Mmebusɛm 12
1 Obiara a ɔpɛ ahohyɛso no pɛ nimdeɛ, na nea okyi nteɛso no yɛ ogyimifo.
| אהב מוסר אהב דעת ושנא תוכחת בער׃ |
2 Nnipa pa nya Awurade nkyɛn adom, na Awurade bu amumɔyɛfo fɔ.
| טוב יפיק רצון מיהוה ואיש מזמות ירשיע׃ |
3 Amumɔyɛsɛm rentumi mma onipa ase ntim, na wɔrentumi ntu ɔtreneeni ase.
| לא יכון אדם ברשע ושרש צדיקים בל ימוט׃ |
4 Ɔyere a ɔwɔ suban pa yɛ ne kunu ahenkyɛw, nanso ɔyere nimguasefo te sɛ porɔwee wɔ ne kunu nnompe mu.
| אשת חיל עטרת בעלה וכרקב בעצמותיו מבישה׃ |
5 Atreneefo nhyehyɛe yɛ pɛ, na amumɔyɛfo afotu yɛ nnaadaa.
| מחשבות צדיקים משפט תחבלות רשעים מרמה׃ |
6 Amumɔyɛfo nsɛm da hɔ twɛn mogya, na ɔtreneeni kasa yi wɔn fi mu.
| דברי רשעים ארב דם ופי ישרים יצילם׃ |
7 Wotu amumɔyɛfo gu na wɔyera, nanso atreneefo fi gyina pintinn.
| הפוך רשעים ואינם ובית צדיקים יעמד׃ |
8 Wɔkamfo onipa sɛnea ne nyansa te na nnipa a wɔn adwene yɛ kɔntɔnkye de, wobu wɔn animtiaa.
| לפי שכלו יהלל איש ונעוה לב יהיה לבוז׃ |
9 Eye sɛ wobɛyɛ wo ho sɛ ɔteta nanso wowɔ ɔsomfo, sen sɛ wobɛyɛ wo ho sɛ obi, nanso wunni aduan.
| טוב נקלה ועבד לו ממתכבד וחסר לחם׃ |
10 Ɔtreneeni ma ne nyɛmmoa nea wɔpɛ, na amumɔyɛfo nneyɛe a eye pa ara yɛ atirimɔden.
| יודע צדיק נפש בהמתו ורחמי רשעים אכזרי׃ |
11 Nea ɔyɛ nʼasase so adwuma no benya aduan bebree, na nea odi nsɛm huhuw akyi no nni adwene.
| עבד אדמתו ישבע לחם ומרדף ריקים חסר לב׃ |
12 Amumɔyɛfo pɛ abɔnefo asade, nanso ɔtreneeni ase dɔ.
| חמד רשע מצוד רעים ושרש צדיקים יתן׃ |
13 Ɔbɔnefo anosɛm yi no sɛ afiri, nanso ɔtreneeni nya ne ho tetew wɔ ahohia mu.
| בפשע שפתים מוקש רע ויצא מצרה צדיק׃ |
14 Nneɛma pa fi onipa anom aba mu hyɛ no ma sɛnea ne nsa ano adwuma ma no akatua no.
| מפרי פי איש ישבע טוב וגמול ידי אדם ישוב לו׃ |
15 Ɔkwasea akwan teɛ nʼani so, na onyansafo tie afotu.
| דרך אויל ישר בעיניו ושמע לעצה חכם׃ |
16 Nkwaseafo bo nkyɛ fuw, nanso mmadwemma bu wɔn ani gu animka so.
| אויל ביום יודע כעסו וכסה קלון ערום׃ |
17 Ɔdanseni nokwafo di adanse turodoo, na nea odi adansekurum no twa nkontompo.
| יפיח אמונה יגיד צדק ועד שקרים מרמה׃ |
18 Nsɛm hunu keka wowɔ te sɛ afoa nanso onyansafo tɛkrɛma ma abodwo.
| יש בוטה כמדקרות חרב ולשון חכמים מרפא׃ |
19 Ano a ɛka nokware no tim hɔ daa, na atoro tɛkrɛma renkyɛ koraa.
| שפת אמת תכון לעד ועד ארגיעה לשון שקר׃ |
20 Nnaadaa hyɛ wɔn a wodwen bɔne ho no koma mu, na wɔn a wɔpɛ asomdwoe nya ahosɛpɛw.
| מרמה בלב חרשי רע וליעצי שלום שמחה׃ |
21 Ɔhaw biara rento ɔtreneeni, nanso amanehunu mee amumɔyɛfo.
| לא יאנה לצדיק כל און ורשעים מלאו רע׃ |
22 Awurade kyi ano a etwa atoro, na nʼani gye nnipa a wodi nokware ho.
| תועבת יהוה שפתי שקר ועשי אמונה רצונו׃ |
23 Ɔtreneeni mmɔ ne nimdeɛ ho dawuru nanso ɔkwasea koma da agyimisɛm adi.
| אדם ערום כסה דעת ולב כסילים יקרא אולת׃ |
24 Nsa a ɛyɛ adwuma no bedi tumi, nanso akwadworɔ wie nkoasom mu.
| יד חרוצים תמשול ורמיה תהיה למס׃ |
25 Koma a ɛpere ade ho ma onipa botow, nanso nkuranhyɛsɛm bi hyɛ no den.
| דאגה בלב איש ישחנה ודבר טוב ישמחנה׃ |
26 Ɔtreneeni wɔ ntoboase wɔ ayɔnkofa mu, nanso amumɔyɛfo kwan ma wɔfom.
| יתר מרעהו צדיק ודרך רשעים תתעם׃ |
27 Onihawfo ntoto ne hanam, nanso nsiyɛfo ahonyade som bo ma wɔn.
| לא יחרך רמיה צידו והון אדם יקר חרוץ׃ |
28 Trenee kwan mu wɔ nkwa; na owu nni saa kwan no so.
| בארח צדקה חיים ודרך נתיבה אל מות׃ |
