Nnwom 119
1 Nhyira nka wɔn a wɔn akwan yɛ pɛ, na wɔnantew sɛnea Awurade mmara kyerɛ.
| אשרי תמימי-דרך-- ההלכים בתורת יהוה |
2 Nhyira nka wɔn a wɔkora nʼahyɛde, na wofi wɔn koma nyinaa mu hwehwɛ no.
| אשרי נצרי עדתיו בכל-לב ידרשוהו |
3 Wɔnyɛ mfomso biara; na wɔnam nʼakwan so.
| אף לא-פעלו עולה בדרכיו הלכו |
4 Woayɛ nkyerɛkyerɛ pa ato hɔ a ɛsɛ sɛ wodi so pɛpɛɛpɛ.
| אתה צויתה פקדיך-- לשמר מאד |
5 Ao, sɛ anka mʼakwan besi pi, ayɛ osetie wɔ wo hyɛ nsɛm ho ɛ!
| אחלי יכנו דרכי-- לשמר חקיך |
6 Sɛ midwen wo mmaransɛm no nyinaa ho a, ɛno de, anka mʼanim rengu ase.
| אז לא-אבוש-- בהביטי אל-כל-מצותיך |
7 Mede koma a mu tew bɛkamfo wo bere a meresua wo mmara a ɛteɛ no.
| אודך בישר לבב-- בלמדי משפטי צדקך |
8 Medi wo hyɛ nsɛm so; na nnyaw me korakora.
| את-חקיך אשמר אל-תעזבני עד-מאד |
9 Aberante bɛyɛ dɛn na nʼakwan ho atew? Ɛsɛ sɛ odi wʼasɛm so.
| במה יזכה-נער את-ארחו-- לשמר כדברך |
10 Mede me koma nyinaa hwehwɛ wo; mma me mman mfi wo mmara nsɛm ho.
| בכל-לבי דרשתיך אל-תשגני ממצותיך |
11 Mede wʼasɛm asie me koma mu sɛnea merenyɛ bɔne ntia wo.
| בלבי צפנתי אמרתך-- למען לא אחטא-לך |
12 Awurade, ayeyi nka wo; kyerɛkyerɛ me wo hyɛ nsɛm.
| ברוך אתה יהוה-- למדני חקיך |
13 Mede mʼano ka mmara a efi wʼanom nyinaa.
| בשפתי ספרתי-- כל משפטי-פיך |
14 Mʼani gye sɛ midi wʼahyɛde so, sɛnea obi ani gye ahonya bebree ho no.
| בדרך עדותיך ששתי-- כעל כל-הון |
15 Midwinnwen wo nkyerɛkyerɛ ho na mehwehwɛ wʼakwan mu.
| בפקודיך אשיחה ואביטה ארחתיך |
16 Mʼani gye wo hyɛ nsɛm ho; na merentoto wʼasɛm ase.
| בחקתיך אשתעשע לא אשכח דברך |
17 Yɛ wo somfo yiye; na matena ase adi wʼasɛm so.
| גמל על-עבדך אחיה ואשמרה דברך |
18 Bue mʼani na minhu anwonwade a ɛwɔ wo mmara no mu.
| גל-עיני ואביטה-- נפלאות מתורתך |
19 Meyɛ ɔnanani wɔ asase so; mfa wo mmaransɛm no nhintaw me.
| גר אנכי בארץ אל-תסתר ממני מצותיך |
20 Me kra tɔ beraw bere biara, wo mmara ho anigyina nti.
| גרסה נפשי לתאבה-- אל-משפטיך בכל-עת |
21 Woka ahantanfo anim, wɔn a wɔadome wɔn, na wɔman fi wo mmaransɛm ho no.
| גערת זדים ארורים-- השגים ממצותיך |
22 Yi wɔn animka ne animtiaabu fi me mu, efisɛ midi wʼahyɛde so.
| גל מעלי חרפה ובוז כי עדתיך נצרתי |
23 Ɛwɔ mu sɛ sodifo hyia di me ho nseku, nanso wo somfo bedwinnwen wʼahyɛde ho.
