כי צר לי מהר ענני׃ |
18 Twiw bɛn me na gye me; gye me nkwa, mʼatamfo nti.
| קרבה אל נפשי גאלה למען איבי פדני׃ |
19 Wunim sɛnea wɔkasa tia me, gu mʼanim ase na wotiatia mʼanim; wʼani tua mʼatamfo nyinaa.
| אתה ידעת חרפתי ובשתי וכלמתי נגדך כל צוררי׃ |
20 Kasatia ahyɛ me koma so ama mayɛ sɛ obi a onni ɔboafo; mepɛɛ awerɛkyekye, nanso mannya bi, mepɛɛ ɔwerɛkyekyefo, nanso manhu bi.
| חרפה שברה לבי ואנושה ואקוה לנוד ואין ולמנחמים ולא מצאתי׃ |
21 Wɔde bɔnwoma guu mʼaduan mu, osukɔm dee me no, wɔmaa me nsa nwenweenwen.
| ויתנו בברותי ראש ולצמאי ישקוני חמץ׃ |
22 Ma wɔn didipon a esi wɔn anim nyi wɔn sɛ afiri; ma ɛnyɛ akatua ne afide mma wɔn.
| יהי שלחנם לפניהם לפח ולשלומים למוקש׃ |
23 Ma wɔn ani so nyɛ wɔn kusuu na wɔanhu ade, na ma wɔn akyi nkuntun afebɔɔ.
| תחשכנה עיניהם מראות ומתניהם תמיד המעד׃ |
24 Hwie wʼabufuwhyew gu wɔn so; na ma wʼabufuw huhuhuhu no mmra wɔn so.
| שפך עליהם זעמך וחרון אפך ישיגם׃ |
25 Ma wɔn fi nyɛ amamfo; mma obiara ntena wɔn ntamadan mu.
| תהי טירתם נשמה באהליהם אל יהי ישב׃ |
26 Wɔtaa wɔn a wupira wɔn no, wɔka wɔn a wupira wɔn no yawdi ho asɛm.
| כי אתה אשר הכית רדפו ואל מכאוב חלליך יספרו׃ |
27 Fa amumɔyɛ mu amumɔyɛ ho sobo bɔ wɔn; mma wonnya wo nkwagye mu kyɛfa.
| תנה עון על עונם ואל יבאו בצדקתך׃ |
28 Pepa wɔn din fi nkwa nhoma no mu, mfa wɔn din nka atreneefo de ho.
| ימחו מספר חיים ועם צדיקים אל יכתבו׃ |
29 Mewɔ ɔyaw ne ahohiahia mu; Onyankopɔn, ma wo nkwagye no mmɔ me ho ban.
| ואני עני וכואב ישועתך אלהים תשגבני׃ |
30 Mede dwonto beyi Onyankopɔn din ayɛ na mede aseda ahyɛ no anuonyam.
| אהללה שם אלהים בשיר ואגדלנו בתודה׃ |
31 Eyi bɛsɔ Awurade ani yiye asen nantwi, asen nantwinini a otua mmɛn na ɔwɔ tɔte.
| ותיטב ליהוה משור פר מקרן מפריס׃ |
32 Mmɔborɔni behu na nʼani agye, mo a mohwehwɛ Onyankopɔn no koma benya nkwa.
| ראו ענוים ישמחו דרשי אלהים ויחי לבבכם׃ |
33 Awurade tie wɔn a ade ahia wɔn, na ommu ne nkurɔfo nneduafo animtiaa.
| כי שמע אל אביונים יהוה ואת אסיריו לא בזה׃ |
34 Ma ɔsoro ne asase nkamfo no, po ne nea ɛkeka ne ho wɔ mu nyinaa,
| יהללוהו שמים וארץ ימים וכל רמש בם׃ |
35 efisɛ Onyankopɔn begye Sion nkwa na wakyekye Yuda nkuropɔn no bio. Afei nnipa bɛtena mu na ayɛ wɔn de;
| כי אלהים יושיע ציון ויבנה ערי יהודה וישבו שם וירשוה׃ |
36 Nʼasomfo asefo na wɔbɛfa hɔ, na wɔn a wɔdɔ ne din no bɛtena hɔ.
| וזרע עבדיו ינחלוה ואהבי שמו ישכנו בה׃ |
