Nnwom 50
1 Asaf dwom. Tweduampɔn, Onyankopɔn, Awurade no kasa, na ɔfrɛ asase nyinaa efi apuei kosi atɔe.
| מזמור לאסף אל אלהים יהוה-- דבר ויקרא-ארץ ממזרח-שמש עד-מבאו |
2 Onyankopɔn hyerɛn fi Sion kurow a ne fɛ wie pɛyɛ.
| מציון מכלל-יפי-- אלהים הופיע |
3 Yɛn Nyankopɔn reba nanso ɔrenyɛ komm; ogya a ɛhyew nneɛma di nʼanim, ahum a ɛretu atwa ne ho ahyia.
| יבא אלהינו ואל-יחרש אש-לפניו תאכל וסביביו נשערה מאד |
4 Ɔfrɛ ɔsorosoro ne asase, sɛ ɔrebu ne nkurɔfo atɛn;
| יקרא אל-השמים מעל ואל-הארץ לדין עמו |
5 Ɔka se, “Boaboa nnipa a wɔatew wɔn ho no ano ma me; wɔn a wɔnam afɔrebɔ so ne me yɛɛ apam no.”
| אספו-לי חסידי-- כרתי בריתי עלי-זבח |
6 Ɔsoro pae mu ka ne trenee, na Onyankopɔn ankasa ne otemmufo.
| ויגידו שמים צדקו כי-אלהים שפט הוא סלה |
7 “Muntie, me nkurɔfo, na mɛkasa, medi adanse atia wo, Israel; Mene Onyankopɔn, wo Nyankopɔn no.
| שמעה עמי ואדברה-- ישראל ואעידה בך אלהים אלהיך אנכי |
8 Merenka mo anim wɔ mo afɔrebɔde anaa mo hyew afɔre a ɛwɔ mʼanim daa no ho.
| לא על-זבחיך אוכיחך ועולתיך לנגדי תמיד |
9 Anantwinini a wofi mo mfuw so anaa mpapo a wofi mo buw mu ho nhia me,
| לא-אקח מביתך פר ממכלאתיך עתודים |
10 efisɛ kwae mu aboa biara yɛ me de, anantwi a wɔwɔ nkoko mpempem so nso saa ara.
| כי-לי כל-חיתו-יער בהמות בהררי-אלף |
11 Minim anomaa biara a ɔwɔ mmepɔw no so, na wuram abɔde nyinaa yɛ me de.
| ידעתי כל-עוף הרים וזיז שדי עמדי |
12 Sɛ ɔkɔm dee me a, anka merenka nkyerɛ mo; efisɛ, wiase ne nea ɛwɔ mu nyinaa yɛ me de.
| אם-ארעב לא-אמר לך כי-לי תבל ומלאה |
13 Mewe anantwinini nam, na menom mpapo mogya ana?
| האוכל בשר אבירים ודם עתודים אשתה |
14 Momfa aseda afɔre mma Onyankopɔn, na munni bɔ a mohyɛɛ Ɔsorosoroni no so,
| זבח לאלהים תודה ושלם לעליון נדריך |
15 na momfrɛ me hiada; na megye mo na moahyɛ me anuonyam.”
| וקראני ביום צרה אחלצך ותכבדני |
16 Nanso amumɔyɛfo de, Onyankopɔn bisa wɔn se, “Adɛn nti na moka me mmara na mʼapam da mo ano?
| ולרשע אמר אלהים מה-לך לספר חקי ותשא בריתי עלי-פיך |
17 Mukyi me nkyerɛkyerɛ, na motow me nsɛm gu mo akyi.
| ואתה שנאת מוסר ותשלך דברי אחריך |
18 Sɛ muhu ɔkorɔmfo a mode mo ho bɔ no; na mo ne nguaman nso bɔ.
| אם-ראית גנב ותרץ עמו ועם מנאפים חלקך |
19 Mode mo ano yɛ bɔne, na mode mo tɛkrɛma boaboa nnaadaa ano.
| פיך שלחת ברעה ולשונך תצמיד מרמה |
20 Mokasa tia mo nuabarima bere biara na mosopa mo ankasa na ba.
| תשב באחיך תדבר בבן-אמך תתן-דפי |
21 Moayɛ eyinom nyinaa; nanso manka hwee, enti mususuw sɛ mete sɛ mo. Nanso mɛka mo anim, na mede mo sobo asi mo anim.
| אלה עשית והחרשתי-- דמית היות-אהיה כמוך אוכיחך ואערכה לעיניך |
22 “Munnwen eyi ho, mo a mo werɛ fi Onyankopɔn, anyɛ saa a, mɛtetew mo mu nketenkete a obiara remmegye mo;
| בינו-נא זאת שכחי אלוה פן-אטרף ואין מציל |
23 Nea ɔbɔ aseda afɔre no hyɛ me anuonyam, na osiesie kwan sɛnea mɛda Onyankopɔn nkwagye adi akyerɛ no.”
| זבח תודה יכבדנני ושם דרך--אראנו בישע אלהים |