| גם ישבו שרים בי נדברו-- עבדך ישיח בחקיך |
24 Wʼahyɛde yɛ mʼanigyede na ɛyɛ me fotufo.
| גם-עדתיך שעשעי-- אנשי עצתי |
25 Woabrɛ me ase ma meda mfutuma mu; kyɛe me nkwa so sɛnea wʼasɛm no te.
| דבקה לעפר נפשי חיני כדברך |
26 Mesesee mʼakwan na wugyee me so; kyerɛkyerɛ me wʼahyɛde.
| דרכי ספרתי ותענני למדני חקיך |
27 Ma mente nea ɛwɔ wo nkyerɛkyerɛ mu ase; na mesusuw wʼanwonwade ho.
| דרך-פקודיך הבינני ואשיחה בנפלאותיך |
28 Awerɛhow ama me kra atɔ beraw; hyɛ me den sɛnea wʼasɛm no kyerɛ.
| דלפה נפשי מתוגה קימני כדברך |
29 Yi me fi nnaadaa akwan so; na fa wo mmara so dom me.
| דרך-שקר הסר ממני ותורתך חנני |
30 Mafa nokware kwan no so; mede me koma abata wo mmara ho.
| דרך-אמונה בחרתי משפטיך שויתי |
31 Awurade, mikura wo nkyerɛkyerɛ mu dennen, mma mʼanim ngu ase.
| דבקתי בעדותיך יהוה אל-תבישני |
32 Mitu mmirika wɔ wo mmaransɛm kwan no so, efisɛ woama mʼadwene mu adɔ.
| דרך-מצותיך ארוץ כי תרחיב לבי |
33 Kyerɛkyerɛ me, Awurade, na minni wo hyɛ nsɛm so, na medi so akosi awiei.
| הורני יהוה דרך חקיך ואצרנה עקב |
34 Ma me ntease, na medi wo mmara so, na mede me koma nyinaa bedi so.
| הבינני ואצרה תורתך ואשמרנה בכל-לב |
35 Kyerɛ me wo mmaransɛm kwan no na hɔ na minya anigye.
| הדריכני בנתיב מצותיך כי-בו חפצתי |
36 Dan me koma kɔ wʼahyɛde ho na ɛnyɛ pɛsɛmenkominya so mfaso ho.
| הט-לבי אל-עדותיך ואל אל-בצע |
37 Yi mʼani fi nneɛma hunu so; na kyɛe me nkwa so sɛnea wʼasɛm te.
| העבר עיני מראות שוא בדרכך חיני |
38 Di bɔ a woahyɛ wo somfo no so, na wasuro wo.
| הקם לעבדך אמרתך-- אשר ליראתך |
39 Yi animguase a ɛbɔ me hu no fi hɔ, efisɛ wo mmara yɛ papa.
| העבר חרפתי אשר יגרתי כי משפטיך טובים |
40 Mʼani agyina wo nkyerɛkyerɛ no! Kyɛe me nkwa so wɔ wo trenee mu.
| הנה תאבתי לפקדיך בצדקתך חיני |
41 Awurade, ma wo dɔ a ɛnsa da no mmra me so, wo nkwagye no, sɛnea wo bɔhyɛ no te.
| ויבאני חסדך יהוה תשועתך כאמרתך |
42 Afei mebua nea oyi me ahi no, efisɛ mewɔ wʼasɛm mu ahotoso.
| ואענה חרפי דבר כי-בטחתי בדברך |
43 Nyi nokwasɛm no mfi mʼanom, efisɛ mʼanidaso wɔ wo mmara mu.
| ואל-תצל מפי דבר-אמת עד-מאד כי למשפטך יחלתי |
44 Medi wo mmara so bere biara akosi daa apem.
| ואשמרה תורתך תמיד-- לעולם ועד |
45 Mede ahofadi bɛnantew, efisɛ mahwehwɛ wo nkyerɛkyerɛ.
| ואתהלכה ברחבה כי פקדיך דרשתי |
46 Mɛka wʼahyɛde ho asɛm wɔ ahemfo anim na wɔrengu mʼanim ase,
| ואדברה בעדתיך נגד מלכים ולא אבוש |
47 efisɛ mʼani gye wo mmaransɛm ho, na medɔ no.
