Mmebusɛm 25
1 Eyinom yɛ Salomo mmebusɛm nkekaho a Yudahene Hesekia afotufo kyerɛwee:
| גם-אלה משלי שלמה-- אשר העתיקו אנשי חזקיה מלך-יהודה |
2 Ɛyɛ Onyankopɔn anuonyamhyɛ sɛ wɔde asɛm sie; sɛ wɔpɛɛpɛɛ asɛm mu nso hyɛ ahemfo anuonyam.
| כבד אלהים הסתר דבר וכבד מלכים חקר דבר |
3 Sɛnea ɔsoro korɔn na asase mu dɔ no, saa ara na wɔrentumi nhwehwɛ ahemfo koma mu.
| שמים לרום וארץ לעמק ולב מלכים אין חקר |
4 Sɛ woyi dwetɛ ho fi a, na ato nea ɛkɔ dwetɛdwumfo nsam;
| הגו סיגים מכסף ויצא לצרף כלי |
5 Yi amumɔyɛfo fi ɔhene anim, na trenee bɛma nʼahengua atim.
| הגו רשע לפני-מלך ויכון בצדק כסאו |
6 Mma wo ho so wɔ ɔhene anim, na mpere dibea wɔ atitiriw mu;
| אל-תתהדר לפני-מלך ובמקום גדלים אל-תעמד |
7 Eye ma no sɛ ɔbɛka akyerɛ wo se, “Bra soro ha,” sen sɛ ɔbɛbrɛ wo ase wɔ otitiriw bi anim. Nea wode wʼani ahu no
| כי טוב אמר-לך עלה-הנה מהשפילך לפני נדיב--אשר ראו עיניך |
8 mpɛ ntɛm mfa nkɔ asennii, na sɛ awiei no wo yɔnko gu wʼanim ase a dɛn na wobɛyɛ?
| אל-תצא לרב מהר פן מה-תעשה באחריתה--בהכלים אתך רעך |
9 Sɛ wo ne wo yɔnko di asɛm a nna obi foforo ahintasɛm adi,
| ריבך ריב את-רעך וסוד אחר אל-תגל |
10 anyɛ saa a, nea ɔbɛte no begu wʼanim ase na din bɔne a wubenya no rempepa da.
| פן-יחסדך שמע ודבתך לא תשוב |
11 Asɛm a wɔka no sɛnea ɛfata no te sɛ sika kɔkɔɔ a wɔabɔ sɛ aprɛ de atuatua dwetɛ nsiesiei mu.
| תפוחי זהב במשכיות כסף-- דבר דבר על-אפניו |
12 Sikakɔkɔɔ asokaa anaa sikakɔkɔɔ ankasa ahyehyɛde te sɛ onyansafo animka a ɔde ma nea ɔyɛ aso ma no.
| נזם זהב וחלי-כתם-- מוכיח חכם על-אזן שמעת |
13 Sɛnea sukyerɛmma ma wim dwo wɔ otwabere mu no, saa ara na ɔsomafo nokwafo te ma wɔn a wɔsoma no no; na ɔma ne wuranom akomatɔyam.
| כצנת שלג ביום קציר--ציר נאמן לשלחיו ונפש אדניו ישיב |
14 Omununkum ne mframa a ɛmfa osu mma no te sɛ onipa a ɔde akyɛde a ɔmmfa mma hoahoa ne ho.
| נשיאים ורוח וגשם אין-- איש מתהלל במתת-שקר |
15 Ntoboase ma sodifo ti da, na tɛkrɛmabere tumi bu dompe mu.
| בארך אפים יפתה קצין ולשון רכה תשבר-גרם |
16 Sɛ wunya ɛwo a, nni ntra so, ne bebrebe bɛma woafe.
| דבש מצאת אכל דיך פן-תשבענו והקאתו |
17 Ntaa nkɔ wo yɔnko fi, wo ho fono no a, ɔbɛtan wo.
| הקר רגלך מבית רעך פן-ישבעך ושנאך |
18 Onipa a odi adansekurum tia ne yɔnko no te sɛ kontibaa, afoa anaa bɛmma a ano yɛ nnam.
| מפיץ וחרב וחץ שנון-- איש ענה ברעהו עד שקר |
19 Ɛse a ɛyare ɔkekaw anaa nan a ɛyɛ apakye te sɛ nea wode wo ho to ɔtorofo so hiada mu.
| שן רעה ורגל מועדת-- מבטח בוגד ביום צרה |
20 Nea ɔto dwom kyerɛ ɔwerɛhowni no, te sɛ nea ɔpa ntama gu awɔwbere mu anaa te sɛ nsa nyinyanyinya a wohwie gu apirakuru so.
| מעדה-בגד ביום קרה--חמץ על-נתר ושר בשרים על לב-רע |
21 Sɛ ɔkɔm de wo tamfo a, ma no aduan nni; sɛ osukɔm de no a, ma no nsu nnom.
| אם-רעב שנאך האכלהו לחם ואם-צמא השקהו מים |
22 Sɛ woyɛ saa a, wobɛsosɔ nnyansramma agu nʼatifi, na Awurade bɛma wo akatua.
| כי גחלים--אתה חתה על-ראשו ויהוה ישלם-לך |
23 Sɛnea atifi fam mframa de osu ba no, saa ara na tɛkrɛma a edi nseku de omuna ba.
| רוח צפון תחולל גשם ופנים נזעמים לשון סתר |
24 Eye sɛ wobɛtena suhyɛ twɔtwɔw ase baabi, sen sɛ wo ne ɔyere tɔkwapɛfo bɛtena fie.
| טוב שבת על-פנת-גג-- מאשת מדונים (מדינים) ובית חבר |
25 Nsuonwini a ɔkra a atɔ beraw nya no te sɛ anigyesɛm a efi akyirikyiri.
| מים קרים על-נפש עיפה ושמועה טובה מארץ מרחק |
26 Asuti a afono anaa abura a ayɛ pɔtɔɔ te sɛ ɔtreneeni a ogyaa ne ho ma amumɔyɛfo.
| מעין נרפש ומקור משחת-- צדיק מט לפני-רשע |
27 Enye sɛ wodi ɛwo ntraso, saa ara na ɛnyɛ anuonyam sɛ obi bɛhwehwɛ nsɛm a mu dɔ mu.
| אכל דבש הרבות לא-טוב וחקר כבדם כבוד |
28 Onipa a onni ahohyɛso no te sɛ kuropɔn a nʼafasu abubu agu fam.
| עיר פרוצה אין חומה-- איש אשר אין מעצר לרוחו |
