Mmebusɛm 14
1 Ɔbea nyansafo si ne dan, nanso ɔbea kwasea de nʼankasa ne nsa dwiriw ne de gu fam.
| חכמות נשים בנתה ביתה ואולת בידיה תהרסנו׃ |
2 Nea ne nantew teɛ no suro Awurade, na nea nʼakwan kyea no bu no animtiaa.
| הולך בישרו ירא יהוה ונלוז דרכיו בוזהו׃ |
3 Ɔkwasea kasa ma wɔbɔ nʼakyi abaa, nanso anyansafo ano bɔ wɔn ho ban.
| בפי אויל חטר גאוה ושפתי חכמים תשמורם׃ |
4 Faako a anantwi nni no, adididaka no mu da mpan, na nantwi ahoɔden mu na nnɔbae pii fi ba.
| באין אלפים אבוס בר ורב תבואות בכח שור׃ |
5 Ɔdanseni nokwafo rennaadaa, ɔdansekurumni hwie atoro gu hɔ.
| עד אמונים לא יכזב ויפיח כזבים עד שקר׃ |
6 Ɔfɛwdifo hwehwɛ nyansa nanso onya, nanso wɔn a wɔwɔ nhumu nya nimdeɛ ntɛm.
| בקש לץ חכמה ואין ודעת לנבון נקל׃ |
7 Twe wo ho fi ɔkwasea ho, efisɛ, worennya nimdeɛ mfi nʼano.
| לך מנגד לאיש כסיל ובל ידעת שפתי דעת׃ |
8 Anitewfo nyansa ne sɛ wɔbɛdwene wɔn akwan ho, na nkwaseafo agyimisɛm yɛ nnaadaa.
| חכמת ערום הבין דרכו ואולת כסילים מרמה׃ |
9 Nkwaseafo de bɔne ho adwensakra di fɛw, na wɔn a wɔteɛ mu na anisɔ wɔ.
| אולים יליץ אשם ובין ישרים רצון׃ |
10 Koma biara nim ɔyaw wɔ ne mu, na obi foforo rentumi ne no nkyɛ nʼanigye.
| לב יודע מרת נפשו ובשמחתו לא יתערב זר׃ |
11 Wɔbɛsɛe amumɔyɛfo fi, nanso teefo ntamadan bɛyɛ frɔmfrɔm.
| בית רשעים ישמד ואהל ישרים יפריח׃ |
12 Ɔkwan bi wɔ hɔ a ɛteɛ wɔ onipa ani so, nanso awiei no, ɛkɔ owu mu.
| יש דרך ישר לפני איש ואחריתה דרכי מות׃ |
13 Ɔserew mu mpo, koma tumi di yaw, na anigye tumi wie awerɛhow.
| גם בשחוק יכאב לב ואחריתה שמחה תוגה׃ |
14 Akyirisanfo benya akatua sɛnea wɔn akwan te, na onipa pa nso benya ne de.
| מדרכיו ישבע סוג לב ומעליו איש טוב׃ |
15 Atetekwaa gye biribiara di, nanso onitefo dwene nʼanammɔntu ho.
| פתי יאמין לכל דבר וערום יבין לאשרו׃ |
16 Onyansafo suro Awurade na oguan bɔne, nanso ɔkwasea yɛ asowui ne basabasa.
| חכם ירא וסר מרע וכסיל מתעבר ובוטח׃ |
17 Onipa a ne bo nkyɛ fuw no yɛ nkwaseade, na wɔtɔn nea ɔpam apam bɔne no.
| קצר אפים יעשה אולת ואיש מזמות ישנא׃ |
18 Ntetekwaafo agyapade ne gyimi, na wɔde nimdeɛ bɔ anitewfo abotiri.
| נחלו פתאים אולת וערומים יכתרו דעת׃ |
19 Nnipa bɔnefo bɛkotow nnipa pa anim, na amumɔyɛfo akotow atreneefo apon ano.
| שחו רעים לפני טובים ורשעים על שערי צדיק׃ |
20 Ahiafo de, wɔn yɔnkonom mpo mpɛ wɔn anim ahwɛ, nanso adefo wɔ nnamfonom bebree.
| גם לרעהו ישנא רש ואהבי עשיר רבים׃ |
21 Nea obu ne yɔnko animtiaa yɛ bɔne, na nhyira nka nea ne yam ye ma ohiani.
| בז לרעהו חוטא ומחונן עניים אשריו׃ |
22 So wɔn a wɔbɔ pɔw bɔne nyera kwan ana? Nanso wɔn a wɔhyehyɛ nea eye no nya adɔe ne nokware.
| הלוא יתעו חרשי רע וחסד ואמת חרשי טוב׃ |
23 Adwumadenyɛ nyinaa de mfaso ba, na kasahunu de, ɛkɔ ohia mu.
| בכל עצב יהיה מותר ודבר שפתים אך למחסור׃ |
24 Anyansafo ahonya ne wɔn abotiri, na nkwaseafo agyimisɛm sow gyimi aba.
| עטרת חכמים עשרם אולת כסילים אולת׃ |
25 Ɔdanseni nokwafo gye nkwa, nanso ɔdansekurumni yɛ ɔdaadaafo.
| מציל נפשות עד אמת ויפח כזבים מרמה׃ |
26 Nea osuro Awurade no wɔ bammɔ a mu yɛ den, na ɛbɛyɛ guankɔbea ama ne mma.
| ביראת יהוה מבטח עז ולבניו יהיה מחסה׃ |
27 Awurade suro yɛ nkwa asuti, eyi onipa fi owu afiri mu.
| יראת יהוה מקור חיים לסור ממקשי מות׃ |
28 Ɔman mu nnipa dodow yɛ ɔhene anuonyam, nanso sɛ asomfo nni hɔ a mmapɔmma no sɛe.
| ברב עם הדרת מלך ובאפס לאם מחתת רזון׃ |
29 Onipa a ɔwɔ abodwokyɛre wɔ ntease a mu dɔ, na nea ne bo fu ntɛm no da agyimisɛm adi.
| ארך אפים רב תבונה וקצר רוח מרים אולת׃ |
30 Koma mu asomdwoe ma nipadua nkwa, na anibere ma nnompe porɔw.
| חיי בשרים לב מרפא ורקב עצמות קנאה׃ |
31 Nea ɔhyɛ ahiafo so no bu wɔn Yɛfo animtiaa, nanso nea ohu ohiani mmɔbɔ no hyɛ Onyankopɔn anuonyam.
| עשק דל חרף עשהו ומכבדו חנן אביון׃ |
32 Sɛ amanehunu ba a amumɔyɛfo hwe ase, nanso owu mu mpo atreneefo wɔ guankɔbea.
| ברעתו ידחה רשע וחסה במותו צדיק׃ |
33 Nyansa te ntease koma mu, na nkwaseafo mu mpo, oyi ne ho adi.
| בלב נבון תנוח חכמה ובקרב כסילים תודע׃ |
34 Trenee pagyaw ɔman, na bɔne yɛ animguase ma nnipa nyinaa.
| צדקה תרומם גוי וחסד לאמים חטאת׃ |
35 Ɔhene ani sɔ ɔsomfo nyansani, na ɔsomfo nimguasefo hyɛ no abufuw.
| רצון מלך לעבד משכיל ועברתו תהיה מביש׃ |
