Nnwom 62

1 Wɔde ma dwonkyerɛfo. De ma Yedutun. Dawid dwom. Me kra wɔ ahomegye wɔ Onyankopɔn nko ara mu; me nkwagye fi ne nkyɛn.

“For the leader of the music of the Jeduthunites, A psalm of David.” Truly my soul resteth on God alone; From him cometh my deliverance!

2 Ampa, ɔyɛ me botan ne me nkwagye; ɔyɛ mʼabandennen, hwee renhinhim me da.

He alone is my rock and my salvation; He is my safeguard, I shall not wholly fall!

3 Mobɛkɔ so ahyɛ onipa so akosi da bɛn, mo nyinaa besum me ahwe fam ana? Ɔfasu a akyea yi, ban a ɛrebu yi?

How long will ye continue to assault a single man? How long will ye all seek to destroy me, Like a bending wall, or a tottering fence?

4 Ampa, wɔayɛ adwene se wobetu no afi ne dibea a ɛkorɔn no so; wɔn ani gye atorodi ho. Wɔde wɔn ano hyira na wɔn koma mu de, wɔdome.

They study how to cast me down from my eminence; They delight in falsehood; They bless with their mouths, but in their hearts they curse.

5 Yiw me kra, gye wʼahome wɔ Onyankopɔn nko ara mu; na ne mu na mʼanidaso wɔ.

My soul, rest thou on God alone, For from him cometh my hope!

6 Ampa, ɔyɛ me botan ne me nkwagye; ɔyɛ mʼabandennen, hwee renhinhim me.

He alone is my rock and my salvation; He is my safeguard, —I shall not fall.

7 Me nkwagye ne mʼanuonyam gyina Onyankopɔn so; ɔyɛ me botan a ɛkorɔn, ne me guankɔbea.

From God cometh my help and my glory: My strong rock, my refuge, is God.

8 Mo nnipa, momfa mo ho nto ne so daa; monka mo koma mu nsɛm nyinaa nkyerɛ no, efisɛ Onyankopɔn ne yɛn guankɔbea.

Trust in him at all times, ye people! Pour out your hearts before him! God is our refuge!

9 Nnipa nyinaa te sɛ home; akɛse ne nkumaa nyinaa nka hwee; sɛ wɔkari wɔn wɔ nsania so a, wɔnka hwee; wɔn nyinaa bɔ mu a wɔyɛ home nko.

Truly men of low degree are vanity, And men of high degree are a lie; Placed in the balance, They are all lighter than vanity.

10 Mommfa mo ho nto asisi so na monnhoahoa mo ho akorɔnne ho; ɛwɔ mu sɛ mo ahonya dɔɔso de, nanso mommfa mo koma nto so.

Trust not in extortion; Place no vain hopes in rapine! If riches increase, set not your heart upon them!

11 Asɛm baako na Onyankopɔn aka, nsɛm abien na mate sɛ, wo, Onyankopɔn, na wowɔ ahoɔden,

Once hath God promised, twice have I heard it, That power belongeth unto God.

12 na wo, Awurade, na woyɛ adɔe, ampa ara wubetua obiara ka sɛnea nʼadwuma te.

To thee also, O Lord! belongeth mercy; For thou dost render to every man according to his work!