Nnwom 119
1 Nhyira nka wɔn a wɔn akwan yɛ pɛ, na wɔnantew sɛnea Awurade mmara kyerɛ.
Alleluia. Blessed are the blameless in the way, who walk in the law of the Lord.
2 Nhyira nka wɔn a wɔkora nʼahyɛde, na wofi wɔn koma nyinaa mu hwehwɛ no.
Blessed are they that search out his testimonies: they will diligently seek him with the whole heart.
3 Wɔnyɛ mfomso biara; na wɔnam nʼakwan so.
For they that work iniquity have not walked in his ways.
4 Woayɛ nkyerɛkyerɛ pa ato hɔ a ɛsɛ sɛ wodi so pɛpɛɛpɛ.
You have commanded [us] diligently to keep your precepts.
5 Ao, sɛ anka mʼakwan besi pi, ayɛ osetie wɔ wo hyɛ nsɛm ho ɛ!
O that my ways were directed to keep your ordinances.
6 Sɛ midwen wo mmaransɛm no nyinaa ho a, ɛno de, anka mʼanim rengu ase.
Then shall I not be ashamed, when I have respect to all your commandments.
7 Mede koma a mu tew bɛkamfo wo bere a meresua wo mmara a ɛteɛ no.
I will give you thanks with uprightness of heart, when I have learned the judgments of your righteousness.
8 Medi wo hyɛ nsɛm so; na nnyaw me korakora.
I will keep your ordinances: O forsake me not greatly.
9 Aberante bɛyɛ dɛn na nʼakwan ho atew? Ɛsɛ sɛ odi wʼasɛm so.
Wherewith shall a young man direct his way? by keeping your words.
10 Mede me koma nyinaa hwehwɛ wo; mma me mman mfi wo mmara nsɛm ho.
With my whole heart have I diligently sought you: cast me not away from your commandments.
11 Mede wʼasɛm asie me koma mu sɛnea merenyɛ bɔne ntia wo.
I have hidden your oracles in my heart, that I might not sin against you.
12 Awurade, ayeyi nka wo; kyerɛkyerɛ me wo hyɛ nsɛm.
Blessed are you, O Lord: teach me your ordinances.
13 Mede mʼano ka mmara a efi wʼanom nyinaa.
With my lips have I declared all the judgments of your mouth.
14 Mʼani gye sɛ midi wʼahyɛde so, sɛnea obi ani gye ahonya bebree ho no.
I have delighted in the way of your testimonies, [as much] as in all riches.
15 Midwinnwen wo nkyerɛkyerɛ ho na mehwehwɛ wʼakwan mu.
I will meditate on your commandments, and consider your ways.
16 Mʼani gye wo hyɛ nsɛm ho; na merentoto wʼasɛm ase.
I will meditate on your ordinances: I will not forget your words.
17 Yɛ wo somfo yiye; na matena ase adi wʼasɛm so.
Render a recompense to your servant: [so] shall I live, and keep your words.
18 Bue mʼani na minhu anwonwade a ɛwɔ wo mmara no mu.
Unveil you mine eyes, and I shall perceive wondrous things of your law.
19 Meyɛ ɔnanani wɔ asase so; mfa wo mmaransɛm no nhintaw me.
I am a stranger in the earth: hide not your commandments from me.
20 Me kra tɔ beraw bere biara, wo mmara ho anigyina nti.
My soul has longed exceedingly for your judgments at all times.
21 Woka ahantanfo anim, wɔn a wɔadome wɔn, na wɔman fi wo mmaransɛm ho no.
You have rebuked the proud: cursed are they that turn aside from your commandments.
22 Yi wɔn animka ne animtiaabu fi me mu, efisɛ midi wʼahyɛde so.
Remove from me reproach and contempt; for I have sought out your testimonies.
23 Ɛwɔ mu sɛ sodifo hyia di me ho nseku, nanso wo somfo bedwinnwen wʼahyɛde ho.
For princes sat and spoke against me: but your servant was meditating on your ordinances.