| ואשתעשע במצותיך אשר אהבתי |
48 Mede nidi ma wo mmaransɛm a medɔ no, na midwinnwen wo hyɛ nsɛm ho.
| ואשא-כפי--אל-מצותיך אשר אהבתי ואשיחה בחקיך |
49 Kae asɛm a woaka akyerɛ wo somfo, efisɛ woama me anidaso.
| זכר-דבר לעבדך-- על אשר יחלתני |
50 Mʼawerɛkyekye wɔ mʼamanehunu mu ne sɛ: Wo bɔhyɛ kyɛe me nkwa so.
| זאת נחמתי בעניי כי אמרתך חיתני |
51 Ahantanfo bu me animtiaa bebree, nanso mennan mfi wo mmara ho.
| זדים הליצני עד-מאד מתורתך לא נטיתי |
52 Awurade mekae wo tete mmara no, na minya awerɛkyekye wɔ mu.
| זכרתי משפטיך מעולם יהוה ואתנחם |
53 Abufuw hyɛ me ma, esiane amumɔyɛfo a wɔapo wo mmara nti.
| זלעפה אחזתני מרשעים-- עזבי תורתך |
54 Wo hyɛ nsɛm yɛ me dwom tiban wɔ baabiara a mesoɛ.
| זמרות היו-לי חקיך-- בבית מגורי |
55 Awurade, anadwo mekae wo din, na medi wo mmara so.
| זכרתי בלילה שמך יהוה ואשמרה תורתך |
56 Eyi ne ade a meyɛ da biara, midi wo nkyerɛkyerɛ so.
| זאת היתה-לי כי פקדיך נצרתי |
57 Awurade, wo ne me kyɛfa; mahyɛ bɔ sɛ medi wo nsɛm so.
| חלקי יהוה אמרתי-- לשמר דבריך |
58 Mede me koma nyinaa ahwehwɛ wo; hu me mmɔbɔ sɛnea wo bɔhyɛ no te.
| חליתי פניך בכל-לב חנני כאמרתך |
59 Madwene mʼakwan ho na madan mʼanammɔntu akyerɛ wʼahyɛde.
| חשבתי דרכי ואשיבה רגלי אל-עדתיך |
60 Mɛyɛ ntɛm, merentwentwɛn sɛ medi wo mmara nsɛm so.
| חשתי ולא התמהמהתי-- לשמר מצותיך |
61 Ɛwɔ mu, amumɔyɛfo de hama kyekyere me, nanso me werɛ remfi wo mmara.
| חבלי רשעים עודני תורתך לא שכחתי |
62 Ɔdasu mu, mesɔre de wʼaseda ma wo, wo mmara a ɛteɛ nti.
