Saame 118

1 Mou ʻatu ʻae fakafetaʻi kia Sihova he ʻoku angalelei ia: koeʻuhi ʻoku tolonga ʻo taʻengata ʻa ʻene ʻaloʻofa.

Give thanks to the LORD, for he is good, for his loving kindness endures forever.

2 Ke lea ni ʻe ʻIsileli, “ʻOku tolonga ʻo taʻengata ʻa ʻene ʻaloʻofa.”

Let Israel now say that his loving kindness endures forever.

3 Ke lea ni ʻae fale ʻo ʻElone, “ʻOku tolonga ʻo taʻengata ʻa ʻene ʻaloʻofa.”

Let the house of Aaron now say that his loving kindness endures forever.

4 Tuku ke lea ni ʻakinautolu ʻoku nau manavahē kia Sihova, ʻoku tolonga ʻo taʻengata ʻa ʻene ʻaloʻofa.

Now let those who fear the LORD say that his loving kindness endures forever.

5 Naʻaku ui kia Sihova ʻi he mamahi: pea naʻe talia au ʻe Sihova, mo ne tuku au ki he potu ʻataʻatā.

Out of my distress, I called on the LORD. The LORD answered me with freedom.

6 ‌ʻOku kau maʻaku ʻa Sihova; ʻe ʻikai te u manavahē ko e hā ʻe faʻa fai ʻe he tangata kiate au.

The LORD is my helper; I will not fear. What can humans do to me?

7 ‌ʻOku fai maʻaku ʻa Sihova mo kinautolu ʻoku nau tokoni au: ko ia te u mamata ai kiate kinautolu ʻoku nau fehiʻa kiate au.

The LORD is my helper; and I will look in triumph on those who hate me.

8 ‌ʻOku lelei lahi ʻae falala kia Sihova ʻi he falala ki he tangata.

It is better to take refuge in the LORD, than to put confidence in man.

9 ‌ʻOku lelei lahi ʻae falala kia Sihova ʻi he falala ki he ngaahi ʻeiki.

It is better to take refuge in the LORD, than to put confidence in princes.

10 Naʻe kāpui au ʻe he ngaahi puleʻanga kotoa pē: ka ʻi he huafa ʻo Sihova te u fakaʻauha ʻakinautolu.

All the nations surrounded me, but in the name of the LORD, I cut them off.

11 Naʻa nau takatakai au; ʻio, naʻa nau kāpui au: ka ʻi he huafa ʻo Sihova te u fakaʻauha ʻakinautolu.

They surrounded me, yes, they surrounded me. In the name of the LORD I indeed cut them off.

12 Naʻa nau kāpui au ʻo hangē ko e fanga pi; kuo tāmateʻi ʻakinautolu ʻo hangē ko e afi ʻi he ʻakau talatala: he te u fakaʻauha ʻakinautolu ʻi he huafa ʻo Sihova.

They surrounded me like bees. They blazed like a fire among thorns. In the name of the LORD I cut them off.

13 Kuo ke tekeʻi mālohi au koeʻuhi ke u hinga ai: ka naʻe tokoni au ʻe Sihova

I was pushed hard, to make me fall, but the LORD helped me.

14 Ko hoku mālohi ʻa Sihova mo ʻeku hiva, pea kuo hoko ia ko hoku fakamoʻui.

The LORD is my strength and my song, and he has become my salvation.

15 Ko e lea ʻoe fiefia mo e fakamoʻui ʻoku ʻi he ngaahi fale fehikitaki ʻoe angatonu: ʻoku fai mālohi ʻae nima toʻomataʻu ʻo Sihova.

The voice of rejoicing and salvation is in the tents of the righteous. "The right hand of the LORD does valiantly.

16 Kuo hiki hake ʻae nima toʻomataʻu ʻo Sihova: ʻoku fai mālohi ʻae nima toʻomataʻu ʻo Sihova.

The right hand of the LORD is exalted. The right hand of the LORD does valiantly."

17 ‌ʻE ʻikai te u mate, kae moʻui, ʻo fakahā ʻae ngaahi ngāue ʻa Sihova.

I will not die, but live, and declare the works of the LORD.

18 Kuo tautea fakamamahiʻi au ʻe Sihova: ka ʻoku teʻeki ai te ne tukuange au ki he mate.

The LORD has punished me severely, but he has not given me over to death.

19 Toʻo kiate au ʻae ngaahi matapā ʻoe māʻoniʻoni: te u hū ai, pea u fakamālō kia Sihova:

Open to me the gates of righteousness. I will enter into them and praise the LORD.

20 Ko e matapā eni ʻo Sihova, ʻaia ʻe hū ai ʻae angatonu.

This is the gate of the LORD; the righteous will enter into it.

21 Te u fakamālō kiate koe: he kuo ke ongoʻi au, pea kuo ke hoko ko hoku fakamoʻui.

I will give thanks to you, for you have answered me, and have become my salvation.

22 Ko e maka naʻe liʻaki ʻe he kau tufunga kuo hoko ia ko e fungani maka ʻoe tuliki.

The stone which the builders rejected has become the cornerstone.

23 Ko e ngāue eni ʻa Sihova; pea ko e meʻa fakaofo ʻi hotau ʻao.

This is the LORD's doing. It is marvelous in our eyes.

24 Ko e ʻaho eni kuo ngaohi ʻe Sihova; te tau fiefia pea nekeneka ai.

This is the day that the LORD has made. We will rejoice and be glad in it.

25 ‌ʻE Sihova, ʻoku ou kole kiate koe, ke ke fakamoʻui ni: ʻE Sihova, ʻoku ou kole kiate koe, ke ke tuku mai ni ʻae monūʻia.

Save us now, we beg you, LORD. LORD, we beg you, send prosperity now.

26 Ke monūʻia ia ʻoku haʻu ʻi he huafa ʻo Sihova: kuo mau tāpuekina ʻakimoutolu mei he fale ʻo Sihova.

Blessed is he who comes in the name of the LORD. We have blessed you out of the house of the LORD.

27 Ko e ʻOtua ko Sihova ia, ʻaia kuo ne fakahā ʻae maama kiate kitautolu: mou nonoʻo ʻae feilaulau ʻaki ʻae ngaahi afo ki he ngaahi nifo, ʻoe feilaulauʻanga.

The LORD is God, and he has given us light. Bind the sacrifice with cords, even to the horns of the altar.

28 Ko koe ko hoku ʻOtua, pea te u fakamālō kiate koe: ko koe ko hoku ʻOtua, te u fakahikihikiʻi koe.

You are my God, and I will give thanks to you. You are my God, I will exalt you.

29 Mou ʻatu ʻae fakafetaʻi kia Sihova he ʻoku angalelei ia: koeʻuhi ʻoku tolonga ʻo taʻengata ʻa ʻene ʻaloʻofa.

Oh give thanks to the LORD, for he is good, for his loving kindness endures forever.