24 Wʼahyɛde yɛ mʼanigyede na ɛyɛ me fotufo.
For your testimonies are my (meditation) and your ordinances are my counselors.
25 Woabrɛ me ase ma meda mfutuma mu; kyɛe me nkwa so sɛnea wʼasɛm no te.
My soul has cleaved to the ground; quicken you me according to your word.
26 Mesesee mʼakwan na wugyee me so; kyerɛkyerɛ me wʼahyɛde.
I declared my ways, and you did hear me: teach me your ordinances.
27 Ma mente nea ɛwɔ wo nkyerɛkyerɛ mu ase; na mesusuw wʼanwonwade ho.
Instruct me in the way of your ordinances; and I will meditate on your wondrous works.
28 Awerɛhow ama me kra atɔ beraw; hyɛ me den sɛnea wʼasɛm no kyerɛ.
My soul has slumbered for sorrow; strengthen you me with your words.
29 Yi me fi nnaadaa akwan so; na fa wo mmara so dom me.
Remove from me the way of iniquity; and be merciful to me by your law.
30 Mafa nokware kwan no so; mede me koma abata wo mmara ho.
I have chosen the way of truth; and have not forgotten your judgments.
31 Awurade, mikura wo nkyerɛkyerɛ mu dennen, mma mʼanim ngu ase.
I have cleaved to your testimonies, O Lord; put me not to shame.
32 Mitu mmirika wɔ wo mmaransɛm kwan no so, efisɛ woama mʼadwene mu adɔ.
I ran the way of your commandments, when you did enlarge my heart.
33 Kyerɛkyerɛ me, Awurade, na minni wo hyɛ nsɛm so, na medi so akosi awiei.
Teach me, O Lord, the way of your ordinances, and I will seek it out continually.
34 Ma me ntease, na medi wo mmara so, na mede me koma nyinaa bedi so.
Instruct me, and I will search out your law, and will keep it with my whole heart.
35 Kyerɛ me wo mmaransɛm kwan no na hɔ na minya anigye.
Guide me in the path of your commandments; for I have delighted in it.
36 Dan me koma kɔ wʼahyɛde ho na ɛnyɛ pɛsɛmenkominya so mfaso ho.
Incline mine heart to your testimonies, and not to covetousness.
37 Yi mʼani fi nneɛma hunu so; na kyɛe me nkwa so sɛnea wʼasɛm te.
Turn away mine eyes that I may not behold vanity: quicken you me in your way.
38 Di bɔ a woahyɛ wo somfo no so, na wasuro wo.
Confirm your oracle to your servant, that he may fear you.
39 Yi animguase a ɛbɔ me hu no fi hɔ, efisɛ wo mmara yɛ papa.
Take away my reproach which I have feared: for your judgments are good.
40 Mʼani agyina wo nkyerɛkyerɛ no! Kyɛe me nkwa so wɔ wo trenee mu.
Behold, I have desired your commandments: quicken me in your righteousness.
41 Awurade, ma wo dɔ a ɛnsa da no mmra me so, wo nkwagye no, sɛnea wo bɔhyɛ no te.
And let your mercy come upon me, O Lord; [even] your salvation, according to your word.
42 Afei mebua nea oyi me ahi no, efisɛ mewɔ wʼasɛm mu ahotoso.
And [so] I shall render an answer to them that reproach me: for I have trusted in your words.
43 Nyi nokwasɛm no mfi mʼanom, efisɛ mʼanidaso wɔ wo mmara mu.
And take not the word of truth utterly out of my mouth; for I have hoped in your judgments. So shall I keep your law continually, for ever and ever.
44 Medi wo mmara so bere biara akosi daa apem.
45 Mede ahofadi bɛnantew, efisɛ mahwehwɛ wo nkyerɛkyerɛ.
I walked also at large: for I sought out your commandments.
46 Mɛka wʼahyɛde ho asɛm wɔ ahemfo anim na wɔrengu mʼanim ase,
And I spoke of your testimonies before kings, and was not ashamed.
