Hiob 29
1 Hiob toaa so se,
| ויסף איוב שאת משלו ויאמר׃ |
2 “Mʼani agyina asram a atwa mu no, nna a Onyankopɔn hwɛɛ me so no,
| מי יתנני כירחי קדם כימי אלוה ישמרני׃ |
3 bere a ne kanea hyerɛn mʼatifi na mede ne kanea nantewee sum mu no!
| בהלו נרו עלי ראשי לאורו אלך חשך׃ |
4 Ao, nna a misii so no, bere a Onyankopɔn adamfofa a emu yɛ den hyiraa me fi,
| כאשר הייתי בימי חרפי בסוד אלוה עלי אהלי׃ |
5 bere a na Otumfo no da so ka me ho na me mma atwa me ho ahyia no,
| בעוד שדי עמדי סביבותי נערי׃ |
6 bere a na nufusu mu srade afɔw mʼakwan na abotan hwiee ngo sɛ nsu maa me no.
| ברחץ הליכי בחמה וצור יצוק עמדי פלגי שמן׃ |
7 “Bere a na mekɔ kuropɔn pon ano mekɔtena mʼagua so wɔ ɔmanfo aguabɔbea,
| בצאתי שער עלי קרת ברחוב אכין מושבי׃ |
8 mmerante hu me a, wogyina nkyɛn na mpanyimfo sɔre gyina hɔ;
| ראוני נערים ונחבאו וישישים קמו עמדו׃ |
9 atitiriw gyae kasa na wɔde wɔn nsa kata wɔn ano;
| שרים עצרו במלים וכף ישימו לפיהם׃ |
10 mmapɔmma tɛm dinn, na wɔn tɛkrɛma ka wɔn dudom.
| קול נגידים נחבאו ולשונם לחכם דבקה׃ |
11 Wɔn a wɔte me nka nyinaa ka me ho asɛmpa, na wɔn a wohu me nyinaa kamfo me,
| כי אזן שמעה ותאשרני ועין ראתה ותעידני׃ |
12 efisɛ meboaa ahiafo a wosu pɛɛ mmoa, ne ayisaa a wonni aboafo.
| כי אמלט עני משוע ויתום ולא עזר לו׃ |
13 Onipa a na ɔrewu no hyiraa me; na memaa akunafo ani gyee wɔn koma mu.
| ברכת אבד עלי תבא ולב אלמנה ארנן׃ |
14 Mede trenee furaa sɛ mʼadurade; atɛntrenee yɛɛ me nkataso ne mʼabotiri.
| צדק לבשתי וילבשני כמעיל וצניף משפטי׃ |
15 Meyɛɛ aniwa maa anifuraefo, ne anan maa mmubuafo.
| עינים הייתי לעור ורגלים לפסח אני׃ |
16 Meyɛɛ ahiafo agya; na mekaa ahɔho asɛm maa wɔn.
| אב אנכי לאביונים ורב לא ידעתי אחקרהו׃ |
17 Mibubuu amumɔyɛfo se na mihwim wɔn a wodi wɔn nya no fii wɔn anom.
| ואשברה מתלעות עול ומשניו אשליך טרף׃ |
18 “Medwenee sɛ, ‘Mewu wɔ mʼankasa me fi mu, na me nna dɔɔso sɛ nwea.
| ואמר עם קני אגוע וכחול ארבה ימים׃ |
19 Me ntin beduu nsu ano, na obosu agugu me mman so anadwo mu nyinaa.
| שרשי פתוח אלי מים וטל ילין בקצירי׃ |
20 Mʼanuonyam rempa da, na agyan ayɛ foforo wɔ me nsam daa.’
| כבודי חדש עמדי וקשתי בידי תחליף׃ |
21 “Nnipa hwehwɛɛ sɛ wotie me, wɔyɛɛ dinn, twɛn mʼafotu.
| לי שמעו ויחלו וידמו למו עצתי׃ |
22 Sɛ mekasa wie a wɔnnkasa bio, efisɛ me nsɛm tɔɔ wɔn asom yiye.
| אחרי דברי לא ישנו ועלימו תטף מלתי׃ |
23 Wɔtwɛn me sɛnea wɔtwɛn osu a ɛpete, na wɔmenee me nsɛm sɛ osutɔ bere nsu.
| ויחלו כמטר לי ופיהם פערו למלקוש׃ |
24 Sɛ meserew mekyerɛ wɔn a, wɔntaa nnye nni; mʼanimtew som bo ma wɔn.
| אשחק אלהם לא יאמינו ואור פני לא יפילון׃ |
25 Mebɔɔ kwan maa wɔn na metenaa ase sɛ wɔn hene; metenaa ase sɛ ɔhene a ɔwɔ nʼasraafo mu; meyɛɛ sɛ obi a ɔkyekye agyaadwotwafo werɛ.
| אבחר דרכם ואשב ראש ואשכון כמלך בגדוד כאשר אבלים ינחם׃ |
