2 Samuel 22
1 Bere a Awurade gyee Dawid fii nʼatamfo nyinaa ne Saulo nsam akyi no, ɔtoo saa dwom yi de yii Awurade ayɛ.
| וידבר דוד ליהוה את דברי השירה הזאת ביום הציל יהוה אתו מכף כל איביו ומכף שאול׃ |
2 Nsɛm a ɛwɔ dwom no mu ni: “Awurade yɛ me botan, mʼaban ne mʼagyenkwa;
| ויאמר יהוה סלעי ומצדתי ומפלטי לי׃ |
3 me Nyankopɔn yɛ me botan; ne mu na minya guankɔbea. Ɔyɛ me kyɛm, me nkwagye mu ahoɔden, mʼabandennen, mʼagyenkwa, nea ogye me fi basabasayɛ mu.
| אלהי צורי אחסה בו מגני וקרן ישעי משגבי ומנוסי משעי מחמס תשעני׃ |
4 “Misu frɛ Awurade; ɔno na ayeyi sɛ no, efisɛ ogye me fi mʼatamfo nsam.
| מהלל אקרא יהוה ומאיבי אושע׃ |
5 Owu asorɔkye twaa me ho hyiae; ɔsɛe yiri faa me so.
| כי אפפני משברי מות נחלי בליעל יבעתני׃ |
| חבלי שאול סבני קדמני מקשי מות׃ (Sheol h7585) |
7 “Na mʼamanehunu mu no, misu frɛɛ Awurade. Yiw, mefrɛɛ me Nyankopɔn pɛɛ mmoa. Ɔtee me nne fii ne kronkronbea. Me sufrɛ duu nʼasom.
| בצר לי אקרא יהוה ואל אלהי אקרא וישמע מהיכלו קולי ושועתי באזניו׃ |
8 Na asase wosowee na ehinhimii; ɔsoro fapem wosowee; wɔwosowee, nʼabufuw nti.
| ותגעש ותרעש הארץ מוסדות השמים ירגזו ויתגעשו כי חרה לו׃ |
9 Wusiw fii ne hwene mu; ogyaframa fii nʼanom; na nnyansramma dɛw fii mu.
| עלה עשן באפו ואש מפיו תאכל גחלים בערו ממנו׃ |
10 Ofii ɔsoro baa fam; na omununkum kabii duruu nʼanan ase.
| ויט שמים וירד וערפל תחת רגליו׃ |
11 Ɔte kerubim so tui; gyaagyaa ne ho wɔ mframa ntaban so.
| וירכב על כרוב ויעף וירא על כנפי רוח׃ |
12 Ɔde sum kataa ne ho hyiae, ɔde osu mununkum dii nʼanim kan.
| וישת חשך סביבתיו סכות חשרת מים עבי שחקים׃ |
13 Hann kɛse hyerɛn wɔ nʼanim, na anyinam pa fii mu.
| מנגה נגדו בערו גחלי אש׃ |
14 Awurade bobɔɔ mu fi ɔsoro; Ɔsorosoroni no teɛɛ mu dennen.
| ירעם מן שמים יהוה ועליון יתן קולו׃ |
15 Ɔtow nʼagyan maa nʼatamfo hwetee; anyinam twa ma wɔyɛɛ basaa.
| וישלח חצים ויפיצם ברק ויהמם׃ |
16 Awurade kasae, na wiase nnyinaso no nyinaa daa hɔ. Wotumi huu ɛpo ase, na asase fapem ho daa hɔ.
| ויראו אפקי ים יגלו מסדות תבל בגערת יהוה מנשמת רוח אפו׃ |
17 “Ofi ɔsoro baa fam besoo me mu; ɔtwee me fii asu a emu dɔ mu.
| ישלח ממרום יקחני ימשני ממים רבים׃ |
18 Ogyee me fii mʼatamfo a wɔyɛ den nsam, atamfo a wokyi me na wɔn ho yɛ den pa ara sen me.
| יצילני מאיבי עז משנאי כי אמצו ממני׃ |
19 Wɔbaa me so wɔ mʼamanehunu da, nanso Awurade pagyaw me.
| יקדמני ביום אידי ויהי יהוה משען לי׃ |
20 Ɔde me baa baabi a bammɔ wɔ; ogyee me, efisɛ nʼani kum me ho.
| ויצא למרחב אתי יחלצני כי חפץ בי׃ |
21 “Awurade atua me papayɛ so ka; me bem a midi no, wahyɛ me anan mu.
| יגמלני יהוה כצדקתי כבר ידי ישיב לי׃ |
22 Efisɛ manantew Awurade akwan so; mentwee me ho mfii me Nyankopɔn ho nkɔyɛɛ bɔne.
| כי שמרתי דרכי יהוה ולא רשעתי מאלהי׃ |
23 Ne mmara nyinaa gu mʼanim; mentwee me ho mfii ne nhyehyɛe ho.
| כי כל משפטו לנגדי וחקתיו לא אסור ממנה׃ |
24 Me ho nni asɛm wɔ Onyankopɔn anim; matwe me ho afi bɔne ho.
| ואהיה תמים לו ואשתמרה מעוני׃ |
25 Awurade tuaa me papayɛ so ka, efisɛ minni fɔ wɔ nʼanim.
| וישב יהוה לי כצדקתי כברי לנגד עיניו׃ |
26 “Woda wo ho adi sɛ ɔnokwafo kyerɛ wɔn a wodi nokware, wɔn a wodi mu nso wo kyerɛ wɔn sɛ wodi mu.