47 efisɛ mʼani gye wo mmaransɛm ho, na medɔ no.
And I meditated on your commandments, which I loved exceedingly.
48 Mede nidi ma wo mmaransɛm a medɔ no, na midwinnwen wo hyɛ nsɛm ho.
And I lifted up my hands to your commandments which I loved; and I meditated in your ordinances.
49 Kae asɛm a woaka akyerɛ wo somfo, efisɛ woama me anidaso.
Remember your words to your servant, wherein you have made me hope.
50 Mʼawerɛkyekye wɔ mʼamanehunu mu ne sɛ: Wo bɔhyɛ kyɛe me nkwa so.
This has comforted me in mine affliction: for your oracle has quickened me.
51 Ahantanfo bu me animtiaa bebree, nanso mennan mfi wo mmara ho.
The proud have transgressed exceedingly; but I swerved not from your law.
52 Awurade mekae wo tete mmara no, na minya awerɛkyekye wɔ mu.
I remembered your judgments of old, O Lord; and was comforted.
53 Abufuw hyɛ me ma, esiane amumɔyɛfo a wɔapo wo mmara nti.
Despair took hold upon me, because of the sinners who forsake your law.
54 Wo hyɛ nsɛm yɛ me dwom tiban wɔ baabiara a mesoɛ.
Your ordinances were my songs in the place of my sojourning.
55 Awurade, anadwo mekae wo din, na medi wo mmara so.
I remembered your name, O Lord, in the night, and kept your law.
56 Eyi ne ade a meyɛ da biara, midi wo nkyerɛkyerɛ so.
This I had, because I diligently sought your ordinances.
57 Awurade, wo ne me kyɛfa; mahyɛ bɔ sɛ medi wo nsɛm so.
You are my portion, O Lord: I said that I would keep your law.
58 Mede me koma nyinaa ahwehwɛ wo; hu me mmɔbɔ sɛnea wo bɔhyɛ no te.
I implored your favor with my whole heart: have mercy upon me according to your word.
59 Madwene mʼakwan ho na madan mʼanammɔntu akyerɛ wʼahyɛde.
I thought on your ways, and turned my feet to your testimonies.
60 Mɛyɛ ntɛm, merentwentwɛn sɛ medi wo mmara nsɛm so.
I prepared myself, (and was not terrified, ) to keep your commandments.
61 Ɛwɔ mu, amumɔyɛfo de hama kyekyere me, nanso me werɛ remfi wo mmara.
The snares of sinners entangled me: but I forgot not your law.
62 Ɔdasu mu, mesɔre de wʼaseda ma wo, wo mmara a ɛteɛ nti.
At midnight I arose, to give thanks to you for the judgments of your righteousness.
63 Meyɛ wɔn a wosuro wo nyinaa adamfo, wɔn a wodi wo nkyerɛkyerɛ so nyinaa.
I am a companion of all them that fear you, and of them that keep your commandments.
64 Awurade, wʼadɔe ahyɛ asase so ma; kyerɛkyerɛ me wo hyɛ nsɛm.
O Lord, the earth is full of your mercy: teach me your ordinances.
65 Wo ne wo somfo nni no yiye sɛnea wʼasɛm te, Awurade.
You have wrought kindly with your servant, o Lord, according to your word.
66 Kyerɛkyerɛ me nimdeɛ ne atemmu pa, efisɛ migye wo mmara nsɛm no di.
Teach me kindness, and instruction, and knowledge: for I have believed your commandments.
67 Mefom ɔkwan ansa na mihuu amane, na mprempren de midi wʼasɛm so.
Before I was afflicted, I transgressed; therefore have I kept your word.
68 Wuye, na nea woyɛ nso ye; kyerɛkyerɛ me wo hyɛ nsɛm.
Good are you, O Lord; therefore in your goodness teach me your ordinances.
69 Ahantanfo de atoro asra me ho de, nanso mede me koma nyinaa di wo nkyerɛkyerɛ so.
The injustice of the proud has been multiplied against me: but I will search out your commandments with all my heart.
