Hiob 14
1 “Nnipa a ɔbea awo wɔn nna yɛ tiaa bi na ɔhaw ahyɛ mu mma.
| אדם ילוד אשה קצר ימים ושבע רגז׃ |
2 Ɔfefɛw te sɛ nhwiren na etwintwam; ɔte sɛ sunsuma a ɛretwa mu akɔ, ɔntena hɔ nkyɛ.
| כציץ יצא וימל ויברח כצל ולא יעמוד׃ |
3 Woma wʼani kɔ saa onipa yi so? Wode no bɛba wʼanim abebu no atɛn ana?
| אף על זה פקחת עינך ואתי תביא במשפט עמך׃ |
4 Hena na obetumi ayi nea ɛyɛ kronkron afi fi mu? Obiara nni hɔ.
| מי יתן טהור מטמא לא אחד׃ |
5 Woahyehyɛ onipa nkwa nna; woahyɛ nʼasram dodow ato hɔ na woahyɛ no bere a ɔrentumi ntra.
| אם חרוצים ימיו מספר חדשיו אתך חקו עשית ולא יעבור׃ |
6 Enti yi wʼani fi ne so na ɔnyɛ nea ɔpɛ, kosi sɛ obewie nʼadwuma sɛ ɔpaani.
| שעה מעליו ויחדל עד ירצה כשכיר יומו׃ |
7 “Dua mpo anidaso wɔ hɔ ma no: Sɛ wotwa a, ɛbɛfefɛw bio, na ne mman foforo no rempenpan.
| כי יש לעץ תקוה אם יכרת ועוד יחליף וינקתו לא תחדל׃ |
8 Ne ntin betumi anyin akyɛ asase mu na ne dunsin nso awu wɔ dɔte mu,
| אם יזקין בארץ שרשו ובעפר ימות גזעו׃ |
9 nanso, onya nsu a ɛfefɛw, na eyiyi mman sɛ dua a wɔatɛw.
| מריח מים יפרח ועשה קציר כמו נטע׃ |
10 Nanso sɛ nnipa wu a wɔde no hyɛ fam; ɔhome nea etwa to a, na afei onni hɔ bio.
| וגבר ימות ויחלש ויגוע אדם ואיו׃ |
11 Sɛnea nsu tu yera wɔ po mu no, anaa sɛnea suka mu yowee no,
| אזלו מים מני ים ונהר יחרב ויבש׃ |
12 saa ara na onipa tɔ fam na ɔnsɔre bio; enkosi sɛ ɔsoro betwa mu no, nnipa rensɔre na wɔrennyan wɔn mfi wɔn nna mu.
| ואיש שכב ולא יקום עד בלתי שמים לא יקיצו ולא יערו משנתם׃ |
13 “Sɛ anka wode me besie ɔda mu de me ahintaw kosi sɛ wʼabufuw betwa mu! Sɛ anka wobɛhyɛ me bere na afei woakae me! (Sheol h7585)
| מי יתן בשאול תצפנני תסתירני עד שוב אפך תשית לי חק ותזכרני׃ (Sheol h7585) |
14 Sɛ onipa wu a ɔbɛba nkwa mu bio ana? Mʼaperedi nna mu nyinaa mɛtwɛn akosi sɛ me foforoyɛ bɛba.
| אם ימות גבר היחיה כל ימי צבאי איחל עד בוא חליפתי׃ |
15 Wobɛfrɛ na megye wo so; wʼani begyina abɔde a wo nsa ayɛ.
| תקרא ואנכי אענך למעשה ידיך תכסף׃ |
16 Afei wobɛkan mʼanammɔntu na worenni me bɔne akyi.
| כי עתה צעדי תספור לא תשמור על חטאתי׃ |
17 Wɔbɛsɔ me bɔne ano wɔ kotoku mu, na woakata mʼamumɔyɛ so.
| חתם בצרור פשעי ותטפל על עוני׃ |
18 “Nanso sɛnea mmepɔw so hohoro na ɛpompono na ɔbotan nso twe fi ne sibea no,
| ואולם הר נופל יבול וצור יעתק ממקמו׃ |
19 sɛnea nsu yiyi abo ho na osuhweam twe dɔte kɔ no saa ara na wosɛe onipa anidaso.
| אבנים שחקו מים תשטף ספיחיה עפר ארץ ותקות אנוש האבדת׃ |
20 Wutintim ne so prɛko pɛ, na otwa mu kɔ; wosakra ne nipasu na wugya no kwan.
| תתקפהו לנצח ויהלך משנה פניו ותשלחהו׃ |
21 Sɛ wɔhyɛ ne mmabarima anuonyam a, onnim; na sɛ wɔbrɛ wɔn ase a, onhu.
| יכבדו בניו ולא ידע ויצערו ולא יבין למו׃ |
22 Ɔno ara were mu yaw na ɔtee na ɔno ara ne ho na ogyam.”
| אך בשרו עליו יכאב ונפשו עליו תאבל׃ |