| חצות-לילה--אקום להודות לך על משפטי צדקך |
63 Meyɛ wɔn a wosuro wo nyinaa adamfo, wɔn a wodi wo nkyerɛkyerɛ so nyinaa.
| חבר אני לכל-אשר יראוך ולשמרי פקודיך |
64 Awurade, wʼadɔe ahyɛ asase so ma; kyerɛkyerɛ me wo hyɛ nsɛm.
| חסדך יהוה מלאה הארץ חקיך למדני |
65 Wo ne wo somfo nni no yiye sɛnea wʼasɛm te, Awurade.
| טוב עשית עם-עבדך-- יהוה כדברך |
66 Kyerɛkyerɛ me nimdeɛ ne atemmu pa, efisɛ migye wo mmara nsɛm no di.
| טוב טעם ודעת למדני כי במצותיך האמנתי |
67 Mefom ɔkwan ansa na mihuu amane, na mprempren de midi wʼasɛm so.
| טרם אענה אני שגג ועתה אמרתך שמרתי |
68 Wuye, na nea woyɛ nso ye; kyerɛkyerɛ me wo hyɛ nsɛm.
| טוב-אתה ומטיב למדני חקיך |
69 Ahantanfo de atoro asra me ho de, nanso mede me koma nyinaa di wo nkyerɛkyerɛ so.
| טפלו עלי שקר זדים אני בכל-לב אצר פקודיך |
70 Wɔn koma yɛ den na wonni ɔtema, nanso mʼani gye wo mmara ho.
| טפש כחלב לבם אני תורתך שעשעתי |
71 Eye sɛ mihuu amane sɛnea mesua wo hyɛ nsɛm.
| טוב-לי כי-עניתי-- למען אלמד חקיך |
72 Mmara a efi wʼanom no som bo ma me sen dwetɛ ne sikakɔkɔɔ mpem mpem.
| טוב-לי תורת-פיך-- מאלפי זהב וכסף |
73 Wo nsa na ɛbɔɔ me na ɛnwenee me; ma me ntease a mede besua wo mmara nsɛm.
| ידיך עשוני ויכוננוני הבינני ואלמדה מצותיך |
74 Sɛ wɔn a wosuro wo no hu me a, ma wɔn ani nnye, efisɛ mede mʼanidaso ahyɛ wʼasɛm mu.
| יראיך יראוני וישמחו כי לדברך יחלתי |
75 Awurade, minim sɛnea wo mmara te, na nokwaredi mu na woatwe mʼaso.
| ידעתי יהוה כי-צדק משפטיך ואמונה עניתני |
76 Ma wʼadɔe a ɛnsa da no nkyekye me werɛ sɛnea bɔ a woahyɛ wo somfo no te no.
| יהי-נא חסדך לנחמני-- כאמרתך לעבדך |
77 Ma wʼayamhyehye mmra me so, na minnya nkwa, efisɛ mʼani ka wo mmara ho.
| יבאוני רחמיך ואחיה כי-תורתך שעשעי |
78 Ma ahantanfo ani nwu sɛ wɔfom me kwa nti nanso mesusuw wo nkyerɛkyerɛ ho.
| יבשו זדים כי-שקר עותוני אני אשיח בפקודיך |
79 Ma wɔn a wosuro wo no mmra me nkyɛn, wɔn a wɔte wo mmara ase no.
| ישובו לי יראיך וידעו (וידעי) עדתיך |
80 Ma me koma nnya bembu wɔ wo hyɛ nsɛm ho, na mʼanim angu ase.
| יהי-לבי תמים בחקיך-- למען לא אבוש |
81 Wo nkwagye ho anigyina ama me kra atɔ piti, nanso mede mʼanidaso ahyɛ wʼasɛm mu.
| כלתה לתשועתך נפשי לדברך יחלתי |
82 Mahwɛ wo bɔhyɛ anim ama mʼani abu; meka se, “Da bɛn na wobɛkyekye me werɛ?”
| כלו עיני לאמרתך-- לאמר מתי תנחמני |
83 Ɛwɔ mu sɛ mete sɛ nsa kotoku a ɛsɛn wusiw ano de, nanso me werɛ mfi wo hyɛ nsɛm no.
| כי-הייתי כנאד בקיטור-- חקיך לא שכחתי |
84 Wo somfo ntwɛn nkosi da bɛn? Da bɛn na wobɛtwe wɔn a wɔtaa me no aso?
| כמה ימי-עבדך מתי תעשה ברדפי משפט |
85 Ahantanfo atu amoa de asum me afiri, a ɛne wo mmara bɔ abira.
| כרו-לי זדים שיחות-- אשר לא כתורתך |
86 Wo mmara nsɛm nyinaa mu wɔ ahotoso; boa me, efisɛ nnipa taa me kwa.
| כל-מצותיך אמונה שקר רדפוני עזרני |
87 Ɛkaa kakraa bi a anka woyii me fii asase so, nanso minnyaee wo nkyerɛkyerɛ sodi.