70 Wɔn koma yɛ den na wonni ɔtema, nanso mʼani gye wo mmara ho.
Their heart has been curdled like milk; but I have meditated on your law.
71 Eye sɛ mihuu amane sɛnea mesua wo hyɛ nsɛm.
[It is] good for me that you have afflicted me; that I might learn your ordinances.
72 Mmara a efi wʼanom no som bo ma me sen dwetɛ ne sikakɔkɔɔ mpem mpem.
The law of your mouth is better to me than thousands of gold and silver.
73 Wo nsa na ɛbɔɔ me na ɛnwenee me; ma me ntease a mede besua wo mmara nsɛm.
Your hands have made me, and fashioned me: instruct me, that I may learn your commandments.
74 Sɛ wɔn a wosuro wo no hu me a, ma wɔn ani nnye, efisɛ mede mʼanidaso ahyɛ wʼasɛm mu.
They that fear you will see me and rejoice: for I have hoped in your words.
75 Awurade, minim sɛnea wo mmara te, na nokwaredi mu na woatwe mʼaso.
I know, O Lord, that your judgments are righteousness, and [that] you in truthfulness have afflicted me.
76 Ma wʼadɔe a ɛnsa da no nkyekye me werɛ sɛnea bɔ a woahyɛ wo somfo no te no.
Let, I pray you, your mercy be to comfort me, according to your word to your servant.
77 Ma wʼayamhyehye mmra me so, na minnya nkwa, efisɛ mʼani ka wo mmara ho.
Let your compassions come to me, that I may live: for your law is my (meditation)
78 Ma ahantanfo ani nwu sɛ wɔfom me kwa nti nanso mesusuw wo nkyerɛkyerɛ ho.
Let the proud be ashamed; for they transgressed against me unjustly: but I will meditate in your commandments.
79 Ma wɔn a wosuro wo no mmra me nkyɛn, wɔn a wɔte wo mmara ase no.
Let those that fear you, and those that know your testimonies, turn to me.
80 Ma me koma nnya bembu wɔ wo hyɛ nsɛm ho, na mʼanim angu ase.
Let mine heart be blameless in your ordinances, that I may not be ashamed.
81 Wo nkwagye ho anigyina ama me kra atɔ piti, nanso mede mʼanidaso ahyɛ wʼasɛm mu.
My soul faints for your salvation: I have hoped in your words.
82 Mahwɛ wo bɔhyɛ anim ama mʼani abu; meka se, “Da bɛn na wobɛkyekye me werɛ?”
Mine eyes failed [in waiting] for your word, saying, When will you comfort me?
83 Ɛwɔ mu sɛ mete sɛ nsa kotoku a ɛsɛn wusiw ano de, nanso me werɛ mfi wo hyɛ nsɛm no.
For I am become as a bottle in the frost: [yet] I have not forgotten your ordinances.
84 Wo somfo ntwɛn nkosi da bɛn? Da bɛn na wobɛtwe wɔn a wɔtaa me no aso?
How many are the days of your servant? when will you execute judgment for me on them that persecute me?
85 Ahantanfo atu amoa de asum me afiri, a ɛne wo mmara bɔ abira.
Transgressors told me [idle tales]; but not according to your law, O Lord.
86 Wo mmara nsɛm nyinaa mu wɔ ahotoso; boa me, efisɛ nnipa taa me kwa.
All your commandments are truth; they persecuted me unjustly; help you me.
87 Ɛkaa kakraa bi a anka woyii me fii asase so, nanso minnyaee wo nkyerɛkyerɛ sodi.
They nearly made an end of me in the earth; but I forsook not your commandments.
88 Kyɛe me nkwa so sɛnea wʼadɔe te, na medi nkyerɛkyerɛ a efi wʼanom no so.
Quicken me according to your mercy; so shall I keep the testimonies of your mouth.
89 Awurade, wʼasɛm no wɔ hɔ daa; egyina hɔ pintinn wɔ ɔsorosoro.
Your word, O Lord, abides in heaven for ever.
