Mmebusɛm 11
1 Awurade kyi asisi nsania, na nʼani gye nokware nkaribo ho.
| מאזני מרמה תועבת יהוה ואבן שלמה רצונו׃ |
2 Ahantan ba a, animguase na edi so, nanso ahobrɛase de nyansa ba.
| בא זדון ויבא קלון ואת צנועים חכמה׃ |
3 Teefo nokwaredi kyerɛ wɔn kwan; nanso nkontompofo ano ntanta sɛe wɔn.
| תמת ישרים תנחם וסלף בוגדים ושדם׃ |
4 Ahonya nka hwee wɔ abufuwhyew da no, nanso trenee gye nkwa fi owu mu.
| לא יועיל הון ביום עברה וצדקה תציל ממות׃ |
5 Wɔn a wonni bɔne no trenee bɔ kwan tee ma wɔn, nanso amumɔyɛfo amumɔyɛsɛm brɛ wɔn ase.
| צדקת תמים תישר דרכו וברשעתו יפל רשע׃ |
6 Pɛyɛfo treneeyɛ gye wɔn, nanso akɔnnɔ bɔne afiri yi nkontompofo.
| צדקת ישרים תצילם ובהות בגדים ילכדו׃ |
7 Sɛ omumɔyɛfo wu a, nʼanidaso yera; nea osusuw sɛ obenya afi ne tumi mu nyinaa no yɛ ɔkwa.
| במות אדם רשע תאבד תקוה ותוחלת אונים אבדה׃ |
8 Wogye ɔtreneeni fi amane mu, na ɛba omumɔyɛfo so mmom.
| צדיק מצרה נחלץ ויבא רשע תחתיו׃ |
9 Nea onsuro Onyame de nʼano sɛe ne yɔnko, nanso ɔtreneeni nam nimdeɛ so fi mu.
| בפה חנף ישחת רעהו ובדעת צדיקים יחלצו׃ |
10 Sɛ atreneefo di yiye a, kuropɔn no di ahurusi; nanso amumɔyɛfo wu a, wɔbɔ ose.
| בטוב צדיקים תעלץ קריה ובאבד רשעים רנה׃ |
11 Pɛyɛfo nhyira ma kuropɔn no kɔ so, nanso amumɔyɛfo ano ma ɛbɔ.
| בברכת ישרים תרום קרת ובפי רשעים תהרס׃ |
12 Onipa a onni adwene no bu ne yɔnko animtiaa, nanso nea ɔwɔ nhumu no to ne tɛkrɛma nnareka.
| בז לרעהו חסר לב ואיש תבונות יחריש׃ |
13 Nsekudi sɛe ahotoso, nanso nea wɔwɔ ne mu ahotoso no kora ahintasɛm.
| הולך רכיל מגלה סוד ונאמן רוח מכסה דבר׃ |
14 Ɔman a enni akwankyerɛ no bɔ, nanso afotufo dodow ma nkonimdi ba.
| באין תחבלות יפל עם ותשועה ברב יועץ׃ |
15 Nea odi akagyinamu ma ɔfoforo no behu amane, na nea ɔmmfa ne nsa nhyɛ awowasi ase no aso mu dwo no.
| רע ירוע כי ערב זר ושנא תקעים בוטח׃ |
16 Ɔbea a ne yam ye no, wɔde obu ma no, nanso mmarima atirimɔdenfo nya ahode nkutoo.
| אשת חן תתמך כבוד ועריצים יתמכו עשר׃ |
17 Ɔyamyefo ye ma ne ho, na otirimɔdenfo de ɔhaw ba nʼankasa so.
| גמל נפשו איש חסד ועכר שארו אכזרי׃ |
18 Omumɔyɛfo nya akatua a ennyina, nanso nea ogu trenee aba no twa aba a edi mu.
| רשע עשה פעלת שקר וזרע צדקה שכר אמת׃ |
19 Nea ɔyɛ nokware treneeni no nya nkwa, nanso nea ɔkɔ so yɛ bɔne no kɔ owu mu.
| כן צדקה לחיים ומרדף רעה למותו׃ |
20 Awurade kyi nnipa a wɔn koma akyea, na nʼani gye wɔn a wɔn akwan ho nni asɛm no ho.
| תועבת יהוה עקשי לב ורצונו תמימי דרך׃ |
21 Gye to mu sɛ, amumɔyɛfo benya wɔn akatua, na atreneefo benya wɔn ti adidi mu.
| יד ליד לא ינקה רע וזרע צדיקים נמלט׃ |
22 Ɔbea hoɔfɛfo a ontumi nsi gyinae no te sɛ sika kaa a ɛhyɛ prako hwene mu.
| נזם זהב באף חזיר אשה יפה וסרת טעם׃ |
23 Atreneefo apɛde wie yiye, nanso amumɔyɛfo anidaso wie abufuwhyew.
| תאות צדיקים אך טוב תקות רשעים עברה׃ |
24 Obi yɛ adɔe, na onya ne ho bebree; obi nso yɛ pɛpɛe, nanso ehia no.
| יש מפזר ונוסף עוד וחושך מישר אך למחסור׃ |
25 Ɔyamyefo bɛkɔ so anya ne ho; na nea ɔma ebinom mee no nso bɛmee.
| נפש ברכה תדשן ומרוה גם הוא יורא׃ |
26 Nnipa dome nea ɔde atoko sie, na nhyira ba nea ɔtɔn ne de so.
| מנע בר יקבהו לאום וברכה לראש משביר׃ |
27 Nea ɔhwehwɛ papa akyi kwan no nya anisɔ, na nea ɔhwehwɛ bɔne no, bɔne ba ne so.
| שחר טוב יבקש רצון ודרש רעה תבואנו׃ |
28 Nea ɔde ne ho to nʼahonyade so no bɛhwe ase, na ɔtreneeni bɛyɛ frɔmfrɔm sɛ ahabammono.
| בוטח בעשרו הוא יפל וכעלה צדיקים יפרחו׃ |
29 Nea ɔde ɔhaw bɛto nʼabusua so no bedi mframa ade, na ɔkwasea bɛyɛ onyansafo somfo.
| עוכר ביתו ינחל רוח ועבד אויל לחכם לב׃ |
30 Ɔtreneeni aba yɛ nkwadua, na nea ogye akra no yɛ onyansafo.
| פרי צדיק עץ חיים ולקח נפשות חכם׃ |
31 Kyerɛwsɛm no ka se, “Ɛyɛ den sɛ wobegye onipa pa nkwa; na wɔn a wonnye asɛm no nni ne nnebɔneyɛfo no de, dɛn na ɛbɛba wɔn so?”
| הן צדיק בארץ ישלם אף כי רשע וחוטא׃ |