| כמעט כלוני בארץ ואני לא-עזבתי פקדיך |
88 Kyɛe me nkwa so sɛnea wʼadɔe te, na medi nkyerɛkyerɛ a efi wʼanom no so.
| כחסדך חיני ואשמרה עדות פיך |
89 Awurade, wʼasɛm no wɔ hɔ daa; egyina hɔ pintinn wɔ ɔsorosoro.
| לעולם יהוה-- דברך נצב בשמים |
90 Wo nokwaredi kɔ so wɔ awo ntoatoaso nyinaa mu; wode asase sii hɔ, na etim hɔ.
| לדר ודר אמונתך כוננת ארץ ותעמד |
91 Wo mmara wɔ hɔ besi nnɛ, na nneɛma nyinaa som wo.
| למשפטיך עמדו היום כי הכל עבדיך |
92 Sɛ mʼani anka wo mmara no ho a, anka mʼamanehunu akum me.
| לולי תורתך שעשעי-- אז אבדתי בעניי |
93 Me werɛ remfi wo nkyerɛkyerɛ no, efisɛ ɛno so na wonam akyɛe me nkwa so.
| לעולם לא-אשכח פקודיך כי בם חייתני |
94 Gye me nkwa, na meyɛ wo de; na mahwehwɛ wo nkyerɛkyerɛ no.
| לך-אני הושיעני כי פקודיך דרשתי |
95 Amumɔyɛfo retwɛn sɛ wɔbɛsɛe me, nanso, misusuw wʼahyɛde ho.
| לי קוו רשעים לאבדני עדתיך אתבונן |
96 Mahu sɛ pɛyɛ nyinaa wɔ nea ɛkɔpem; nanso wo mmara nsɛm no nni ɔhye.
| לכל-תכלה ראיתי קץ רחבה מצותך מאד |
97 Ao, medɔ wo mmara no yiye! Midwinnwen ho da mu nyinaa.
| מה-אהבתי תורתך כל-היום היא שיחתי |
98 Wo mmara nsɛm ma mihu nyansa sen mʼatamfo, efisɛ ɛwɔ me nkyɛn daa.
| מאיבי תחכמני מצותך כי לעולם היא-לי |
99 Mewɔ nhumu sen mʼakyerɛkyerɛfo nyinaa, efisɛ midwinnwen wʼahyɛde ho.
| מכל-מלמדי השכלתי כי עדותיך שיחה לי |
100 Mewɔ ntease sen mpanyimfo, efisɛ midi wo nkyerɛkyerɛ so.
| מזקנים אתבונן כי פקודיך נצרתי |
101 Memfaa mʼanan nsii ɔkwan bɔne biara so sɛnea metumi ayɛ osetie ama wʼasɛm.
| מכל-ארח רע כלאתי רגלי-- למען אשמר דברך |
102 Memman mfii wo mmara ho, efisɛ wʼankasa na woakyerɛkyerɛ me.
| ממשפטיך לא-סרתי כי-אתה הורתני |
103 Wo nsɛm yɛ me dɛ, ɛyɛ dɛ sen ɛwo wɔ mʼanom.
| מה-נמלצו לחכי אמרתך-- מדבש לפי |
104 Minya ntease fi wo nkyerɛkyerɛ mu; enti mikyi ɔkwan bɔne biara.
| מפקודיך אתבונן על כן שנאתי כל-ארח שקר |
105 Wʼasɛm yɛ mʼanan ase kanea ne me kwan so hann.
| נר-לרגלי דברך ואור לנתיבתי |
106 Maka ntam ahyɛ mu kena se medi wo trenee mmara no so.
| נשבעתי ואקימה-- לשמר משפטי צדקך |
107 Mahu amane bebree; kyɛe me nkwa so, Awurade, sɛnea wʼasɛm te.
| נעניתי עד-מאד יהוה חיני כדברך |
108 Awurade, ma wʼani nsɔ mʼanom nkamfo a efi me pɛ mu, na kyerɛkyerɛ me wo mmara.
| נדבות פי רצה-נא יהוה ומשפטיך למדני |
109 Ɛwɔ mu sɛ daa metoto me nkwa ase de, nanso me werɛ remfi wo mmara.
