Mmebusɛm 17
1 Aduan sakoo a asomdwoe wɔ ho ye sen ofi a aponto ahyɛ no ma nanso basabasayɛ wɔ mu.
| טוב פת חרבה ושלוה-בה-- מבית מלא זבחי-ריב |
2 Ɔsomfo nyansafo bedi ɔba nimguasefo so, na obenya ne kyɛfa wɔ agyapade no mu sɛ anuanom no mu baako.
| עבד-משכיל--ימשל בבן מביש ובתוך אחים יחלק נחלה |
3 Kyɛmfɛre wɔ hɔ ma dwetɛ na fononoo wɔ hɔ ma sikakɔkɔɔ nanso Awurade na ɔsɔ koma hwɛ.
| מצרף לכסף וכור לזהב ובחן לבות יהוה |
4 Omumɔyɛfo tie nsusuwii bɔne; ɔtorofo yɛ aso ma adwene bɔne tɛkrɛma.
| מרע מקשיב על-שפת-און שקר מזין על-לשון הות |
5 Nea odi ahiafo ho fɛw no bu wɔn Yɛfo animtiaa; na nea ɔfoa amanehunu so no benya asotwe.
| לעג לרש חרף עשהו שמח לאיד לא ינקה |
6 Nananom yɛ mmasiriwa anuonyam, na awofo yɛ wɔn mma ahohoahoa.
| עטרת זקנים בני בנים ותפארת בנים אבותם |
7 Anotew nye mma ɔkwasea, saa ara na ano a edi atoro mfata ɔhene.
| לא-נאוה לנבל שפת-יתר אף כי-לנדיב שפת-שקר |
8 Nea ɔma adanmude no hu sɛ ɛyɛ suman; osusuw sɛ nkonimdi bɛba bere biara.
| אבן-חן השחד בעיני בעליו אל-כל-אשר יפנה ישכיל |
9 Nea obu nʼani gu mfomso so no ma ɔdɔ kwan, na nea ɔkɔ so bɔ so no tetew nnamfonom ntam.
| מכסה-פשע מבקש אהבה ושנה בדבר מפריד אלוף |
10 Animka sɔ onipa a ɔwɔ nhumu ani sen mmaa ɔha a wɔbɔ ɔkwasea.
| תחת גערה במבין-- מהכות כסיל מאה |
11 Onipa bɔnefo ani wɔ atuatew nko ara so na wɔbɛsoma odwumayɛni tirimuɔdenfo akɔ no so.
| אך-מרי יבקש-רע ומלאך אכזרי ישלח-בו |
12 Eye sɛ wubehyia sisi a wɔawia ne mma sen ɔkwasea a ɔregyimi.
| פגוש דב שכול באיש ואל-כסיל באולתו |
13 Sɛ obi de bɔne tua papa so ka a, bɔne rempa ne fi da.
| משיב רעה תחת טובה-- לא-תמיש (תמוש) רעה מביתו |
14 Ntɔkwaw mfiase te sɛ nea wɔretue suka; enti gyae ma ɛnka na ankɔfa ɔham amma.
| פוטר מים ראשית מדון ולפני התגלע הריב נטוש |
15 Sɛ wobegyaa nea odi fɔ ne sɛ wobebu nea odi bem kumfɔ no, Awurade kyi nʼabien no nyinaa.
| מצדיק רשע ומרשיע צדיק-- תועבת יהוה גם-שניהם |
16 Sika a ɛwɔ ɔkwasea nsam so nni mfaso, efisɛ onni botae biara sɛ obehu nyansa.
| למה-זה מחיר ביד-כסיל-- לקנות חכמה ולב-אין |
17 Adamfo kyerɛ ɔdɔ bere nyinaa mu, wɔwo onuabarima ma ahokyere bere.
| בכל-עת אהב הרע ואח לצרה יולד |
18 Obi a onni adwene no na ɔde ne nsa hyɛ krataa ase di akagyinamu nam so de si awowa ma ne yɔnko.
| אדם חסר-לב תוקע כף ערב ערבה לפני רעהו |
19 Nea ɔpɛ ntɔkwaw no dɔ bɔne; nea osi ɔpon tenten no frɛfrɛ ɔsɛe.
| אהב פשע אהב מצה מגביה פתחו מבקש-שבר |
20 Onipa a ɔwɔ porɔwee koma no nnya nkɔso; nea ɔwɔ nnaadaa tɛkrɛma no tɔ amane mu.
| עקש-לב לא ימצא-טוב ונהפך בלשונו יפול ברעה |
21 Nea ɔwo ɔbakwasea no di awerɛhow, ɔbakwasea agya nni anigye.
| ילד כסיל לתוגה לו ולא-ישמח אבי נבל |
22 Koma mu anigye yɛ aduru, ɛsa ɔyare, nanso honhom a abotow no yoyow nnompe.
| לב שמח ייטיב גהה ורוח נכאה תיבש-גרם |
23 Omumɔyɛfo gye adanmude wɔ sum ase de kyea atɛntrenee.
| שחד מחק רשע יקח-- להטות ארחות משפט |
24 Onipa a ɔwɔ nhumu no ani kɔ nyansa so, na ɔkwasea toto nʼani kosi asase ano.
| את-פני מבין חכמה ועיני כסיל בקצה-ארץ |
25 Ɔbakwasea hyɛ nʼagya awerɛhow, na ɔma nea onyinsɛn no no di yaw.
| כעס לאביו בן כסיל וממר ליולדתו |
26 Enye sɛ wɔtwe nea odi bem aso, anaasɛ wotwa adwumayɛfo mmaa wɔ wɔn nokwaredi nti.
| גם ענוש לצדיק לא-טוב-- להכות נדיבים על-ישר |
27 Onimdefo dwene nʼanom kasa ho, na nea ɔwɔ nhumu no wɔ abodwo.
| חושך אמריו יודע דעת וקר- (יקר-) רוח איש תבונה |
28 Mpo sɛ ɔkwasea yɛ dinn a wobu no sɛ onyansafo, na sɛ omua nʼano a wobu no sɛ ɔwɔ nhumu.
| גם אויל מחריש חכם יחשב אטם שפתיו נבון |
