Nnwom 105
1 Da Awurade ase na da ne kɛseyɛ adi. Ma wiase nyinaa nhu nea wayɛ.
| הודו ליהוה קראו בשמו הודיעו בעמים עלילותיו |
2 Monto dwom mma no, monto ayeyi dwom mma no; monka nʼanwonwade no nyinaa.
| שירו-לו זמרו-לו שיחו בכל-נפלאותיו |
3 Monhoahoa mo ho wɔ ne din kronkron mu; momma wɔn a wɔhwehwɛ Awurade no nnya koma mu anigye.
| התהללו בשם קדשו ישמח לב מבקשי יהוה |
4 Momma mo ani nna Awurade ne nʼahoɔden no so; na monhwehwɛ nʼanim bere biara.
| דרשו יהוה ועזו בקשו פניו תמיד |
5 Monkae anwonwade a wayɛ ne nsɛnkyerɛnne, ne atɛn a obui,
| זכרו--נפלאותיו אשר-עשה מפתיו ומשפטי-פיו |
6 Abraham mma, Onyankopɔn asomfo, Yakob mma a wapaw wɔn.
| זרע אברהם עבדו בני יעקב בחיריו |
7 Ɔyɛ Awurade, yɛn Nyankopɔn. Nʼahenni da adi wɔ asase so nyinaa.
| הוא יהוה אלהינו בכל-הארץ משפטיו |
8 Ɔkae nʼapam daa nyinaa, asɛm a ɔhyɛ maa awo ntoantoaso apem no,
| זכר לעולם בריתו דבר צוה לאלף דור |
9 apam a ɔne Abraham yɛe no, ntam a ɔka kyerɛɛ Isak no.
| אשר כרת את-אברהם ושבועתו לישחק |
10 Ɔhyɛɛ mu den maa Yakob sɛ mmara, de maa Israel sɛ apam a ɛbɛtena hɔ afebɔɔ.
| ויעמידה ליעקב לחק לישראל ברית עולם |
11 Ɔkae se, “Mede Kanaan asase no bɛma wo sɛ kyɛfa a ɛbɛyɛ wʼagyapade.”
| לאמר--לך אתן את-ארץ-כנען חבל נחלתכם |
12 Ɔkaa eyi bere a na wɔnnɔɔso, ahɔhokuw ketewa bi a wɔwɔ Kanaan.
| בהיותם מתי מספר כמעט וגרים בה |
13 Wofii aman so kɔɔ aman so; fii ahemman mu kɔɔ ahemman mu.
| ויתהלכו מגוי אל-גוי מממלכה אל-עם אחר |
14 Wamma obi anhyɛ wɔn so; wɔn nti, ɔkaa ahene anim se:
| לא-הניח אדם לעשקם ויוכח עליהם מלכים |
15 “Mommfa mo nsa nka wɔn a masra wɔn ngo; na monnyɛ mʼadiyifo bɔne bi.”
| אל-תגעו במשיחי ולנביאי אל-תרעו |
16 Ɔmaa ɔkɔm baa asase no so na ɔsɛee akwan a wɔfa so nya wɔn aduan nyinaa;
| ויקרא רעב על-הארץ כל-מטה-לחם שבר |
17 na ɔsomaa ɔbarima bi dii wɔn anim, Yosef a wɔtɔn no sɛ akoa no.
| שלח לפניהם איש לעבד נמכר יוסף |
18 Wɔde mpokyerɛ guu ne nʼanan, na wɔde dade nkɔnsɔnkɔnsɔn hyɛɛ ne kɔn,
| ענו בכבל רגליו (רגלו) ברזל באה נפשו |
19 kosii sɛ nea ɔhyɛɛ ho nkɔm no baa mu, kosii sɛ Awurade asɛm no daa no adi sɛ ɔyɛ ɔnokwafo.
| עד-עת בא-דברו-- אמרת יהוה צרפתהו |
20 Ɔhene no soma ma wokoyii no; aman no sodifo gyaa no.
| שלח מלך ויתירהו משל עמים ויפתחהו |
21 Ɔyɛɛ no ne fi so wura nea ɔwɔ nyinaa sodifo,
| שמו אדון לביתו ומשל בכל-קנינו |
22 sɛ ɔnkyerɛ ne mmapɔmma nea ɔpɛ na ɔnkyerɛ ne mpanyimfo nyansa.