| נפשי בכפי תמיד ותורתך לא שכחתי |
110 Amumɔyɛfo asum me afiri, nanso memfom mfii wo nkyerɛkyerɛ ho.
| נתנו רשעים פח לי ומפקודיך לא תעיתי |
111 Wʼahyɛde yɛ mʼagyapade afebɔɔ; ɛma me koma ani gye.
| נחלתי עדותיך לעולם כי-ששון לבי המה |
112 Me koma ayɛ krado sɛ ɛbɛhwɛ wo hyɛ nsɛm so akosi awiei.
| נטיתי לבי לעשות חקיך-- לעולם עקב |
113 Mikyi nnipa a wɔn adwene yɛ wɔn ntanta, na medɔ wo mmara.
| סעפים שנאתי ותורתך אהבתי |
114 Wone me guankɔbea ne me kyɛm; mede mʼanidaso ahyɛ wʼasɛm mu.
| סתרי ומגני אתה לדברך יחלתי |
115 Mumfi me so nkɔ, mo nnebɔneyɛfo, na minni me Nyankopɔn mmara nsɛm so!
| סורו-ממני מרעים ואצרה מצות אלהי |
116 Wowaw me sɛnea wo bɔhyɛ no te, na mɛtena nkwa mu; mma mʼanidaso nyɛ ɔkwa.
| סמכני כאמרתך ואחיה ואל-תבישני משברי |
117 So me mu, na menya ogye; na bere biara mɛhwɛ wo hyɛ nsɛm no.
| סעדני ואושעה ואשעה בחקיך תמיד |
118 Wopo wɔn a wɔfom wo hyɛ nsɛm nyinaa, na wɔn nnaadaa no yɛ ɔkwa.
| סלית כל-שוגים מחקיך כי-שקר תרמיתם |
119 Wotow amumɔyɛfo nyinaa gu sɛ afide; enti medɔ wʼahyɛde.
| סגים--השבת כל-רשעי-ארץ לכן אהבתי עדתיך |
120 Wo ho suro ma me ho popo; wo mmara abɔ me hu.
| סמר מפחדך בשרי וממשפטיך יראתי |
121 Mayɛ nea ɛteɛ na ɛyɛ pɛ. Nnyaa me mma wɔn a wɔhyɛ me so!
| עשיתי משפט וצדק בל-תניחני לעשקי |
122 Hwɛ ma wo somfo nni yiye; mma ahantanfo nhyɛ me so.
| ערב עבדך לטוב אל-יעשקני זדים |
123 Mahwɛ wo nkwagye anim ama mʼani abu, ɛrehwehwɛ wo bɔhyɛ a ɛteɛ no.
| עיני כלו לישועתך ולאמרת צדקך |
124 Wo ne wo somfo nni no sɛnea wʼadɔe te, na kyerɛkyerɛ me wo hyɛ nsɛm.
| עשה עם-עבדך כחסדך וחקיך למדני |
125 Meyɛ wo somfo; ma me nhumu na mate wʼahyɛde ase.
| עבדך-אני הבינני ואדעה עדתיך |
126 Awurade, bere aso sɛ woyɛ biribi; wɔrebu wo mmara so.
| עת לעשות ליהוה-- הפרו תורתך |
127 Esiane sɛ medɔ wo mmara nsɛm sen sikakɔkɔɔ, anaa sikakɔkɔɔ ankasa,
| על-כן אהבתי מצותיך-- מזהב ומפז |
128 na midwen sɛ wo nkyerɛkyerɛ nyinaa ye nti, mikyi ɔkwan bɔne biara.