90 Wo nokwaredi kɔ so wɔ awo ntoatoaso nyinaa mu; wode asase sii hɔ, na etim hɔ.
Your truth [endures] to all generations; you have founded the earth, and it abides.
91 Wo mmara wɔ hɔ besi nnɛ, na nneɛma nyinaa som wo.
The day continues by your arrangement; for all things are your servants.
92 Sɛ mʼani anka wo mmara no ho a, anka mʼamanehunu akum me.
Were it not that your law is my (meditation) then I should have perished in mine affliction.
93 Me werɛ remfi wo nkyerɛkyerɛ no, efisɛ ɛno so na wonam akyɛe me nkwa so.
I will never forget your ordinances; for with them you have quickened me.
94 Gye me nkwa, na meyɛ wo de; na mahwehwɛ wo nkyerɛkyerɛ no.
I am your, save me; for I have sought out your ordinances.
95 Amumɔyɛfo retwɛn sɛ wɔbɛsɛe me, nanso, misusuw wʼahyɛde ho.
Sinners laid wait for me to destroy me; [but] I understood your testimonies.
96 Mahu sɛ pɛyɛ nyinaa wɔ nea ɛkɔpem; nanso wo mmara nsɛm no nni ɔhye.
have seen an end of all perfection; [but] your commandment is very broad.
97 Ao, medɔ wo mmara no yiye! Midwinnwen ho da mu nyinaa.
How I have loved your law, O Lord! it is my meditation all the day.
98 Wo mmara nsɛm ma mihu nyansa sen mʼatamfo, efisɛ ɛwɔ me nkyɛn daa.
You have made me wiser than mine enemies [in] your commandment; for it is mine for ever.
99 Mewɔ nhumu sen mʼakyerɛkyerɛfo nyinaa, efisɛ midwinnwen wʼahyɛde ho.
I have more understanding than all my teachers; for your testimonies are my medication.
100 Mewɔ ntease sen mpanyimfo, efisɛ midi wo nkyerɛkyerɛ so.
I understand more that the aged; because I have sought out your commandments.
101 Memfaa mʼanan nsii ɔkwan bɔne biara so sɛnea metumi ayɛ osetie ama wʼasɛm.
I have kept back my feet from every evil way, that I might keep your words.
102 Memman mfii wo mmara ho, efisɛ wʼankasa na woakyerɛkyerɛ me.
I have not declined from your judgments; for you have instructed me.
103 Wo nsɛm yɛ me dɛ, ɛyɛ dɛ sen ɛwo wɔ mʼanom.
How sweet are your oracles to my throat! more so than honey to my mouth!
104 Minya ntease fi wo nkyerɛkyerɛ mu; enti mikyi ɔkwan bɔne biara.
I gain understanding by your commandments: therefore I have hated every way of unrighteousness.
105 Wʼasɛm yɛ mʼanan ase kanea ne me kwan so hann.
Your law is a lamp to my feet, and a light to my paths.
106 Maka ntam ahyɛ mu kena se medi wo trenee mmara no so.
I have sworn and determined to keep the judgments of your righteousness.
107 Mahu amane bebree; kyɛe me nkwa so, Awurade, sɛnea wʼasɛm te.
I have been very greatly afflicted, O Lord: quicken me, according to your word.
108 Awurade, ma wʼani nsɔ mʼanom nkamfo a efi me pɛ mu, na kyerɛkyerɛ me wo mmara.
Accept, I pray you, O Lord, the free will offerings of my mouth, and teach me your judgments.
109 Ɛwɔ mu sɛ daa metoto me nkwa ase de, nanso me werɛ remfi wo mmara.
My soul is continually in your hands; and I have not forgotten your law.
110 Amumɔyɛfo asum me afiri, nanso memfom mfii wo nkyerɛkyerɛ ho.
Sinners spread a snare for me; but I erred not from your commandments.
111 Wʼahyɛde yɛ mʼagyapade afebɔɔ; ɛma me koma ani gye.
I have inherited your testimonies for ever; for they are the joy of my heart.
