Mmebusɛm 7
1 Me ba, fa me nsɛm sie na kora mʼahyɛde wɔ wo mu.
| בני שמר אמרי ומצותי תצפן אתך |
2 Di mʼahyɛde so na wubenya nkwa; bɔ me nkyerɛkyerɛ ho ban sɛ nea wodɔ no.
| שמר מצותי וחיה ותורתי כאישון עיניך |
3 Kyekyere bɔ wo nsateaa ho; kyerɛw no yiye gu wo koma pon so.
| קשרם על-אצבעתיך כתבם על-לוח לבך |
4 Ka kyerɛ nyansa se, “Woyɛ me nuabea,” na frɛ ntease wo busuani;
| אמר לחכמה אחתי את ומדע לבינה תקרא |
5 Wɔbɛtwe wo afi ɔbeawaresɛefo ho, afi ɔbeawarefo huhuni nsɛmmɔdɛ ho.
| לשמרך מאשה זרה מנכריה אמריה החליקה |
6 Me fi mfɛnsere ano, mede mʼani faa mfɛnsere mu.
| כי בחלון ביתי-- בעד אשנבי נשקפתי |
7 Mihuu wɔ ntetekwaafo mu, mehyɛɛ mmerante no mu baako nsow, ɔbabun a onni adwene.
| וארא בפתאים אבינה בבנים-- נער חסר-לב |
8 Na ɔnam borɔn a ɛbɛn ɔbea no fi so a nʼani kyerɛ ɔbea no fi
| עבר בשוק אצל פנה ודרך ביתה יצעד |
9 bere a onwini redwo, na anim rebiribiri no.
| בנשף-בערב יום באישון לילה ואפלה |
10 Afei ɔbea bi fi behyiaa no a wasiesie ne ho sɛ oguamanfo a nnaadaa wɔ ne koma mu.
| והנה אשה לקראתו שית זונה ונצרת לב |
11 (Ɔyɛ hyirenn na hwee mfa ne ho, ɔntena fie koraa;
| המיה היא וסררת בביתה לא-ישכנו רגליה |
12 nnɛ wohu no mmɔnten so, ɔkyena na ɔte aguabɔbea, ɔtetɛw wɔ mmantwea mmantwea.)
| פעם בחוץ--פעם ברחבות ואצל כל-פנה תארב |
13 Osoo ne mu few nʼano, wamfɛre, na ɔkae se,
| והחזיקה בו ונשקה לו העזה פניה ותאמר לו |
14 “Mewɔ asomdwoe afɔrebɔde wɔ fie; nnɛ madi me bɔhyɛ so.
| זבחי שלמים עלי היום שלמתי נדרי |
15 Enti mebae sɛ merebehyia wo; mehwehwɛɛ wo na mahu wo!
| על-כן יצאתי לקראתך לשחר פניך ואמצאך |
16 Mato me mpa, mede nwera a wɔahyɛ no aduru a efi Misraim.
| מרבדים רבדתי ערשי חטבות אטון מצרים |
17 Mede nnuhuam apete me mpa so: kurobow, pɛprɛ ne dupapo.
| נפתי משכבי-- מר אהלים וקנמון |
18 Bra, ma yɛmfa ɔdɔ mmɔ ɔdɔ mu nkosi anɔpa;
| לכה נרוה דדים עד-הבקר נתעלסה באהבים |
19 Me kunu nni fie; watu kwan na ɔbɛkyɛ.
| כי אין האיש בביתו הלך בדרך מרחוק |
20 Ɔde sika a ɛdɔɔso hyɛɛ ne sika kotoku ma na ɔremma kosi ɔsram no kurokumatwa bere mu.”
| צרור-הכסף לקח בידו ליום הכסא יבא ביתו |
21 Ɔde tɛkrɛmakyene bɔɔ no adafa; ɔde nnaadaa nyaa no ne no dae.
| הטתו ברב לקחה בחלק שפתיה תדיחנו |
22 Odii nʼakyi prɛko pɛ te sɛ nantwi a ɔrekɔ akumii, anaa ɔwansan a ɔde ne ti rekɔhyɛ hankare fi mu
| הולך אחריה פתאם כשור אל-טבח יבא וכעכס אל-מוסר אויל |
23 kosi sɛ bɛmma bɛwɔ ne brɛbo mu, te sɛ anomaa a ɔrekɔtɔ anomaa afiri mu na onnim sɛ ɔbɛhwere ne nkwa.
| עד יפלח חץ כבדו-- כמהר צפור אל-פח ולא-ידע כי-בנפשו הוא |
24 Na afei, me mma, muntie me; monyɛ aso mma nea meka.
| ועתה בנים שמעו-לי והקשיבו לאמרי-פי |
25 Mommma mo koma mpatiri nkɔ no so na momman mmfa nʼakwan so.
| אל-ישט אל-דרכיה לבך אל-תתע בנתיבותיה |
26 Bebree na wɔnam no so ahwehwe ase; wɔn a wakum wɔn dɔɔso pa ara.
| כי-רבים חללים הפילה ועצמים כל-הרגיה |