| לאסר שריו בנפשו וזקניו יחכם |
23 Na Israel kɔɔ Misraim; Yakob kɔtenaa Ham asase so sɛ ɔnanani.
| ויבא ישראל מצרים ויעקב גר בארץ-חם |
24 Awurade maa ne nkurɔfo ase dɔe; ɔyɛɛ wɔn bebree dodo maa wɔn atamfo,
| ויפר את-עמו מאד ויעצמהו מצריו |
25 wɔn a ɔdan wɔn koma sɛ wɔntan ne nkurɔfo na wɔmpam nʼasomfo ti so.
| הפך לבם לשנא עמו להתנכל בעבדיו |
26 Ɔsomaa ne somfo Mose, ne Aaron a na wayi no no.
| שלח משה עבדו אהרן אשר בחר-בו |
27 Wɔyɛɛ ne nsɛnkyerɛnne nwonwaso wɔ wɔn mu, nʼanwonwade wɔ Ham asase so.
| שמו-בם דברי אתותיו ומפתים בארץ חם |
28 Ɔsomaa sum, na ɔmaa asase duruu sum, efisɛ na wɔatew nʼasɛm no so atua.
| שלח חשך ויחשך ולא-מרו את-דבריו (דברו) |
29 Ɔmaa wɔn nsu nyinaa dan mogya, nam so kum mu mpataa.
| הפך את-מימיהם לדם וימת את-דגתם |
30 Mpɔtorɔ bɛhyɛɛ asase no so ma, na wɔhyɛn ɔman no sodifo mpia mu.
| שרץ ארצם צפרדעים בחדרי מלכיהם |
31 Ɔkasae, na nwansena bebree ne ntontom baa ɔman no mu baabiara.
| אמר ויבא ערב כנים בכל-גבולם |
32 Ɔmaa wɔn osu dan mparuwbo a anyinam nenam mu wɔ ɔman no nyinaa mu;
| נתן גשמיהם ברד אש להבות בארצם |
33 Ɔsɛee wɔn bobe ne borɔdɔma nnua na obubuu ɔman no so nnua pasaa.
| ויך גפנם ותאנתם וישבר עץ גבולם |
34 Ɔkasae, na mmoadabi bae, tɛwtɛw a wontumi nkan wɔn;
| אמר ויבא ארבה וילק ואין מספר |
35 wɔwee ahabammono biara a ɛwɔ wɔn asase no so, na wodii wɔn mfuw so nnuan.
| ויאכל כל-עשב בארצם ויאכל פרי אדמתם |
36 Afei okunkum wɔn asase so mmakan nyinaa, wɔn mmarimayɛ mu aba a edi kan nyinaa.
| ויך כל-בכור בארצם ראשית לכל-אונם |
37 Oyii Israel a ɔso dwetɛ ne sikakɔkɔɔ fii wɔn mmusuakuw mu a obiara ho antɔ kyima.
| ויוציאם בכסף וזהב ואין בשבטיו כושל |
38 Misraim ani gyei, bere a wɔkɔe, efisɛ na Israelfo ho hu atɔ wɔn so.
| שמח מצרים בצאתם כי-נפל פחדם עליהם |
39 Ɔtrɛw omununkum mu kataa wɔn so, na ogya maa wɔn hann anadwo.
| פרש ענן למסך ואש להאיר לילה |
40 Wobisae, na ɔbrɛɛ wɔn mparuwbo ɔmaa ɔsoro aduan mee wɔn.
| שאל ויבא שלו ולחם שמים ישביעם |
41 Obuee ɔbotan mu maa nsu fii mu bae; na ɛsen faa sare no so sɛ asubɔnten.
| פתח צור ויזובו מים הלכו בציות נהר |
42 Ɔkaee ne bɔ kronkron bi a ɔhyɛɛ ne somfo Abraham no.
| כי-זכר את-דבר קדשו את-אברהם עבדו |
43 Oyii ne nkurɔfo maa wɔn ani gyei; wɔn a wapaw wɔn no dii ahurusi;
| ויוצא עמו בששון ברנה את-בחיריו |
44 ɔde amanaman no nsase maa wɔn, na nea ebinom abrɛ anya no bɛyɛɛ wɔn agyapade
| ויתן להם ארצות גוים ועמל לאמים יירשו |
45 na wɔahwɛ nʼahyɛde adi ne mmara so. Munyi Awurade ayɛ.
| בעבור ישמרו חקיו-- ותורתיו ינצרו הללו-יה |