112 Me koma ayɛ krado sɛ ɛbɛhwɛ wo hyɛ nsɛm so akosi awiei.
I have inclined my heart to perform your ordinances for ever, in return [for your mercies].
113 Mikyi nnipa a wɔn adwene yɛ wɔn ntanta, na medɔ wo mmara.
I have hated transgressors; but I have loved your law.
114 Wone me guankɔbea ne me kyɛm; mede mʼanidaso ahyɛ wʼasɛm mu.
You are my helper and my supporter; I have hoped in your words.
115 Mumfi me so nkɔ, mo nnebɔneyɛfo, na minni me Nyankopɔn mmara nsɛm so!
Depart from me, you evil-doers; for I will search out the commandments of my God.
116 Wowaw me sɛnea wo bɔhyɛ no te, na mɛtena nkwa mu; mma mʼanidaso nyɛ ɔkwa.
Uphold me according to your word, and quicken me; and make me not ashamed of my expectation.
117 So me mu, na menya ogye; na bere biara mɛhwɛ wo hyɛ nsɛm no.
Help me, and I shall be saved; and I will meditate in your ordinances continually.
118 Wopo wɔn a wɔfom wo hyɛ nsɛm nyinaa, na wɔn nnaadaa no yɛ ɔkwa.
You have brought to nothing all that depart from your ordinances; for their inward thought is unrighteous.
119 Wotow amumɔyɛfo nyinaa gu sɛ afide; enti medɔ wʼahyɛde.
I have reckoned all the sinners of the earth as transgressors; therefore have I loved your testimonies.
120 Wo ho suro ma me ho popo; wo mmara abɔ me hu.
Penetrate my flesh with your fear; for I am afraid of your judgments.
121 Mayɛ nea ɛteɛ na ɛyɛ pɛ. Nnyaa me mma wɔn a wɔhyɛ me so!
I have done judgment and justice; deliver me not up to them that injure me.
122 Hwɛ ma wo somfo nni yiye; mma ahantanfo nhyɛ me so.
Receive your servant for good: let not the proud accuse me falsely.
123 Mahwɛ wo nkwagye anim ama mʼani abu, ɛrehwehwɛ wo bɔhyɛ a ɛteɛ no.
Mine eyes have failed for your salvation, and for the word of your righteousness.
124 Wo ne wo somfo nni no sɛnea wʼadɔe te, na kyerɛkyerɛ me wo hyɛ nsɛm.
Deal with your servant according to your mercy, and teach me your ordinances.
125 Meyɛ wo somfo; ma me nhumu na mate wʼahyɛde ase.
I am your servant; instruct me, and I shall know your testimonies.
126 Awurade, bere aso sɛ woyɛ biribi; wɔrebu wo mmara so.
[It is] time for the Lord to work: they have utterly broken your law.
127 Esiane sɛ medɔ wo mmara nsɛm sen sikakɔkɔɔ, anaa sikakɔkɔɔ ankasa,
Therefore have I loved your commandments more than gold, or the topaz.
128 na midwen sɛ wo nkyerɛkyerɛ nyinaa ye nti, mikyi ɔkwan bɔne biara.
Therefore I directed myself [according] to all your commandments: I have hated every unjust way.
129 Wʼahyɛde yɛ nwonwa; enti midi so.
Your testimonies are wonderful: therefore my soul has sought them out.
130 Wo nsɛm asete ma hann; na ɛma ntetekwaa nya ntease.
The manifestation of your words will enlighten, and instruct the simple.
131 Mibue mʼanom na migu ahome, na mʼani gyina wo mmara nsɛm.
I opened my mouth, and drew breath: for I earnestly longed after your commandments.
132 Dan wʼani hwɛ me na hu me mmɔbɔ sɛnea woyɛ daa ma wɔn a wɔdɔ wo din no.
Look upon me and have mercy upon me, after the manner of them that love your name.
