1 Mose 40
1 Mmere bi akyi no, ɛbaa sɛ Misraimhene Farao nsahyɛfo panyin ne ne brodotofo panyin fom no.
这事以后，埃及王的酒政和膳长得罪了他们的主—埃及王，
2 Farao bo fuw ne nsahyɛfo panyin no ne ne brodotofo panyin no yiye.
法老就恼怒酒政和膳长这二臣，
3 Enti ɔde wɔn koguu afiase wɔ ɔwɛmfo panyin Potifar no fi, beae koro no ara a wɔde Yosef kɔtoo no.
把他们下在护卫长府内的监里，就是约瑟被囚的地方。
4 Ɔwɛmfo panyin Potifar de wɔn hyɛɛ Yosef nsa sɛ, ɔnhwɛ na ɔnyɛ nea ehia wɔn nyinaa mma wɔn. Wɔdaa afiase hɔ kyɛɛ kakraa no,
护卫长把他们交给约瑟，约瑟便伺候他们；他们有些日子在监里。
5 nnipa baanu no nyinaa a na wɔyɛ ɔhene Farao brodotofo panyin ne nsahyɛfo panyin a na wogu afiase hɔ no sosoo adae anadwo koro no ara. Na saa adae abien no mu biara wɔ ne nkyerɛase.
被囚在监之埃及王的酒政和膳长二人同夜各做一梦，各梦都有讲解。
6 Ade kyee a Yosef baa nneduafo baanu no nkyɛn no, ohuu sɛ wɔn nyinaa ayeyɛ bosobosoo.
到了早晨，约瑟进到他们那里，见他们有愁闷的样子。
7 Obisaa Farao fi mpanyimfo nneduafo a na wɔne no gu afiase hɔ no se, “Adɛn nti na nnɛ de, mo werɛ ahow mo ho sɛɛ?”
他便问法老的二臣，就是与他同囚在他主人府里的，说：“你们今日为什么面带愁容呢？”
8 Nneduafo no buaa Yosef se, “Anadwo yi, yɛn baanu nyinaa sosoo adae, nanso yennya obiara wɔ ha nkyerɛ yɛn ase.” Yosef nso ka kyerɛɛ wɔn se, “Ɛwɔ mu sɛ Onyankopɔn na ɔkyerɛ dae ase de, nanso monka mo dae a mososoe no nkyerɛ me.”
他们对他说：“我们各人做了一梦，没有人能解。”约瑟说：“解梦不是出于 神吗？请你们将梦告诉我。”
9 Enti Farao nsahyɛfo panyin no dii kan kaa ne dae a ɔsoo no kyerɛɛ Yosef se, “Me dae mu no, mihuu bobe dua.
酒政便将他的梦告诉约瑟说：“我梦见在我面前有一棵葡萄树，
10 Na saa bobe dua no wɔ mman abiɛsa. Eguu nhwiren, hyehyɛ nyin yɛɛ kasiaw beree.
树上有三根枝子，好像发了芽，开了花，上头的葡萄都成熟了。
11 Na mikura ɔhene Farao nsa kuruwa. Metetew bobe aba no, kyikyi guu ɔhene Farao nsa kuruwa no mu, de maa no sɛ ɔnnom.”
法老的杯在我手中，我就拿葡萄挤在法老的杯里，将杯递在他手中。”
12 Yosef ka kyerɛɛ nsahyɛfo panyin deduani no se, “Wo dae no ase ni: mman abiɛsa a wuhui no kyerɛ nnansa.
约瑟对他说：“你所做的梦是这样解：三根枝子就是三天；
13 Nnansa ntam no, Farao beyi wo, ama woakodi wo dibea sɛ ɔhene nsahyɛfo panyin. Na wode Farao kuruwa bɛhyɛ ne nsa sɛnea na woyɛ no kan no.
三天之内，法老必提你出监，叫你官复原职，你仍要递杯在法老的手中，和先前作他的酒政一样。
14 Na sɛ esi wo yiye a, kae me na yɛ me adɔe; ka me ho asɛm kyerɛ ɔhene Farao, na ɔmma wommeyi me mfi afiase ha.
但你得好处的时候，求你记念我，施恩与我，在法老面前提说我，救我出这监牢。
15 Efisɛ manyɛ bɔne biara na wɔkyeree me fii me manfo Hebrifo asase so de me baa ha. Na ɛha nso mpo a meda yi, manyɛ mfomso biara a ɛsɛ sɛ wogyina so de me to afiase.”
我实在是从希伯来人之地被拐来的；我在这里也没有做过什么，叫他们把我下在监里。”
16 Bere a brodotofo panyin deduani no huu sɛ Yosef akyerɛ nsahyɛfo panyin no dae no ase, ama atɔ asom no, ɔka kyerɛɛ Yosef se, “Me nso, mesoo dae bi. Me dae no mu no, na meso nkɛntɛn abiɛsa a brodo gugu mu.
膳长见梦解得好，就对约瑟说：“我在梦中见我头上顶着三筐白饼；
17 Kɛntɛn a esi soro pɛɛ no, na nnuan ahorow a wɔato a mede rekɔma Farao gu mu a na nnomaa sisi aduan no so wɔ mʼatifi redi.”
极上的筐子里有为法老烤的各样食物，有飞鸟来吃我头上筐子里的食物。”
18 Yosef ka kyerɛɛ no se, “Wo dae a wosoo no nkyerɛase ni, Nkɛntɛn abiɛsa no gyina hɔ ma nnansa.
约瑟说：“你的梦是这样解：三个筐子就是三天；
19 Nnansa ntam no, Farao bɛma wɔabeyi wo afi afiase ha, atwa wo ti, de wo sin no akɔsɛn dua so, ama nnomaa asosɔw wo nam.”
三天之内，法老必斩断你的头，把你挂在木头上，必有飞鸟来吃你身上的肉。”
20 Ne nnansa so no, na Farao redi nʼawoda. Enti ɔtoo pon kɛse bi maa ne mpanyimfo ne ne fifo nyinaa. Ɔsoma ma wokoyii ne brodotofo panyin ne ne nsahyɛfo panyin nneduafo no fii afiase hɔ baa nʼanim.
到了第三天，是法老的生日，他为众臣仆设摆筵席，把酒政和膳长提出监来，
21 Ɔhene Farao san de ne nsahyɛfo panyin no sii ne sibea ma ɔhyɛɛ ɔhene Farao nsa.
使酒政官复原职，他仍旧递杯在法老手中；
22 Nanso ne brodotofo panyin no de, Farao ma wɔkɔsɛn no sɛnea Yosef kyerɛɛ ne dae no ase kyerɛɛ no no pɛpɛɛpɛ.
但把膳长挂起来，正如约瑟向他们所解的话。
23 Nsahyɛfo panyin no nso werɛ fii Yosef a wankae no koraa.
酒政却不记念约瑟，竟忘了他。
