Hiob 18
1 Na Suhini Bildad buae se,
| ויען בלדד השחי ויאמר |
2 “Bere bɛn na wubegyae kasa tenten yi? Dwene ho yiye, na afei yebetumi akasa.
| עד-אנה תשימון קנצי למלין תבינו ואחר נדבר |
3 Adɛn nti na wofa yɛn sɛ anantwi na wususuw sɛ yennim nyansa yi?
| מדוע נחשבנו כבהמה נטמינו בעיניכם |
4 Wo a wode abufuw tetew wo mu nketenkete, wo nti na yemfi asase so anaasɛ wonnwiriw abotan mfi wɔn sibea ana?
| טרף נפשו באפו הלמענך תעזב ארץ ויעתק-צור ממקמו |
5 “Omumɔyɛfo kanea adum; na ne gya nnɛw bio.
| גם אור רשעים ידעך ולא-יגה שביב אשו |
6 Hann a ɛwɔ ne ntamadan mu duru sum; kanea a esi ne ho no dum.
| אור חשך באהלו ונרו עליו ידעך |
7 Nʼanammɔntu mu ahoɔden ano bɛbrɛ ase; nʼankasa nhyehyɛe hwe no ase.
| יצרו צעדי אונו ותשליכהו עצתו |
8 Nʼanammɔn de no kɔ afiri mu, na okyinkyin kɔtɔ ne tan mu.
| כי-שלח ברשת ברגליו ועל-שבכה יתהלך |
9 Afiri so ne nantin na eso ne mu dennen.
| יאחז בעקב פח יחזק עליו צמים |
10 Wɔasum no afiri ahintaw wɔ fam; afiri wɔ ne kwan mu.
| טמון בארץ חבלו ומלכדתו עלי נתיב |
11 Ahunahuna ma ɔbɔ huboa wɔ ne ho nyinaa na ɛhaw no wɔ nʼanammɔntu biara mu.
| סביב בעתהו בלהות והפיצהו לרגליו |
12 Atoyerɛnkyɛm kɔn dɔ no; na sɛ ɔhwe ase a, amanehunu retwɛn no.
| יהי-רעב אנו ואיד נכון לצלעו |
13 Ɛwewe ne honam ani baabi; na owu di kan sɛe nʼakwaa.
| יאכל בדי עורו יאכל בדיו בכור מות |
14 Wɔtwe no fi ne ntamadan bammɔ mu na wɔde no brɛ ahunahunahene.
| ינתק מאהלו מבטחו ותצעדהו למלך בלהות |
15 Ogya te ne ntamadan mu; na wɔabɔ sufre a ɛredɛw apete nʼatenae.
| תשכון באהלו מבלי-לו יזרה על-נוהו גפרית |
16 Ne ntin wuwu wɔ ase na ne mman nso wu wɔ soro.
| מתחת שרשיו יבשו וממעל ימל קצירו |
17 Wɔnnkae no asase so bio; na onni din wɔ asase so.
| זכרו-אבד מני-ארץ ולא-שם לו על-פני-חוץ |
18 Wɔka no fi hann mu kɔ sum mu na wɔpam no fi wiase.
| יהדפהו מאור אל-חשך ומתבל ינדהו |
19 Onni mma anaa nananom wɔ ne nkurɔfo mu, na nʼaseni biara renka wɔ baabi a ɔtenae.
| לא נין לו ולא-נכד בעמו ואין שריד במגוריו |
20 Nnipa a wofi atɔe fam ho adwiriw wɔn wɔ nea ato no no ho; na aninyanne bunkam wɔn a wɔwɔ apuei fam no so.
| על-יומו נשמו אחרנים וקדמנים אחזו שער |
21 Ampa ara, sɛɛ na omumɔyɛfo atenae te; sɛɛ ne beae a nea onnim Onyankopɔn no te.”
| אך-אלה משכנות עול וזה מקום לא-ידע-אל |