133 Tutu mʼanammɔn sɛnea wʼasɛm no te; mma bɔne biara nni me so.
Order my steps according to your word: and let not any iniquity have dominion over me.
134 Gye me fi nnipa nhyɛso mu, na madi wo nkyerɛkyerɛ so.
Deliver me from the false accusation of men: so will I keep your commandments.
135 Ma wʼanim nhyerɛn wo somfo so na kyerɛkyerɛ me wo hyɛ nsɛm.
Cause your face to shine upon your servant: and teach me your ordinances.
136 Nsuten nisu aguare me, efisɛ nnipa nni wo mmara so.
Mine eyes have been bathed in streams of water, because I kept not your law.
137 Ɔtreneeni ne wo, Awurade, na wo mmara nso yɛ pɛ.
Righteous are you, O Lord, and upright are your judgments.
138 Ahyɛde a woayɛ no yɛ trenee; ɛyɛ nea wonya mu ahotoso pa ara.
You has commanded righteousness and perfect truth, [as] your testimonies.
139 Abufuw ahyɛ me ma, efisɛ mʼatamfo bu wɔn ani gu wo nsɛm so.
Your zeal has quite wasted me: because mine enemies have forgotten your words.
140 Wɔasɔ wo bɔhyɛ ahorow no ahwɛ pa ara, na wo somfo dɔ wɔn.
Your word [has been] very fully tried; and your servant loves it.
141 Ɛwɔ mu sɛ menka hwee na memfra de, nanso me werɛ mfi wo nkyerɛkyerɛ.
I am young and despised: [yet] I have not forgotten your ordinances.
142 Wo trenee wɔ hɔ daa, na wo mmara no yɛ nokware.
Your righteousness is an everlasting righteousness, and your law is truth.
143 Ɔhaw ne awerɛhow aba me so, nanso wo mmara nsɛm ma me ahosɛpɛw.
Afflictions and distresses found me: [but] your commandments [were] my (meditation)
144 Wʼahyɛde yɛ nokware daa; ma me ntease na manya nkwa.
Your testimonies [are] an everlasting righteousness: instruct me, and I shall live.
145 Awurade, mede me koma nyinaa mefrɛ wo, gye me so, na medi wo hyɛ nsɛm no so.
I cried with my whole heart; hear me, O Lord: I will search out your ordinances.
146 Misu mefrɛ wo, gye me nkwa na midi wʼahyɛde so.
I cried to you; save me, and I will keep your testimonies.
147 Mesɔre anɔpahema, na misu pɛ mmoa; mede me werɛ ahyɛ wo nsɛm mu.
I arose before the dawn, and cried: I hoped in your words.
148 Mʼani gu so anadwo nyinaa, na misusuw wo bɔhyɛ ho.
Mine eyes prevented the dawn, that I might meditate on your oracles.
149 Tie me nne sɛnea wʼadɔe no te; Awurade, kyɛe me nkwa so sɛnea wo mmara te.
Hear my voice, O Lord, according to your mercy; quicken me according to your judgment.
150 Wɔn a wɔhyehyɛ atirimɔdensɛm no abɛn, nanso wɔne wo mmara ntam ware.
They have drawn near who persecuted me unlawfully; and they are far removed from your law.
151 Awurade, wo de, wobɛn me, na wo mmara nsɛm nyinaa yɛ nokware.
You are near, O Lord; and all your ways are truth.
152 Mmere bi a atwa mu no, misuaa wʼahyɛde a wode tim hɔ sɛ ɛntena hɔ daa no.
I have known of old concerning your testimonies, that you have founded them for ever.
153 Hwɛ mʼamanehunu na gye me nkwa efisɛ me werɛ mfii wo mmara no.
Look upon mine affliction, and rescue me; for I have not forgotten your law.
154 Di mʼasɛm ma me na gye me; kyɛe me nkwa so sɛnea wo bɔhyɛ no te.
Plead my cause, and ransom me: quicken me because of your word.