| על-כן כל-פקודי כל ישרתי כל-ארח שקר שנאתי |
129 Wʼahyɛde yɛ nwonwa; enti midi so.
| פלאות עדותיך על-כן נצרתם נפשי |
130 Wo nsɛm asete ma hann; na ɛma ntetekwaa nya ntease.
| פתח דבריך יאיר מבין פתיים |
131 Mibue mʼanom na migu ahome, na mʼani gyina wo mmara nsɛm.
| פי-פערתי ואשאפה כי למצותיך יאבתי |
132 Dan wʼani hwɛ me na hu me mmɔbɔ sɛnea woyɛ daa ma wɔn a wɔdɔ wo din no.
| פנה-אלי וחנני-- כמשפט לאהבי שמך |
133 Tutu mʼanammɔn sɛnea wʼasɛm no te; mma bɔne biara nni me so.
| פעמי הכן באמרתך ואל-תשלט-בי כל-און |
134 Gye me fi nnipa nhyɛso mu, na madi wo nkyerɛkyerɛ so.
| פדני מעשק אדם ואשמרה פקודיך |
135 Ma wʼanim nhyerɛn wo somfo so na kyerɛkyerɛ me wo hyɛ nsɛm.
| פניך האר בעבדך ולמדני את-חקיך |
136 Nsuten nisu aguare me, efisɛ nnipa nni wo mmara so.
| פלגי-מים ירדו עיני-- על לא-שמרו תורתך |
137 Ɔtreneeni ne wo, Awurade, na wo mmara nso yɛ pɛ.
| צדיק אתה יהוה וישר משפטיך |
138 Ahyɛde a woayɛ no yɛ trenee; ɛyɛ nea wonya mu ahotoso pa ara.
| צוית צדק עדתיך ואמונה מאד |
139 Abufuw ahyɛ me ma, efisɛ mʼatamfo bu wɔn ani gu wo nsɛm so.
| צמתתני קנאתי כי-שכחו דבריך צרי |
140 Wɔasɔ wo bɔhyɛ ahorow no ahwɛ pa ara, na wo somfo dɔ wɔn.
| צרופה אמרתך מאד ועבדך אהבה |
141 Ɛwɔ mu sɛ menka hwee na memfra de, nanso me werɛ mfi wo nkyerɛkyerɛ.
| צעיר אנכי ונבזה פקדיך לא שכחתי |
142 Wo trenee wɔ hɔ daa, na wo mmara no yɛ nokware.
| צדקתך צדק לעולם ותורתך אמת |
143 Ɔhaw ne awerɛhow aba me so, nanso wo mmara nsɛm ma me ahosɛpɛw.
