Hiob 32
1 Enti saa mmarima baasa yi ammua Hiob bio, efisɛ na ɔteɛ wɔ ɔno ara ani so.
| וישבתו שלשת האנשים האלה מענות את איוב כי הוא צדיק בעיניו׃ |
2 Na Busini Barakel babarima Elihu a ofi Ram abusua mu no bo fuw Hiob yiye sɛ obu ne ho bem na ommu Onyankopɔn mmom bem.
| ויחר אף אליהוא בן ברכאל הבוזי ממשפחת רם באיוב חרה אפו על צדקו נפשו מאלהים׃ |
3 Ne bo fuw nnamfonom baasa no sɛ wɔantumi anya nnyinaso bi ammɔ Hiob nsɛm no angu, nanso wobuu no fɔ.
| ובשלשת רעיו חרה אפו על אשר לא מצאו מענה וירשיעו את איוב׃ |
4 Elihu twɛn sɛ afoforo no bɛkasa akyerɛ Hiob, efisɛ na wɔanyinyin sen no.
| ואליהו חכה את איוב בדברים כי זקנים המה ממנו לימים׃ |
5 Na ohuu sɛ nnipa baasa no nni asɛm biara ka bio no, nʼabufuw no sɔree.
| וירא אליהוא כי אין מענה בפי שלשת האנשים ויחר אפו׃ |
6 Enti Busini Barakel babarima Elihu kae se, “Meyɛ abofra, na moyɛ mpanyimfo; ɛno nti na misuroo sɛ mɛka nea minim akyerɛ mo.
| ויען אליהוא בן ברכאל הבוזי ויאמר צעיר אני לימים ואתם ישישים על כן זחלתי ואירא מחות דעי אתכם׃ |
7 Medwenee sɛ, ‘Ɛsɛ sɛ mpanyimfo kasa; ɛsɛ sɛ wɔn a wɔn ani afi kyerɛ nyansa.’
| אמרתי ימים ידברו ורב שנים ידיעו חכמה׃ |
8 Nanso honhom a ɛte onipa mu, Otumfo no home no na ɛma ntease.
| אכן רוח היא באנוש ונשמת שדי תבינם׃ |
9 Ɛnyɛ mpanyimfo nko na wɔyɛ anyansafo, ɛnyɛ wɔn a wɔn ani afi nko na wɔte nea eye ase.
| לא רבים יחכמו וזקנים יבינו משפט׃ |
10 “Enti mise: Muntie me; me nso mɛka mʼadwene.
| לכן אמרתי שמעה לי אחוה דעי אף אני׃ |
11 Metwɛn wɔ bere a na morekasa, mitiee mo adwenkyerɛ; bere a na munhu nea monka no,
| הן הוחלתי לדבריכם אזין עד תבונתיכם עד תחקרון מלין׃ |
12 meyɛɛ aso maa mo pa ara, nanso mo mu biara antumi ankyerɛ sɛ Hiob ayɛ mfomso; mo mu biara anyi ne nsɛm no ano.
| ועדיכם אתבונן והנה אין לאיוב מוכיח עונה אמריו מכם׃ |
13 Monnka se, ‘Yɛahu nyansa; momma Onyankopɔn mmɔ nʼasɛm no ngu, na ɛnyɛ onipa.’
| פן תאמרו מצאנו חכמה אל ידפנו לא איש׃ |
14 Nanso Hiob nkasa ntia me, na merennyina mo adwenkyerɛ so mmua no.
| ולא ערך אלי מלין ובאמריכם לא אשיבנו׃ |
15 “Wɔn ho adwiriw wɔn, wonni hwee ka bio; wɔn nsɛm asa.
| חתו לא ענו עוד העתיקו מהם מלים׃ |
16 So ɛsɛ sɛ metwɛn wɔ bere a wɔayɛ komm yi, saa bere yi a wogyinagyina ha yi a wonni mmuae biara no?
| והוחלתי כי לא ידברו כי עמדו לא ענו עוד׃ |
17 Me nso mɛka bi me nso mɛka mʼadwene.
| אענה אף אני חלקי אחוה דעי אף אני׃ |
18 Efisɛ nsɛm ahyɛ mʼanom ma, na honhom a ɛte me mu no hyɛ me sɛ menka;
| כי מלתי מלים הציקתני רוח בטני׃ |
19 Me mu no, mete sɛ nsa a ɛhyɛ toa mu te sɛ nsa kotoku foforo a ɛrebɛpae.
| הנה בטני כיין לא יפתח כאבות חדשים יבקע׃ |
20 Ɛsɛ sɛ mekasa na me ho tɔ me; ɛsɛ sɛ mibue mʼano na mema mmuae.
| אדברה וירוח לי אפתח שפתי ואענה׃ |
21 Merenyɛ nhwɛanim na merennɛfɛdɛfɛ obiara;
| אל נא אשא פני איש ואל אדם לא אכנה׃ |
22 na sɛ makwadaw adɛfɛdɛfɛ mu a, anka me Yɛfo beyi me afi hɔ ntɛm so.
| כי לא ידעתי אכנה כמעט ישאני עשני׃ |
