Saame 91

1 Ko ia ʻoku nofo ʻi he potu lilo ʻi he fungani māʻolunga, ʻe nofomaʻu ia he malumalu ʻoe Māfimafi.

He who sitteth under the shelter of the Most High Maketh his abode in the shadow of the Almighty.

2 Te u pehē, “Ko Sihova, ko hoku hūfanga ia mo ʻeku kolo: ko hoku ʻOtua te u falala kiate ia.”

I say to the LORD, Thou art my refuge and my fortress; My God, in whom I trust.

3 Ko e moʻoni te ne fakamoʻui koe mei he hele ʻae tangata tauhele, pea mei he mahaki fakaʻauha.

Surely he will deliver thee from the snare of the fowler, And from the wasting pestilence;

4 Te ne ʻōʻōfaki koe ʻaki hono fulufulu, pea te ke falala ki hono lalo kapakau: ko ʻene moʻoni ko ho fakaū mo ho pā ia.

He will cover thee with his feathers, And under his wings shalt thou find refuge; His faithfulness shall be thy shield and buckler.

5 ‌ʻE ʻikai te ke manavahē koeʻuhi ko e meʻa fakailifia ʻi he pō; pe koeʻuhi ko e ngahau ʻoku puna atu ʻi he ʻaho;

Thou shalt not be afraid of the terror of the night, Nor of the arrow that flieth by day;

6 Pe koeʻuhi ko e mahaki lahi ʻoku ʻeveʻeva ʻi he poʻuli; pe koeʻuhi ko e fakaʻauha ʻoku fakaʻosiʻosi ʻi he hoʻatā.

Nor of the pestilence that walketh in darkness, Nor of the plague that destroyeth at noonday.

7 ‌ʻE tō ʻae toko afe ʻi ho tafaʻaki, pea ko e toko mano ʻi ho nima toʻomataʻu ka ʻe ʻikai hoko ia ʻo ofi kiate koe.

A thousand shall fall by thy side, And ten thousand at thy right hand; But thee it shall not touch.

8 Ka te ke vakai ʻo mamata ʻaki ho mata ki he totongi ʻoe angahala.

Thou shalt only behold with thine eyes, And see the recompense of the wicked.

9 Koeʻuhi kuo ke fili ʻa Sihova ʻaia ko hoku hūfanga, ʻio, ko e fungani māʻolunga ko ho nofoʻanga:

Because thou hast made the LORD thy refuge, And the Most High thy habitation,

10 ‌ʻE ʻikai tō ha kovi kiate koe, pea ʻe ʻikai hoko ha mamahi fakaʻauha ke ofi ki ho nofoʻanga.

No evil shall befall thee, Nor any plague come near thy dwelling.

11 He te ne fekau ʻene kau ʻāngelo kenau vakai koe, ke tauhi koe ʻi ho ngaahi hala kotoa pē.

For he will give his angels charge over thee, To guard thee in all thy ways.

12 Tenau hapai hake koe ʻi he nima, telia naʻa tūkia ho vaʻe ki ha maka.

They shall bear thee up in their hands, Lest thou dash thy foot against a stone.

13 Te ke molomoloki ʻae laione mo e ngata: ko e laione mui mo e talākoni te ke malaki hifo ia.

Thou shalt tread upon the lion and the adder; The young lion and the dragon shalt thou trample under foot.

14 “Koeʻuhi kuo ne tuku ʻene ʻofa kiate au, ko ia te u fakamoʻui ia: te u fokotuʻu ia ke māʻolunga, koeʻuhi kuo ne ʻiloʻi hoku huafa.

“Because he loveth me, I will deliver him; I will set him on high, because he knoweth my name.

15 Te ne ui kiate au, pea te u talia ia: te u ʻiate ia ʻi he mamahi; te u fakamoʻui ia, pea hakeakiʻi ia.

When he calleth upon me, I will answer him; I will be with him in trouble; I will deliver him, and bring him to honor.

16 Te u fakafiemālieʻi ʻaki ia ʻae moʻui fuoloa, pea fakahā kiate ia ʻeku fakamoʻui.”

With long life will I satisfy him, And show him my salvation.”