| צר-ומצוק מצאוני מצותיך שעשעי |
144 Wʼahyɛde yɛ nokware daa; ma me ntease na manya nkwa.
| צדק עדותיך לעולם הבינני ואחיה |
145 Awurade, mede me koma nyinaa mefrɛ wo, gye me so, na medi wo hyɛ nsɛm no so.
| קראתי בכל-לב ענני יהוה חקיך אצרה |
146 Misu mefrɛ wo, gye me nkwa na midi wʼahyɛde so.
| קראתיך הושיעני ואשמרה עדתיך |
147 Mesɔre anɔpahema, na misu pɛ mmoa; mede me werɛ ahyɛ wo nsɛm mu.
| קדמתי בנשף ואשועה לדבריך (לדברך) יחלתי |
148 Mʼani gu so anadwo nyinaa, na misusuw wo bɔhyɛ ho.
| קדמו עיני אשמרות-- לשיח באמרתך |
149 Tie me nne sɛnea wʼadɔe no te; Awurade, kyɛe me nkwa so sɛnea wo mmara te.
| קולי שמעה כחסדך יהוה כמשפטך חיני |
150 Wɔn a wɔhyehyɛ atirimɔdensɛm no abɛn, nanso wɔne wo mmara ntam ware.
| קרבו רדפי זמה מתורתך רחקו |
151 Awurade, wo de, wobɛn me, na wo mmara nsɛm nyinaa yɛ nokware.
| קרוב אתה יהוה וכל-מצותיך אמת |
152 Mmere bi a atwa mu no, misuaa wʼahyɛde a wode tim hɔ sɛ ɛntena hɔ daa no.
| קדם ידעתי מעדתיך כי לעולם יסדתם |
153 Hwɛ mʼamanehunu na gye me nkwa efisɛ me werɛ mfii wo mmara no.
| ראה-עניי וחלצני כי-תורתך לא שכחתי |
154 Di mʼasɛm ma me na gye me; kyɛe me nkwa so sɛnea wo bɔhyɛ no te.
| ריבה ריבי וגאלני לאמרתך חיני |
155 Nkwagye ne atirimɔdenfo ntam kwan ware, efisɛ wɔnhwehwɛ wo hyɛ nsɛm no.
| רחוק מרשעים ישועה כי חקיך לא דרשו |
156 Awurade, wʼayamhyehye yɛ kɛse; kyɛe me nkwa so sɛnea wo mmara no te.
| רחמיך רבים יהוה כמשפטיך חיני |
157 Atamfo a wɔteetee me dɔɔso, nanso memman mfii wo nhyehyɛe ho.
| רבים רדפי וצרי מעדותיך לא נטיתי |
158 Mehwɛ wɔn a wonni gyidi no a wɔn ho yɛ me nwini, efisɛ wonni wʼasɛm so.
| ראיתי בגדים ואתקוטטה-- אשר אמרתך לא שמרו |
159 Hwɛ sɛnea mʼani gye wo nkyerɛkyerɛ ho; Awurade, kyɛe me nkwa so sɛnea wʼadɔe te.
| ראה כי-פקודיך אהבתי יהוה כחסדך חיני |
160 Wo nsɛm nyinaa yɛ nokware; na wo mmara a ɛteɛ no to rentwa da.
| ראש-דברך אמת ולעולם כל-משפט צדקך |
161 Sodifo taataa me kwa, nanso ɛyɛ wʼasɛm nko ara na misuro.
| שרים רדפוני חנם ומדבריך (ומדברך) פחד לבי |
162 Mʼani gye wo bɔhyɛ ho te sɛ obi a wanya asade kɛse.
| שש אנכי על-אמרתך-- כמוצא שלל רב |
163 Mikyi nkontompo na medɔ wo mmara.
| שקר שנאתי ואתעבה תורתך אהבתי |
164 Mekamfo wo mpɛn ason da biara, wo mmara a ɛteɛ no nti.
| שבע ביום הללתיך-- על משפטי צדקך |
165 Wɔn a wɔdɔ wo mmara no wɔ asomdwoe mmoroso, na biribiara rentumi mma wonhintiw.
| שלום רב לאהבי תורתך ואין-למו מכשול |
166 Awurade, metwɛn wo nkwagye, na midi wo mmara nsɛm so.
| שברתי לישועתך יהוה ומצותיך עשיתי |
167 Midi wʼahyɛde so na medɔ no yiye.
| שמרה נפשי עדתיך ואהבם מאד |
168 Midi wo nkyerɛkyerɛ ne wʼahyɛde so, na wunim mʼakwan nyinaa.
| שמרתי פקודיך ועדתיך כי כל-דרכי נגדך |
169 Awurade, ma me sufrɛ nnu wʼanim; ma me ntease sɛnea wʼasɛm no te.
| תקרב רנתי לפניך יהוה כדברך הבינני |
170 Ma me nkotosrɛ nnu wʼanim; na gye me sɛnea wo bɔhyɛ no te.
| תבוא תחנתי לפניך כאמרתך הצילני |
171 Ma nkamfo nhyɛ mʼanom ma; efisɛ wokyerɛkyerɛ me wo hyɛ nsɛm.
| תבענה שפתי תהלה כי תלמדני חקיך |
172 Ma me tɛkrɛma nto wʼasɛm ho dwom, efisɛ wo mmara nsɛm nyinaa yɛ trenee.
| תען לשוני אמרתך כי כל-מצותיך צדק |
173 Ma wo nsa nyɛ krado mmɛboa me, efisɛ maso wo nkyerɛkyerɛ no mu.
| תהי-ידך לעזרני כי פקודיך בחרתי |
174 Awurade, mʼani agyina wo nkwagye, na wo mmara yɛ mʼanigyede.
| תאבתי לישועתך יהוה ותורתך שעשעי |
175 Ma mentena nkwa mu na matumi akamfo wo, na wo mmara nso awowaw me.
| תחי-נפשי ותהללך ומשפטך יעזרני |
176 Mafom kwan sɛ oguan a wayera. Hwehwɛ wo somfo, efisɛ me werɛ mfii wo mmara nsɛm no ɛ.
| תעיתי-- כשה אבד בקש עבדך כי מצותיך לא שכחתי |
