Nnwom 143
1 Dawid dwom. Awurade, tie me mpaebɔ, tie me mmɔborɔsu; fi wo nokwaredi ne trenee mu bra bɛboa me.
| מזמור לדוד יהוה שמע תפלתי האזינה אל תחנוני באמנתך ענני בצדקתך׃ |
2 Mfa wʼakoa nkɔ atemmu mu, na ɔteasefo biara nteɛ wɔ wʼanim.
| ואל תבוא במשפט את עבדך כי לא יצדק לפניך כל חי׃ |
3 Ɔtamfo no taa me, ɔbɔ me hwe fam; ɔma me tena sum mu te sɛ wɔn a wowuwuu dedaada.
| כי רדף אויב נפשי דכא לארץ חיתי הושיבני במחשכים כמתי עולם׃ |
4 Ɛno nti me honhom atɔ beraw wɔ me mu; na me koma di yaw wɔ me mu.
| ותתעטף עלי רוחי בתוכי ישתומם לבי׃ |
5 Mekae tete nna no; midwinnwen wo nnwuma ne nea wo nsa ayɛ nyinaa ho.
| זכרתי ימים מקדם הגיתי בכל פעלך במעשה ידיך אשוחח׃ |
6 Mema me nsa so kyerɛ wo; wo ho sukɔm de me kra sɛ asase kesee.
| פרשתי ידי אליך נפשי כארץ עיפה לך סלה׃ |
7 Awurade, gye me so ntɛm; me honhom tɔ piti. Mfa wʼanim nhintaw me anyɛ saa a mɛyɛ sɛ wɔn a wɔkɔ amoa mu no.
| מהר ענני יהוה כלתה רוחי אל תסתר פניך ממני ונמשלתי עם ירדי בור׃ |
8 Ma mente wʼadɔe a ɛnsa da no ho asɛm daa anɔpa, na mede me ho ato wo so. Kyerɛ me ɔkwan a memfa so, na wo na mema me kra so kyerɛ.
| השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃ |
9 Awurade gye me fi mʼatamfo nsam, na wo mu na mede me ho hintaw.
| הצילני מאיבי יהוה אליך כסתי׃ |
10 Kyerɛ me na menyɛ wʼapɛde, na wo ne me Nyankopɔn; ma wo honhom pa no nkogya me asasetaw so.
| למדני לעשות רצונך כי אתה אלוהי רוחך טובה תנחני בארץ מישור׃ |
11 Awurade, wo din nti, kyɛe me nkwa so; wo trenee mu, yi me fi ɔhaw mu.
| למען שמך יהוה תחיני בצדקתך תוציא מצרה נפשי׃ |
12 Fi wʼadɔe a ɛnsa da no mu mua mʼatamfo ano; na sɛe wɔn a wokyi me no nyinaa, na meyɛ wo somfo.
| ובחסדך תצמית איבי והאבדת כל צררי נפשי כי אני עבדך׃ |