| עם חסיד תתחסד עם גבור תמים תתמם׃ |
27 Wuyi wo kronkronyɛ kyerɛ ɔkronkronni, nanso amumɔyɛfo de wukyi wɔn.
| עם נבר תתבר ועם עקש תתפל׃ |
28 Wugye ahobrɛasefo, nanso wʼani kɔ ahantanfo so sɛ wobɛbrɛ wɔn ase.
| ואת עם עני תושיע ועיניך על רמים תשפיל׃ |
29 Wo Awurade, woyɛ me kanea. Yiw, Awurade woma me sum dan hann.
| כי אתה נירי יהוה ויהוה יגיה חשכי׃ |
30 Wʼahoɔden mu, metumi aka asraafokuw agu; me Nyankopɔn nti, mitumi foro ɔfasu.
| כי בכה ארוץ גדוד באלהי אדלג שור׃ |
31 “Onyankopɔn de, nʼakwan yɛ pɛ; Awurade bɔhyɛ nyinaa ba mu. Ɔyɛ nkatabo ma wɔn a wɔhwehwɛ bammɔ wɔ ne mu.
| האל תמים דרכו אמרת יהוה צרופה מגן הוא לכל החסים בו׃ |
32 Hena ne Onyankopɔn, gye sɛ Awurade? Hena ne ɔbotantim no, gye sɛ yɛn Nyankopɔn?
| כי מי אל מבלעדי יהוה ומי צור מבלעדי אלהינו׃ |
33 Onyankopɔn ne mʼaban a ɛyɛ den; wagye me, na wama me kwan so ayɛ pɛ.
| האל מעוזי חיל ויתר תמים דרכו׃ |
34 Ɔma mʼanammɔn ho yɛ hare sɛ ɔforote de; Ɔma me gyina sorɔnsorɔmmea.
| משוה רגליו כאילות ועל במותי יעמדני׃ |
35 Osiesie me ma ɔko; na me basa tumi kuntun kɔbere mfrafrae tadua.
| מלמד ידי למלחמה ונחת קשת נחושה זרעתי׃ |
36 Woama me wo nkwagye kyɛm. Wo mmoa ama mayɛ ɔkɛse.
| ותתן לי מגן ישעך וענתך תרבני׃ |
37 Woabɔ kwan tɛtrɛɛ ama mʼanan sɛnea me nkotodwe rengurow.
| תרחיב צעדי תחתני ולא מעדו קרסלי׃ |
38 “Metaa mʼatamfo sɛee wɔn; mannyina kosii sɛ wodii nkogu.
| ארדפה איבי ואשמידם ולא אשוב עד כלותם׃ |
39 Meyam wɔn, mebɔɔ wɔn hwee fam, na wɔantumi ansɔre; wɔhwehwee ase wɔ mʼanan ase.
| ואכלם ואמחצם ולא יקומון ויפלו תחת רגלי׃ |
40 Wohyɛɛ me ahoɔden maa ɔko; woaka mʼatamfo ahyɛ mʼanan ase.
| ותזרני חיל למלחמה תכריע קמי תחתני׃ |
41 Womaa wɔdan wɔn ani guanee, na mesɛe wɔn a wɔtan me nyinaa.
| ואיבי תתה לי ערף משנאי ואצמיתם׃ |
42 Wosu pɛɛ mmoa, nanso obiara ammegye wɔn. Wosu frɛɛ Awurade, nanso wannye wɔn so.
| ישעו ואין משיע אל יהוה ולא ענם׃ |
43 Meyam wɔn ma wɔyɛɛ sɛ asase so mfutuma; mepraa wɔn guu suka mu sɛ wura.
| ואשחקם כעפר ארץ כטיט חוצות אדקם ארקעם׃ |
44 “Womaa me nkonimdi wɔ wɔn a wɔbɔ me kwaadu so. Woahwɛ sɛ mɛyɛ amanaman sodifo; na nnipa a minnim wɔn som me.
| ותפלטני מריבי עמי תשמרני לראש גוים עם לא ידעתי יעבדני׃ |
45 Ananafo brɛ wɔn ho ase ma me; wɔte me nka pɛ ara a, wɔde wɔn ho ma me.
| בני נכר יתכחשו לי לשמוע אזן ישמעו לי׃ |
46 Wɔn nyinaa bɔ huboa, na wɔde ahopopo fi wɔn nsraban mu ba.
| בני נכר יבלו ויחגרו ממסגרותם׃ |
47 “Awurade te ase! Ayeyi nka me botan, ma wɔmma Onyankopɔn, me nkwagye botan so.
| חי יהוה וברוך צורי וירם אלהי צור ישעי׃ |
48 Ɔno ne Onyankopɔn a ɔtɔ wɔn a wɔhaw me so were; ɔka amanaman no hyɛ mʼase
| האל הנתן נקמת לי ומוריד עמים תחתני׃ |
49 na ogye me fi mʼatamfo nsam. Wode me si baabi a mʼatamfo nnu, wugye me fi atutuwpɛfo a wotia me nsam.
| ומוציאי מאיבי ומקמי תרוממני מאיש חמסים תצילני׃ |
50 Awurade eyi nti, mɛkamfo wo wɔ amanaman mu, Ao Awurade. Mɛto ayeyi dwom ama wo din.
| על כן אודך יהוה בגוים ולשמך אזמר׃ |
51 “Wode nkonimdi akɛse ama wo hene; woda ɔdɔ a ɛnsa da adi kyerɛ nea woasra no ngo, wode kyerɛ Dawid, ne nʼasefo afebɔɔ.”
| מגדיל ישועות מלכו ועשה חסד למשיחו לדוד ולזרעו עד עולם׃ |
