Nnwom 136

1 Monna Awurade ase na oye.

2 Monna anyame mu Nyankopɔn no ase.

3 Monna awuranom mu Awurade no ase.

4 Ɔno nko ara na ɔyɛ anwonwade akɛse.

5 Ɔno na ofi ne ntease mu bɔɔ ɔsoro.

6 Ɔno na ɔtrɛw asase mu de kataa nsu so.

7 Ɔno na ɔbɔɔ akanea akɛse no.

8 Ɔbɔɔ owia sɛ enni adekyee so.

9 Ɔbɔɔ sram ne nsoromma sɛ wonni adesae so no.

10 Ɔno na okunkum Misraimfo mmakan,

11 na oyii Israelfo fii wɔn mu no.

12 Ɔde nsa kɛse ne basa a wateɛ mu.

13 Ɔno na ɔpaee Po Kɔkɔɔ no mu no,

14 na ɔde Israelfo faa mfimfini no.

15 Nanso ɔpraa Farao ne nʼasraafo guu Po Kɔkɔɔ mu no.

16 Ɔno na odii ne nkurɔfo anim wɔ sare no so.

17 Ɔno na okum ahemfo akɛse no,

18 na okum ahemfo akunini no.

19 Okum Amorifo hene, Sihon,

20 ne Basanhene, Og.

21 Na ɔde wɔn nsase maa sɛ agyapade.

22 Ɔde maa ne somfo Israel sɛ agyapade.

23 Ɔkaee yɛn, yɛn mmerɛwyɛ mu.

24 Na ogyee yɛn fii yɛn atamfo nsam.

25 Ɔno na ɔma abɔde biara aduan.

26 Monna ɔsorosoro Nyankopɔn no ase.