Mmebusɛm 26
1 Sɛnea sukyerɛmma te ahuhurubere anaasɛ osu wɔ otwabere no, saa ara na anuonyam mfata ɔkwasea.
| כשלג בקיץ וכמטר בקציר כן לא נאוה לכסיל כבוד׃ |
2 Sɛnea apatuprɛw tu anaasɛ asomfena tu dannan ne ho no, saa ara na nnuabɔ hunu nsi hwee.
| כצפור לנוד כדרור לעוף כן קללת חנם לא תבא׃ |
3 Ɔkafo abaa wɔ hɔ ma ɔpɔnkɔ, nnareka wɔ hɔ ma afurum, na abaa wɔ hɔ ma nkwaseafo akyi.
| שוט לסוס מתג לחמור ושבט לגו כסילים׃ |
4 Nhwɛ ɔkwasea agyimisɛm so mma no mmuae, anyɛ saa a wo nso bɛyɛ sɛ ɔno.
| אל תען כסיל כאולתו פן תשוה לו גם אתה׃ |
5 Gyina ɔkwasea agyimisɛm so ma no mmuae, anyɛ saa a ɛbɛyɛ no sɛ onim nyansa.
| ענה כסיל כאולתו פן יהיה חכם בעיניו׃ |
6 Sɛ wode nkra bi soma ɔkwasea a, ɛte sɛ wutwitwa wʼankasa wʼanan anaasɛ wonom awuduru.
| מקצה רגלים חמס שתה שלח דברים ביד כסיל׃ |
7 Apakye nan a awu na ɛsensɛn hɔ no, yɛ mmebusɛm a ɛda ɔkwasea ano.
| דליו שקים מפסח ומשל בפי כסילים׃ |
8 Ɔbo a wɔakyekyere afam ahwimmo so te sɛ anuonyam a wɔde ama ɔkwasea.
| כצרור אבן במרגמה כן נותן לכסיל כבוד׃ |
9 Nsɔe dua a ɔkɔwensani kita no te sɛ mmebusɛm a ɛda ɔkwasea ano.
| חוח עלה ביד שכור ומשל בפי כסילים׃ |
10 Nea ɔbɔ ɔkwasea anaa obi hunu paa no te sɛ agyantowni a opira nnipa kwa.
| רב מחולל כל ושכר כסיל ושכר עברים׃ |
11 Sɛnea ɔkraman san kɔ ne fe ho no, saa ara na ɔkwasea ti nʼagyimisɛm mu.
| ככלב שב על קאו כסיל שונה באולתו׃ |
12 Wuhu obi a ɔyɛ onyansafo wɔ nʼankasa ani so ana? Anidaso pii wɔ ɔkwasea mu sen no.
| ראית איש חכם בעיניו תקוה לכסיל ממנו׃ |
13 Ɔkwadwofo ka se, “Gyata wɔ ɔkwan no mu, gyatakeka nenam mmɔnten no so!”
| אמר עצל שחל בדרך ארי בין הרחבות׃ |
14 Sɛnea ɔpon di akɔneaba wɔ ne mpontare so no, saa ara na ɔkwadwofo twa ne ho wɔ ne mpa so.
| הדלת תסוב על צירה ועצל על מטתו׃ |
15 Ɔkwadwofo de ne nsa si aduan mu, na ɛyɛ no anihaw sɛ obeyi akɔ nʼano.
| טמן עצל ידו בצלחת נלאה להשיבה אל פיו׃ |
16 Ɔkwadwofo yɛ onyansafo wɔ ɔno ankasa ani so sen nnipa baason a wodwen asɛm ho na wɔabua.
| חכם עצל בעיניו משבעה משיבי טעם׃ |
17 Obi a oso ɔkraman aso twe no no te sɛ obi a ɔretwa mu na ɔde ne ho kɔfra ntɔkwaw a ɛmfa ne ho mu.
| מחזיק באזני כלב עבר מתעבר על ריב לא לו׃ |
18 Ɔbɔdamfo a ɔtotow atuo anaa agyanwerɛmfo no
| כמתלהלה הירה זקים חצים ומות׃ |
19 te sɛ obi a, ɔdaadaa ne yɔnko na ɔka se, “Na mede redi agoru!”
| כן איש רמה את רעהו ואמר הלא משחק אני׃ |
20 Nnyansin hi a ogya dum; nseku nni hɔ a ntɔkwaw to twa.
| באפס עצים תכבה אש ובאין נרגן ישתק מדון׃ |
21 Sɛnea gyabiriw dan nnyansramma na nnyina dan ogya no, saa ara na ɔtɔkwapɛfo hyɛ ntɔkwaw mu takramugya.
| פחם לגחלים ועצים לאש ואיש מדונים לחרחר ריב׃ |
22 Osekuni ano asɛm te sɛ aduan a ɛyɛ dɛ; ɛhyɛnhyɛn onipa akwaa mu nyinaa.
| דברי נרגן כמתלהמים והם ירדו חדרי בטן׃ |
23 Sɛnea ama kata asankagow ho no saa ara na tɛkrɛmadɛ kata amumɔyɛ koma so.
| כסף סיגים מצפה על חרש שפתים דלקים ולב רע׃ |
24 Onipa bɔne kasa te sɛ nea oye, nanso nnaadaa ahyɛ ne koma ma.
| בשפתו ינכר שונא ובקרבו ישית מרמה׃ |
25 Ɛwɔ mu sɛ ne kasa yɛ dɛ de, nanso nnye no nni, efisɛ abususɛm ason ahyɛ ne koma ma.
| כי יחנן קולו אל תאמן בו כי שבע תועבות בלבו׃ |
26 Ebia nnaadaa bɛkata nʼadwemmɔne so, nanso nʼamumɔyɛsɛm bɛda adi wɔ bagua mu.
| תכסה שנאה במשאון תגלה רעתו בקהל׃ |
27 Sɛ onipa tu amoa a, ɔbɛtɔ mu; sɛ onipa pirew ɔbo a, ɛbɛsan aba no so.
| כרה שחת בה יפל וגלל אבן אליו תשוב׃ |
28 Atoro tɛkrɛma kyi wɔn a ogu wɔn ho fi, na adɛfɛdɛfɛ ano de ɔsɛe ba.
| לשון שקר ישנא דכיו ופה חלק יעשה מדחה׃ |
