Saame 25
1 Ko e Saame ʻa Tevita. ʻE Sihova, ʻoku ou hiki hake hoku laumālie kiate koe.
| לדוד אליך יהוה נפשי אשא׃ |
2 ʻE hoku ʻOtua, ʻoku ou falala kiate koe: ʻoua naʻa ke tuku au ke u mā, pea ʻoua naʻa fiefia hoku ngaahi fili ʻiate au.
| אלהי בך בטחתי אל אבושה אל יעלצו איבי לי׃ |
3 ʻIo, ke ʻoua naʻa mā ha tokotaha ʻoku tatali kiate koe: tuku ke mā ʻakinautolu ʻoku fai angahala ko e pauʻu pē.
| גם כל קויך לא יבשו יבשו הבוגדים ריקם׃ |
4 Fakahā kiate au, ʻE Sihova, ho ngaahi hala; ako kiate au ho ngaahi hāʻeleʻanga.
| דרכיך יהוה הודיעני ארחותיך למדני׃ |
5 Tataki au ʻi hoʻo moʻoni, mo akonakiʻi au: he ko koe ko e ʻOtua ʻo ʻeku moʻui, ʻoku ou tatali kiate koe ʻi he ʻaho kotoa.
| הדריכני באמתך ולמדני כי אתה אלהי ישעי אותך קויתי כל היום׃ |
6 ʻE Sihova, ke ke manatu ki hoʻo ngaahi ʻaloʻofa mo hoʻo ʻofa mataʻatā pe; he ʻoku talu mei muʻa ia.
| זכר רחמיך יהוה וחסדיך כי מעולם המה׃ |
7 ʻOua naʻa ke manatuʻi ʻae ngaahi angahala ʻi heʻeku kei siʻi, mo ʻeku ngaahi talangataʻa: ka ke manatu kiate au, ʻE Sihova, ʻo fakatatau ki hoʻo ʻaloʻofa koeʻuhi ko hoʻo angalelei.
| חטאות נעורי ופשעי אל תזכר כחסדך זכר לי אתה למען טובך יהוה׃ |
8 ʻOku angalelei mo angatonu ʻa Sihova, ko ia te ne akonakiʻi ai ʻae kau angahala ʻi he hala.
| טוב וישר יהוה על כן יורה חטאים בדרך׃ |
9 Te ne tataki ʻae angamalū ʻi he fakamaau: te ne ako hono hala ki he angavaivai.
| ידרך ענוים במשפט וילמד ענוים דרכו׃ |
10 Ko e ngaahi hala kotoa pē ʻo Sihova ko e ʻaloʻofa mo e moʻoni kiate kinautolu ʻoku tauhi ʻene fuakava mo ʻene ngaahi fakamoʻoni.
| כל ארחות יהוה חסד ואמת לנצרי בריתו ועדתיו׃ |
11 ʻE Sihova, ko e meʻa ʻi ho huafa, ke ke fakamolemole ʻeku hia; he ʻoku lahi ia.
| למען שמך יהוה וסלחת לעוני כי רב הוא׃ |
12 Ko hai ʻae tangata ʻoku manavahē kia Sihova? Te ne akonakiʻi ia ʻi he hala te ne fili.
| מי זה האיש ירא יהוה יורנו בדרך יבחר׃ |
13 ʻE nofomaʻu hono laumālie ʻi he lelei; pea ʻe maʻu ʻe hono hako ʻae fonua.
| נפשו בטוב תלין וזרעו יירש ארץ׃ |
14 Ko e finangalo fufū ʻo Sihova ʻoku ʻiate kinautolu ʻoku manavahē kiate ia; pea te ne fakahā kiate kinautolu ʻene fuakava.
| סוד יהוה ליראיו ובריתו להודיעם׃ |
15 ʻOku hanga atu maʻuaipē hoku mata kia Sihova, he ko ia te ne toʻo hoku vaʻe mei he kupenga.
| עיני תמיד אל יהוה כי הוא יוציא מרשת רגלי׃ |
16 Ke ke fofonga mai kiate au, mo ke ʻaloʻofa kiate au; he ʻoku ou paea mo mamahi.
| פנה אלי וחנני כי יחיד ועני אני׃ |
17 Kuo tupu ʻo lahi ʻae ngaahi mamahi ʻo hoku loto; ke ke ʻomi au mei heʻeku ngaahi mamahi.
| צרות לבבי הרחיבו ממצוקותי הוציאני׃ |
18 Ke ke ʻafio ki hoku mahaki mo ʻeku mamahi; pea fakamolemole ʻeku angahala kotoa pē.
| ראה עניי ועמלי ושא לכל חטאותי׃ |
19 ʻAfio ki hoku ngaahi fili; he ʻoku nau tokolahi; pea ʻoku nau fehiʻa kiate au ʻi he fehiʻa lahi.
| ראה אויבי כי רבו ושנאת חמס שנאוני׃ |
20 Ke ke tauhi hoku laumālie, mo fakamoʻui au: ʻoua naʻa ke tuku au ke u mā; he ʻoku ou falala kiate koe.
| שמרה נפשי והצילני אל אבוש כי חסיתי בך׃ |
21 Ke fakamoʻui au ʻe he haohaoa mo e angatonu; he ʻoku ou tatali kiate koe.
| תם וישר יצרוני כי קויתיך׃ |
22 ʻE ʻOtua, ke ke huhuʻi ʻa ʻIsileli mei heʻene ngaahi mamahi kotoa pē.
| פדה אלהים את ישראל מכל צרותיו׃ |
