Saame 91

1 Ko ia ʻoku nofo ʻi he potu lilo ʻi he fungani māʻolunga, ʻe nofomaʻu ia he malumalu ʻoe Māfimafi.

He that dwelleth in the secret place of the most High shall abide under the shadow of the Almighty.

2 Te u pehē, “Ko Sihova, ko hoku hūfanga ia mo ʻeku kolo: ko hoku ʻOtua te u falala kiate ia.”

I will say of YHWH, He is my refuge and my fortress: my Elohim; in him will I trust.

3 Ko e moʻoni te ne fakamoʻui koe mei he hele ʻae tangata tauhele, pea mei he mahaki fakaʻauha.

Surely he shall deliver thee from the snare of the fowler, and from the noisome pestilence.

4 Te ne ʻōʻōfaki koe ʻaki hono fulufulu, pea te ke falala ki hono lalo kapakau: ko ʻene moʻoni ko ho fakaū mo ho pā ia.

He shall cover thee with his feathers, and under his wings shalt thou trust: his truth shall be thy shield and buckler.

5 ‌ʻE ʻikai te ke manavahē koeʻuhi ko e meʻa fakailifia ʻi he pō; pe koeʻuhi ko e ngahau ʻoku puna atu ʻi he ʻaho;

Thou shalt not be afraid for the terror by night; nor for the arrow that flieth by day;

6 Pe koeʻuhi ko e mahaki lahi ʻoku ʻeveʻeva ʻi he poʻuli; pe koeʻuhi ko e fakaʻauha ʻoku fakaʻosiʻosi ʻi he hoʻatā.

Nor for the pestilence that walketh in darkness; nor for the destruction that wasteth at noonday.

7 ‌ʻE tō ʻae toko afe ʻi ho tafaʻaki, pea ko e toko mano ʻi ho nima toʻomataʻu ka ʻe ʻikai hoko ia ʻo ofi kiate koe.

A thousand shall fall at thy side, and ten thousand at thy right hand; but it shall not come nigh thee.

8 Ka te ke vakai ʻo mamata ʻaki ho mata ki he totongi ʻoe angahala.

Only with thine eyes shalt thou behold and see the reward of the wicked.

9 Koeʻuhi kuo ke fili ʻa Sihova ʻaia ko hoku hūfanga, ʻio, ko e fungani māʻolunga ko ho nofoʻanga:

Because thou hast made YHWH, which is my refuge, even the most High, thy habitation;

10 ‌ʻE ʻikai tō ha kovi kiate koe, pea ʻe ʻikai hoko ha mamahi fakaʻauha ke ofi ki ho nofoʻanga.

There shall no evil befall thee, neither shall any plague come nigh thy dwelling.

11 He te ne fekau ʻene kau ʻāngelo kenau vakai koe, ke tauhi koe ʻi ho ngaahi hala kotoa pē.

For he shall give his angels charge over thee, to keep thee in all thy ways.

12 Tenau hapai hake koe ʻi he nima, telia naʻa tūkia ho vaʻe ki ha maka.

They shall bear thee up in their hands, lest thou dash thy foot against a stone.

13 Te ke molomoloki ʻae laione mo e ngata: ko e laione mui mo e talākoni te ke malaki hifo ia.

Thou shalt tread upon the lion and adder: the young lion and the dragon shalt thou trample under feet.

14 “Koeʻuhi kuo ne tuku ʻene ʻofa kiate au, ko ia te u fakamoʻui ia: te u fokotuʻu ia ke māʻolunga, koeʻuhi kuo ne ʻiloʻi hoku huafa.

Because he hath set his love upon me, therefore will I deliver him: I will set him on high, because he hath known my name.

15 Te ne ui kiate au, pea te u talia ia: te u ʻiate ia ʻi he mamahi; te u fakamoʻui ia, pea hakeakiʻi ia.

He shall call upon me, and I will answer him: I will be with him in trouble; I will deliver him, and honour him.

16 Te u fakafiemālieʻi ʻaki ia ʻae moʻui fuoloa, pea fakahā kiate ia ʻeku fakamoʻui.”

With long life will I satisfy him, and shew him my salvation.