Hiob 36
1 Elihu toaa ne kasa so se,
| ויסף אליהוא ויאמר |
2 “Montɔ mo bo ase kakra mma me, na mɛkyerɛ mo sɛ aka bebree a ɛsɛ sɛ yɛka ma Onyankopɔn.
| כתר-לי זעיר ואחוך כי עוד לאלוה מלים |
3 Minya me nimdeɛ fi akyirikyiri; mɛka se me Yɛfo bu atɛntrenee.
| אשא דעי למרחוק ולפעלי אתן-צדק |
4 Munnye nto mu sɛ me nsɛm yɛ nokware turodoo; na meyɛ obi a ne nimdeɛ so wɔ mo mu.
| כי-אמנם לא-שקר מלי תמים דעות עמך |
5 “Onyankopɔn so, nanso, ontwiri nnipa; ɔkorɔn na osi pi wɔ ne botae mu.
| הן-אל כביר ולא ימאס כביר כח לב |
6 Ɔmma amumɔyɛfo ntena nkwa mu, na ɔde amanehunufo kyɛfa ma wɔn.
| לא-יחיה רשע ומשפט עניים יתן |
7 Onnyi nʼani mfi ɔtreneeni so, ɔma wɔne ahemfo di ade na ɔma wɔn so afebɔɔ.
| לא-יגרע מצדיק עיניו ואת-מלכים לכסא וישיבם לנצח ויגבהו |
8 Na sɛ wɔde mpokyerɛ gu nnipa na amanehunu hama akyekyere wɔn papee a,
| ואם-אסורים בזקים ילכדון בחבלי-עני |
9 ɔka nea wɔayɛ kyerɛ wɔn sɛ wɔnam ahantan so ayɛ bɔne.
| ויגד להם פעלם ופשעיהם כי יתגברו |
10 Ɔma wotie nteɛso na ɔhyɛ wɔn sɛ wonnu wɔn ho wɔ wɔn bɔne ho.
| ויגל אזנם למוסר ויאמר כי-ישובון מאון |
11 Sɛ wɔyɛ osetie na wɔsom no a, wobedi yiye wɔ wɔn nna a aka no mu na wɔn mfe nyinaa ayɛ anisɔ ama wɔn.
| אם-ישמעו ויעבדו יכלו ימיהם בטוב ושניהם בנעימים |
12 Na sɛ wɔantie no a, wɔbɛyera wɔ afoa ano, na wɔawuwu a wonni nimdeɛ.
| ואם-לא ישמעו בשלח יעברו ויגועו בבלי-דעת |
13 “Wɔn a wonnim Nyame no kora abufuw so; mpo sɛ ogu wɔn nkɔnsɔnkɔnsɔn a wonsu mpɛ mmoa.
| וחנפי-לב ישימו אף לא ישועו כי אסרם |
14 Wowuwu wɔ wɔn mmabunmmere mu, wɔ mmarima nguamanfo a wɔtete abosonnan mu.
| תמת בנער נפשם וחיתם בקדשים |
15 Nanso wɔn a wohu amane no, ogye wɔn; na ɔkasa kyerɛ wɔn wɔ wɔn haw mu.
| יחלץ עני בעניו ויגל בלחץ אזנם |
16 “Ɔregye wo afi ahohia mu de wo akɔ beae a hɔ bae a ahokyere nni, nea wowɔ asomdwoe, na nnuan pa ayɛ wo pon so ma.
| ואף הסיתך מפי-צר-- רחב לא-מוצק תחתיה ונחת שלחנך מלא דשן |
17 Nanso mprempren, atemmu a ɛfata amumɔyɛfo na aba wo so; atemmu ne atɛntrenee aso wo mu.
| ודין-רשע מלאת דין ומשפט יתמכו |
18 Hwɛ yiye na obi amfa ahonya annaadaa wo; mma adanmude kɛse bi ntwe wo.
| כי-חמה פן-יסיתך בספק ורב-כפר אל-יטך |
19 Wʼahonya anaasɛ mpo wʼahohia bebrebe nyinaa nti, worenkɔ amanehunu mu ana?
| היערך שועך לא בצר וכל מאמצי-כח |
20 Mpere anadwo ho, sɛ ammɛpra nnipa mfi wɔn afi mu.
| אל-תשאף הלילה-- לעלות עמים תחתם |
21 Hwɛ na woannan ankɔ bɔne ho, nea ayɛ sɛ wopɛ sen amanehunu.
| השמר אל-תפן אל-און כי-על-זה בחרת מעני |
22 “Onyankopɔn yɛ ɔkɛse wɔ ne tumi mu. Hena na ɔyɛ ɔkyerɛkyerɛfo sɛ ɔno?
| הן-אל ישגיב בכחו מי כמהו מורה |
23 Hena na wahyehyɛ nʼakwan ama no anaa waka akyerɛ no se, ‘Woayɛ mfomso.’
| מי-פקד עליו דרכו ומי-אמר פעלת עולה |
24 Kae na kamfo nʼadwuma a nnipa de nnwonto akamfo no.
| זכר כי-תשגיא פעלו-- אשר שררו אנשים |
25 Adesamma nyinaa ahu; nnipa fi akyirikyiri hwɛ no haa.
| כל-אדם חזו-בו אנוש יביט מרחוק |
26 Onyankopɔn yɛ ɔkɛse, ɛboro yɛn ntease so! Ne mfe dodow mu nni hwehwɛbea.
| הן-אל שגיא ולא נדע מספר שניו ולא-חקר |
27 “Ɔtwetwe nsu a ɛsosɔ, ma ɛdan osu gu nsuten mu;
| כי יגרע נטפי-מים יזקו מטר לאדו |
28 na omununkum tɔ obosu gu fam na osu pete mmoroso gu adesamma so.
| אשר-יזלו שחקים ירעפו עלי אדם רב |
29 Hena na obetumi ate sɛnea ɔtrɛtrɛw omununkum mu no ase, sɛnea ɔbobɔ mu fi ne suhyɛ ase no?
| אף אם-יבין מפרשי-עב תשאות סכתו |
30 Hwɛ sɛnea ɔhwete nʼanyinam mu wɔ ne ho ma ɛkɔ po bun mu.
| הן-פרש עליו אורו ושרשי הים כסה |
31 Eyi ne ɔkwan a ɔfa so di amanaman no so na ɔma aduan bu wɔn so.
| כי-בם ידין עמים יתן-אכל למכביר |
32 Ɔde anyinam hyɛ ne nsam ma na ɔhyɛ no sɛ ɛmpa nʼagyiraehyɛ.
| על-כפים כסה-אור ויצו עליה במפגיע |
33 Nʼaprannaa bɔ ahum a ɛreba no ho nkae; na anantwi mpo ma wohu sɛ ɛreba.
| יגיד עליו רעו מקנה אף על-עולה |
