Nnwom 103
1 Dawid de. Me kra, kamfo Awurade; na me mu ade nyinaa nkamfo ne din kronkron no.
| לדוד ברכי נפשי את יהוה וכל קרבי את שם קדשו׃ |
2 Me kra, kamfo Awurade, na mma wo werɛ mmfi ne nneyɛe pa nyinaa,
| ברכי נפשי את יהוה ואל תשכחי כל גמוליו׃ |
3 ɔno na ɔde wo mfomso nyinaa kyɛ wo na ɔsa wo nyarewa nyinaa,
| הסלח לכל עונכי הרפא לכל תחלאיכי׃ |
4 ogye wo nkwa fi ɔda mu, na ɔde adɔe ne mmɔborɔhunu bɔ wo abotiri,
| הגואל משחת חייכי המעטרכי חסד ורחמים׃ |
5 ɔde nnepa ma wo sɛ wʼapɛde, na wo mmerantebere yɛ foforo sɛ ɔkɔre.
| המשביע בטוב עדיך תתחדש כנשר נעוריכי׃ |
6 Awurade yɛ adetrenee, na obu wɔn a wɔhyɛ wɔn so nyinaa atɛntrenee.
| עשה צדקות יהוה ומשפטים לכל עשוקים׃ |
7 Ɔkyerɛɛ Mose nʼakwan, na ɔmaa Israelfo huu ne nneyɛe.
| יודיע דרכיו למשה לבני ישראל עלילותיו׃ |
8 Mmɔborɔhunufo ne ɔdomfo ne Awurade, ne bo kyɛ fuw na nʼadɔe dɔɔso.
| רחום וחנון יהוה ארך אפים ורב חסד׃ |
9 Ɔrenkɔ so mmɔ sobo, na ɔrennya yɛn ho menasepɔw nkosi daa;
| לא לנצח יריב ולא לעולם יטור׃ |
10 Ɔnhwɛ yɛn bɔne ne yɛn nni sɛnea ɛfata na ontua yɛn nnebɔne so ka sɛnea ɛte.
| לא כחטאינו עשה לנו ולא כעונתינו גמל עלינו׃ |
11 Na sɛnea ɔsoro ne asase ntam ware no, saa ara na nʼadɔe so wɔ wɔn a wosuro no no so.
| כי כגבה שמים על הארץ גבר חסדו על יראיו׃ |
12 Sɛnea apuei ne atɔe ntam ware no, saa ara na wama yɛn ne yɛn mmarato ntam kwan aware.
| כרחק מזרח ממערב הרחיק ממנו את פשעינו׃ |
13 Sɛnea agya yam hyehyew no wɔ ne mma ho no, saa ara na Awurade yam hyehye no ma wɔn a wosuro no no;
| כרחם אב על בנים רחם יהוה על יראיו׃ |
14 na onim sɛnea wɔyɛɛ yɛn, ɔkae se yɛyɛ mfutuma.
| כי הוא ידע יצרנו זכור כי עפר אנחנו׃ |
15 Ɔdesani de, ne nna te sɛ sare, ɔyɛ frɔmfrɔm sɛ nwura mu nhwiren;
| אנוש כחציר ימיו כציץ השדה כן יציץ׃ |
16 sɛ mframa bɔ fa ne so a, na onni hɔ, na ne sibea nkae no bio.
| כי רוח עברה בו ואיננו ולא יכירנו עוד מקומו׃ |
17 Nanso efi mmeresanten kosi nnasanten Awurade adɔe wɔ wɔn a wosuro no so, na ne trenee wɔ wɔn mma mma so,
| וחסד יהוה מעולם ועד עולם על יראיו וצדקתו לבני בנים׃ |
18 wɔn a wodi nʼapam no so na wɔkae di ne mmara so.
| לשמרי בריתו ולזכרי פקדיו לעשותם׃ |
19 Awurade asi nʼahengua wɔ ɔsoro, na nʼahenni di ade nyinaa so.
| יהוה בשמים הכין כסאו ומלכותו בכל משלה׃ |
20 Monkamfo Awurade, mo a moyɛ nʼabɔfo, mo atumfo a moyɛ nʼahyɛde, mo a mutie nʼasɛm.
| ברכו יהוה מלאכיו גברי כח עשי דברו לשמע בקול דברו׃ |
21 Monkamfo Awurade, ɔsoro asafo nyinaa, nʼasomfo a moyɛ nʼapɛde.
| ברכו יהוה כל צבאיו משרתיו עשי רצונו׃ |
22 Monkamfo Awurade, ne nnwuma nyinaa; nea ɛwɔ nʼahenni mu nyinaa. Me kra, kamfo Awurade!
| ברכו יהוה כל מעשיו בכל מקמות ממשלתו ברכי נפשי את יהוה׃ |
