Nnwom 124

1 Ɔsoroforo dwom. Dawid de. Sɛ anka Awurade nni yɛn afa a, ma Israel nka,

שיר המעלות לדוד לולי יהוה שהיה לנו-- יאמר-נא ישראל

2 Sɛ anka Awurade nni yɛn afa bere a nnipa tow hyɛɛ yɛn so,

לולי יהוה שהיה לנו-- בקום עלינו אדם

3 bere a wɔn abufuw sɔre tiaa yɛn a anka wɔmemenee yɛn anikann;

אזי חיים בלעונו-- בחרות אפם בנו

4 anka nsuyiri no bebu afa yɛn so, anka ɔhweam no bɛtwe yɛn akɔ,

אזי המים שטפונו-- נחלה עבר על-נפשנו

5 anka nsu a ano yɛ den no bɛpra yɛn kɔ.

אזי עבר על-נפשנו-- המים הזידונים

6 Ayeyi nka Awurade a wamma ho kwan amma wɔamfa wɔn se antetew yɛn mu.

ברוך יהוה-- שלא נתננו טרף לשניהם

7 Yɛaguan sɛ anomaa afi ofirisumfo afiri mu; wɔabubu afiri no, ama yɛaguan.

נפשנו-- כצפור נמלטה מפח יוקשים הפח נשבר ואנחנו נמלטנו

8 Yɛn mmoa wɔ Awurade din mu, ɔsoro ne asase Yɛfo no.

עזרנו בשם יהוה-- עשה שמים וארץ