155 Nkwagye ne atirimɔdenfo ntam kwan ware, efisɛ wɔnhwehwɛ wo hyɛ nsɛm no.
Salvation is far from sinners: for they have not searched out your ordinances.
156 Awurade, wʼayamhyehye yɛ kɛse; kyɛe me nkwa so sɛnea wo mmara no te.
Your mercies, O Lord, are many: quicken me according to your judgment.
157 Atamfo a wɔteetee me dɔɔso, nanso memman mfii wo nhyehyɛe ho.
Many are they that persecute me and oppress me: [but] I have not declined from your testimonies.
158 Mehwɛ wɔn a wonni gyidi no a wɔn ho yɛ me nwini, efisɛ wonni wʼasɛm so.
I saw men acting foolishly, and I pined away; for they kept not your oracles.
159 Hwɛ sɛnea mʼani gye wo nkyerɛkyerɛ ho; Awurade, kyɛe me nkwa so sɛnea wʼadɔe te.
Behold, I have loved your commandments, O Lord: quicken me in your mercy.
160 Wo nsɛm nyinaa yɛ nokware; na wo mmara a ɛteɛ no to rentwa da.
The beginning of your words is truth; and all the judgments of your righteousness [endure] for ever.
161 Sodifo taataa me kwa, nanso ɛyɛ wʼasɛm nko ara na misuro.
Princes persecuted me without a cause, but my heart feared because of your words.
162 Mʼani gye wo bɔhyɛ ho te sɛ obi a wanya asade kɛse.
I will exult because of your oracles, as one that finds much spoil.
163 Mikyi nkontompo na medɔ wo mmara.
I hate and abhor unrighteousness; but I love your law.
164 Mekamfo wo mpɛn ason da biara, wo mmara a ɛteɛ no nti.
Seven times in a day have I praised you because of the judgments of your righteousness.
165 Wɔn a wɔdɔ wo mmara no wɔ asomdwoe mmoroso, na biribiara rentumi mma wonhintiw.
Great peace have they that love your law: and there is no stumbling block to them.
166 Awurade, metwɛn wo nkwagye, na midi wo mmara nsɛm so.
I waited for your salvation, O Lord, and have loved your commandments.
167 Midi wʼahyɛde so na medɔ no yiye.
My soul has kept your testimonies, and loved them exceedingly.
168 Midi wo nkyerɛkyerɛ ne wʼahyɛde so, na wunim mʼakwan nyinaa.
I have kept your commandments and your testimonies; for all my ways are before you, O Lord.
169 Awurade, ma me sufrɛ nnu wʼanim; ma me ntease sɛnea wʼasɛm no te.
Let my supplication come near before you, o Lord; instruct me according to your oracle.
170 Ma me nkotosrɛ nnu wʼanim; na gye me sɛnea wo bɔhyɛ no te.
Let my petition come in before you, O Lord; deliver me according to your oracle.
171 Ma nkamfo nhyɛ mʼanom ma; efisɛ wokyerɛkyerɛ me wo hyɛ nsɛm.
Let my lips utter a hymn, when you shall have taught me your ordinances.
172 Ma me tɛkrɛma nto wʼasɛm ho dwom, efisɛ wo mmara nsɛm nyinaa yɛ trenee.
Let my tongue utter your oracles; for all your commandments are righteous.
173 Ma wo nsa nyɛ krado mmɛboa me, efisɛ maso wo nkyerɛkyerɛ no mu.
Let your hand be [prompt] to save me; for I have chosen your commandments.
174 Awurade, mʼani agyina wo nkwagye, na wo mmara yɛ mʼanigyede.
I have longed after your salvation, O Lord; and your law is my (meditation)
175 Ma mentena nkwa mu na matumi akamfo wo, na wo mmara nso awowaw me.
My soul shall live, and shall praise you; and your judgments shall help me.
176 Mafom kwan sɛ oguan a wayera. Hwehwɛ wo somfo, efisɛ me werɛ mfii wo mmara nsɛm no ɛ.
I have gone astray like a lost sheep; seek your servant; for I have not forgotten your commandments.
