Nnwom 147
1 Monkamfo Awurade. Eye sɛ wɔto ayeyi nnwom ma yɛn Nyankopɔn, ɛyɛ fɛ na ɛfata dodo sɛ wɔkamfo no!
| הללו יה כי טוב זמרה אלהינו כי נעים נאוה תהלה׃ |
2 Awurade kyekyere Yerusalem; Ɔboaboa Israel nnommum ano.
| בונה ירושלם יהוה נדחי ישראל יכנס׃ |
3 Ɔsa wɔn a wɔn koma abotow no yare, na ɔkyekyere wɔn akuru.
| הרפא לשבורי לב ומחבש לעצבותם׃ |
4 Ɔkyerɛ nsoromma dodow a ɛwɔ hɔ, na ɔde obiara din frɛ no.
| מונה מספר לכוכבים לכלם שמות יקרא׃ |
5 Yɛn Awurade so, na ne tumi yɛ kɛse; yɛrente nʼase nwie.
| גדול אדונינו ורב כח לתבונתו אין מספר׃ |
6 Awurade wowaw ahobrɛasefo na ɔtotow amumɔyɛfo hwehwe fam.
| מעודד ענוים יהוה משפיל רשעים עדי ארץ׃ |
7 Monto aseda nnwom mma Awurade. Momfa sanku nto dwom mma yɛn Nyankopɔn.
| ענו ליהוה בתודה זמרו לאלהינו בכנור׃ |
8 Ɔde omununkum kata ɔsoro ani; ɔma asase osu ma sare nyin wɔ nkoko so.
| המכסה שמים בעבים המכין לארץ מטר המצמיח הרים חציר׃ |
9 Ɔma anantwi aduan, na sɛ kwaakwaadabimma su a, ɔma wɔn aduan.
| נותן לבהמה לחמה לבני ערב אשר יקראו׃ |
10 Ɛnyɛ ɔpɔnkɔ ahoɔden na nʼani sɔ na ɛnyɛ onipa ahoɔden nso.
| לא בגבורת הסוס יחפץ לא בשוקי האיש ירצה׃ |
11 Na mmom, Awurade ani sɔ nnipa a wosuro no, wɔn a wɔde wɔn ho to nʼadɔe a ɛnsa da no so no.
| רוצה יהוה את יראיו את המיחלים לחסדו׃ |
12 Momma Awurade so, Yerusalem; kamfo wo Nyankopɔn, Sion,
| שבחי ירושלם את יהוה הללי אלהיך ציון׃ |
13 ɔma wʼapon akyi adaban yɛ den, na ohyira wo nkurɔfo a wɔte wo mu.
| כי חזק בריחי שעריך ברך בניך בקרבך׃ |
14 Ɔma wʼahye so dwo, na ɔde awi ankasa ma wo.
| השם גבולך שלום חלב חטים ישביעך׃ |
15 Ɔsoma nʼahyɛde kɔ asase so; nʼasɛm tu mmirika ntɛm so.
| השלח אמרתו ארץ עד מהרה ירוץ דברו׃ |
16 Ɔtrɛw sukyerɛmma mu sɛ oguan ho nwi, na ɔpete obosu sukyerɛmma sɛ nsõ.
| הנתן שלג כצמר כפור כאפר יפזר׃ |
17 Ɔtotow mparuwbo gu fam sɛ mmosea. Hena na obetumi agyina nʼawɔw dennen no ano?
| משליך קרחו כפתים לפני קרתו מי יעמד׃ |
18 Ɔsoma nʼasɛm no ma ɛnan no; ɔhwanyan ne mframa, na nsu sen.
| ישלח דברו וימסם ישב רוחו יזלו מים׃ |
19 Wada nʼasɛm adi akyerɛ Yakob, ne mmara ne ɔhyɛ nsɛm akyerɛ Israel.
| מגיד דברו ליעקב חקיו ומשפטיו לישראל׃ |
20 Ɔnyɛɛ eyi maa ɔman foforo biara ɛ; wonnim ne mmara. Monkamfo Awurade!
| לא עשה כן לכל גוי ומשפטים בל ידעום הללו יה׃ |
