Saame 124

1 Ko e Hiva ʻa Tevita maʻae ʻalu hake. Kapau naʻe ʻikai kau ʻa Sihova mo kitautolu, ʻoku totonu ke lea ni ʻa ʻIsileli;

A Song of degrees. Of David. If it had not been Jehovah who was for us — oh let Israel say —

2 “Kapau naʻe ʻikai kau ʻa Sihova mo kitautolu, ʻi he tuʻu hake ʻae kakai kiate kitautolu:

If it had not been Jehovah who was for us, when men rose up against us,

3 Pehē, kuo nau folo hifo leva ʻakitautolu, ʻi he tupu ʻenau ʻita kiate kitautolu;

Then they had swallowed us up alive, when their anger was kindled against us;

4 Pehē, kuo lōfia ʻakitautolu ʻe he ngaahi vai, kuo tafe ʻae vaitafe ʻi he funga ʻo hotau laumālie:

Then the waters had overwhelmed us, a torrent had gone over our soul;

5 Pea ʻalu ʻae ngaahi vai ʻoe laukau ʻi he funga ʻo hotau laumālie.”

Then the proud waters had gone over our soul.

6 Fakafetaʻi kia Sihova, ʻaia naʻe ʻikai te ne tukuange ʻakitautolu ko e meʻakai ki honau nifo.

Blessed be Jehovah, who gave us not up a prey to their teeth!

7 Kuo hao hotau laumālie ʻo hangē ko e manupuna mei he hele ʻae tangata tauhele: kuo maumauʻi ʻae tauhele, pea kuo tau hao ai.

Our soul is escaped as a bird out of the snare of the fowlers: the snare is broken, and we have escaped.

8 Ko hotau tokoni ʻoku ʻi he huafa ʻo Sihova, ʻaia naʻa ne ngaohi ʻae langi mo māmani.

Our help is in the name of Jehovah, the maker of heavens and earth.