Saame 41
1 Ki he Takimuʻa, ko e Saame ʻa Tevita. ʻOku monūʻia ia ʻaia ʻoku tokanga ki he masiva: ʻe fakamoʻui ia ʻe Sihova he ʻaho ʻoe kovi.
| למנצח מזמור לדוד אשרי משכיל אל דל ביום רעה ימלטהו יהוה׃ |
2 ʻE tauhi ia ʻe Sihova, mo pule ke moʻui ia; pea te ne monūʻia ʻi māmani: pea ʻe ʻikai te ke tukuange ia ki he loto ʻo hono ngaahi fili.
| יהוה ישמרהו ויחיהו יאשר בארץ ואל תתנהו בנפש איביו׃ |
3 ʻE fakamālohi ia ʻe Sihova ʻi he tokotoʻanga fakamamahi: te ke ngaohi hono mohenga kotoa pē ʻi hono mahaki.
| יהוה יסעדנו על ערש דוי כל משכבו הפכת בחליו׃ |
4 Naʻaku pehē, “ʻE Sihova, ke ke ʻaloʻofa mai kiate au: fakamoʻui hoku laumālie; he kuo u fai angahala kiate koe.”
| אני אמרתי יהוה חנני רפאה נפשי כי חטאתי לך׃ |
5 ʻOku lauʻikoviʻi au ʻe hoku ngaahi fili: ʻE mate ʻafē ia, pea ʻauha hono hingoa?
| אויבי יאמרו רע לי מתי ימות ואבד שמו׃ |
6 Pea kapau ʻe haʻu ia ke vakai au, ʻoku ne lea loi: ʻoku tānaki ʻe hono loto kiate ia ʻae kovi; ʻoku ʻalu ia kituaʻā, ʻo fakahā ia.
| ואם בא לראות שוא ידבר לבו יקבץ און לו יצא לחוץ ידבר׃ |
7 ʻOku fefanafanahi kiate au ʻakinautolu kotoa pē ʻoku fehiʻa kiate au: ʻoku nau fakakaukau kovi kiate au.
| יחד עלי יתלחשו כל שנאי עלי יחשבו רעה לי׃ |
8 ʻOku nau pehē, “ʻOku piki maʻu kiate ia ʻae mahaki kovi: pea ko ʻene tokoto ni ʻe ʻikai te ne toetuʻu hake mei ai.”
| דבר בליעל יצוק בו ואשר שכב לא יוסיף לקום׃ |
9 ʻIo, ko hoku kaumeʻa moʻoni, ʻaia naʻaku falala ki ai, ʻaia naʻa ne kai ʻi heʻeku mā, kuo hiki hake ʻe ia hono mui vaʻe kiate au.
| גם איש שלומי אשר בטחתי בו אוכל לחמי הגדיל עלי עקב׃ |
10 Ka ko koe, ʻE Sihova, ke ke ʻaloʻofa kiate au, mo fokotuʻu hake au, pea te u totongi kiate kinautolu.
| ואתה יהוה חנני והקימני ואשלמה להם׃ |
11 ʻOku ou ʻilo ʻi he meʻa ni ʻoku ke finangalo lelei kiate au, koeʻuhi ʻoku ʻikai kalanga ʻi he fiefia ʻa hoku fili kiate au.
| בזאת ידעתי כי חפצת בי כי לא יריע איבי עלי׃ |
12 Pea ko au, ʻoku ke poupou hake au ʻi heʻeku angatonu, pea te ke fokotuʻu au ʻi ho ʻao ʻo taʻengata.
| ואני בתמי תמכת בי ותציבני לפניך לעולם׃ |
13 Fakafetaʻi kia Sihova ko e ʻOtua ʻo ʻIsileli, talu mei muʻa, ʻo taʻengata. ʻEmeni mo ʻEmeni.
| ברוך יהוה אלהי ישראל מהעולם ועד העולם אמן ואמן׃ |
