Mmebusɛm 29
1 Obi a ɔkɔ so yɛ tufoante wɔ animka pii akyi no wɔbɛsɛe no mpofirim a wɔrennya ano aduru.
| איש תוכחות מקשה-ערף-- פתע ישבר ואין מרפא |
2 Sɛ atreneefo di yiye a, nnipa no di ahurusi; sɛ amumɔyɛfo di nnipa so a, wusi apini.
| ברבות צדיקים ישמח העם ובמשל רשע יאנח עם |
3 Onipa a ɔdɔ nyansa no ma nʼagya anigye, nanso nguamanfo yɔnko sɛe nʼahonya.
| איש-אהב חכמה ישמח אביו ורעה זונות יאבד-הון |
4 Ɔhene nam atɛntrenee so ma ɔman no asomdwoe, nanso nea ɔde adifudepɛ gye adanmude no bɔ ɔman no.
| מלך--במשפט יעמיד ארץ ואיש תרומות יהרסנה |
5 Obiara a ɔdaadaa ne yɔnko no sum ne nan afiri.
| גבר מחליק על-רעהו רשת פורש על-פעמיו |
6 Ɔdebɔneyɛni bɔne sum no afiri, nanso ɔtreneeni betumi ato dwom ama nʼani agye.
| בפשע איש רע מוקש וצדיק ירון ושמח |
7 Ahiafo atɛntreneebu ho hia atreneefo, nanso amumɔyɛfo nni saa ɔtema no.
| ידע צדיק דין דלים רשע לא-יבין דעת |
8 Fɛwdifo de basabasayɛ ba kuropɔn mu, nanso anyansafo sianka abufuw.
| אנשי לצון יפיחו קריה וחכמים ישיבו אף |
9 Sɛ onyansafo de ɔkwasea kɔ asennii a, ɔkwasea no bobɔ mu kasa di fɛw, na asomdwoe mma.
| איש-חכם--נשפט את-איש אויל ורגז ושחק ואין נחת |
10 Mogyapɛfo kyi ɔnokwafo, na wɔhwehwɛ sɛ wobekum nea ɔteɛ.
| אנשי דמים ישנאו-תם וישרים יבקשו נפשו |
11 Ɔkwasea da abufuw nyinaa adi, nanso onyansafo hyɛ ne ho so.
| כל-רוחו יוציא כסיל וחכם באחור ישבחנה |
12 Sɛ ɔsodifo tie nkontomposɛm a, nʼadwumayɛfo nyinaa bɛyɛ amumɔyɛfo.
| משל מקשיב על-דבר-שקר-- כל-משרתיו רשעים |
13 Ohiani ne ɔsohyɛfo nyinaa wɔ saa ade baako yi: Awurade ma wɔn baanu nyinaa ani a wɔde hu ade.
| רש ואיש תככים נפגשו-- מאיר עיני שניהם יהוה |
14 Sɛ ɔhene di ahiafo asɛm yiye a, nʼahengua betim hɔ daa.
| מלך שופט באמת דלים-- כסאו לעד יכון |
15 Nteɛso abaa ma nyansa, na abofra a wɔde ne pɛ ma no no, gu ne na anim ase.
| שבט ותוכחת יתן חכמה ונער משלח מביש אמו |
16 Sɛ amumɔyɛfo di yiye a, bɔne nso kɔ so, na atreneefo behu wɔn asehwe.
| ברבות רשעים ירבה-פשע וצדיקים במפלתם יראו |
17 Teɛ wo ba, na ɔbɛma wo asomdwoe; ɔbɛma wo kra ani agye.
| יסר בנך ויניחך ויתן מעדנים לנפשך |
18 Sɛ anisoadehu nni hɔ a nnipa no yɛ basaa; na nhyira nka nea odi mmara so.
| באין חזון יפרע עם ושמר תורה אשרהו |
19 Wɔmfa anom nsɛm kɛkɛ nteɛ ɔsomfo; ɔte ase de, nanso ɔremfa.
| בדברים לא-יוסר עבד כי-יבין ואין מענה |
20 Wuhu obi a ɔpɛ ntɛm kasa ana? Ɔkwasea wɔ anidaso sen no.
| חזית--איש אץ בדבריו תקוה לכסיל ממנו |
21 Sɛ obi kokɔ ne somfo fi ne mmofraase a, awiei no ɔde awerɛhow na ɛbɛba.
| מפנק מנער עבדו ואחריתו יהיה מנון |
22 Onipa a ne bo afuw de mpaapaemu ba, na nea ne bo nkyɛ fuw no yɛ bɔne pii.
| איש-אף יגרה מדון ובעל חמה רב-פשע |
23 Onipa ahomaso brɛ no ase, nanso nea ɔwɔ ahobrɛase no nya anuonyam.
| גאות אדם תשפילנו ושפל-רוח יתמך כבוד |
24 Nea ɔboa ɔkorɔmfo no haw ɔno ankasa ho. Wɔama waka ntam nti osuro sɛ obedi adanse.
| חולק עם-גנב שונא נפשו אלה ישמע ולא יגיד |
25 Onipa ho suro betumi ayɛ afiri, na nea ɔde ne ho to Awurade so no, wobegye no.
| חרדת אדם יתן מוקש ובוטח ביהוה ישגב |
26 Bebree hwehwɛ sɛ wobenya ɔhene ne no akasa, nanso onipa nya atɛntrenee fi Awurade nkyɛn.
| רבים מבקשים פני-מושל ומיהוה משפט-איש |
27 Atreneefo kyi atorofo; na amumɔyɛfo kyi wɔn a wɔn akwan teɛ.
| תועבת צדיקים איש עול ותועבת רשע ישר-דרך |
