1 Mose 5
1 Sɛnea Adam asefo nnidiso te ni. Bere a Onyankopɔn nwen onipa no, ɔnwen no sɛ ɔno ara ne sɛso.
This is the record of Adam's descendants. When God created human beings, he made them to be like him.
2 Ɔbɔɔ ɔbea ne ɔbarima, na ohyiraa wɔn. Ɔbɔɔ wɔn wiee no, ɔtoo wɔn din onipa.
He created them male and female, and blessed them. On the day he created them he called them “human.”
3 Adam dii mfe ɔha aduasa no, ɔwoo ɔbabarima sɛ ɔno ara ne bɔbea ne ne sɛso. Ɔtoo ne din Set.
When Adam was 130, he had a son who was like him, made in his image; and he named him Seth.
4 Ɔwoo Set no, Adam tenaa ase mfe ahanwɔtwe a ɔwowoo mmabarima ne mmabea kaa ho.
Adam lived another 800 years after Seth was born, and had other sons and daughters.
5 Sɛ wɔka Adam mfe nyinaa bɔ mu a, odii mfe ahankron aduasa, ansa na ɔrewu.
Adam lived a total of 930 years, and then he died.
6 Set dii mfe ɔha ne anum no, ɔwoo Enos.
When Seth was 105, he had Enosh.
7 Set woo Enos akyi no, ɔtenaa ase, dii mfe ahanwɔtwe ne ason, wowoo mmabarima ne mmabea kaa ho.
Seth lived another 807 years after Enosh was born, and had other sons and daughters.
8 Sɛ wɔka Set mfe dodow bɔ mu a, odii mfe ahankron ne dumien, ansa na ɔrewu.
Seth lived a total of 912 years, and then he died.
9 Enos dii mfe aduɔkron no, ɔwoo Kenan.
When Enosh was 90, he had Kenan.
10 Enos woo Kenan akyi no, ɔtenaa ase mfe ahanwɔtwe ne dunum, wowoo mmabarima ne mmabea kaa ho.
Enosh lived another 815 years after Kenan was born, and had other sons and daughters.
11 Sɛ wɔka Enos mfe dodow bɔ mu a, odii mfe ahankron ne anum, ansa na ɔrewu.
Enosh lived a total of 905 years, and then he died.
12 Kenan dii mfe aduɔson no, ɔwoo Mahalalel.
When Kenan was 70, he had Mehalalel.
13 Kenan woo Mahalalel akyi no, ɔtenaa ase mfe ahanwɔtwe aduanan, wowoo mmabarima ne mmabea kaa ho.
Kenan lived another 840 years after Mehalalel was born, and had other sons and daughters.
14 Sɛ wɔka Kenan mfe dodow bɔ mu a, odii mfe ahankron ne du, ansa na ɔrewu.
Kenan lived a total of 910 years, and then he died.
15 Mahalalel dii mfe aduosia anum no, ɔwoo Yared.
When Mahalalel was 65, he had Jared.
16 Mahalalel woo Yared akyi no, ɔtenaa ase, dii mfe ahanwɔtwe aduasa, wowoo mmabarima ne mmabea kaa ho.
After Jared was born, Mahalalel lived another 830 years and had other sons and daughters.
17 Sɛ wɔka Mahalalel mfe dodow bɔ mu a, odii mfe ahanwɔtwe aduɔkron anum, ansa na ɔrewu.
Mahalalel lived a total of 895 years, and then he died.
18 Yared dii mfe ɔha aduosia abien no, ɔwoo Henok.
When Jared was 162, he had Enoch.
19 Yared woo Henok akyi no, ɔtenaa ase mfe ahanwɔtwe, wowoo mmabarima ne mmabea kaa ho.
After Enoch was born, Jared lived 800 years and had other sons and daughters.
20 Sɛ wɔka Yared mfe dodow bɔ mu a, odii mfe ahankron aduosia abien, ansa na ɔrewu.
Jared lived a total of 962 years, and then he died.
21 Henok dii mfe aduosia anum no, ɔwoo Metusela.
When Enoch was 65, he had Methuselah.
22 Henok woo Metusela akyi no, Henok de ne ho bataa Awurade ho mfe ahaasa, na ɔwowoo mmabarima ne mmabea kaa ho.
He had a close relationship with God. After Methuselah was born, Enoch lived another 300 years and had other sons and daughters.
23 Sɛ wɔka Henok mfe dodow bɔ mu a, odii mfe ahaasa aduosia anum.
Enoch lived a total of 365 years.
24 Henok de ne ho bataa Onyankopɔn; afei, obi anhu no bio, efisɛ Onyankopɔn faa no kɔe.
Enoch had such a close relationship with God that he didn't die, he just wasn't there anymore, because God took him.
25 Metusela dii mfe ɔha aduɔwɔtwe ason no, ɔwoo Lamek.
When Methuselah was 187, he had Lamech.
26 Metusela woo Lamek akyi no, ɔtenaa ase mfe ahanson aduɔwɔtwe abien, wowoo mmabarima ne mmabea kaa ho.
After Lamech was born, Methuselah lived another 782 years and had other sons and daughters.
27 Sɛ wɔka Metusela mfe dodow bɔ mu a, odii mfe ahankron aduosia akron, ansa na ɔrewu.
Methuselah lived a total of 969 years, and then he died.
28 Lamek dii mfe ɔha ne aduɔwɔtwe abien no, ɔwoo ɔbabarima.
When Lamech was 182, he had a son.
29 Ɔtoo no din Noa, na ɔkae se, “Ɔno na ɔbɛma yɛanya ahomegye afi kuayɛ mu adwumaden wɔ asase a Awurade adome no so.”
He named him Noah, with the explanation, “He will provide relief for us from all the hard manual labor we need to do in cultivating the ground the Lord has cursed.”
30 Lamek woo Noa akyi no, ɔtenaa ase mfe ahannum aduɔkron anum, wowoo mmabarima ne mmabea kaa ho.
After Noah was born, Lamech lived another 595 years and had other sons and daughters.
31 Sɛ wɔka Lamek mfe dodow bɔ mu a, odii mfe ahanson aduɔson ason, ansa na ɔrewu.
Lamech lived a total of 777 years, and then he died.
32 Noa dii mfe ahannum no, ɔwoo mmabarima baasa a wɔfrɛ wɔn Sem, Ham ne Yafet.
Noah was 500 before he had Shem, Ham, and Japheth.
