Lea Fakatātā 3
1 ʻE hoku foha, ʻoua naʻa fakangaloʻi ʻa ʻeku fono; ka ke tauhi ʻe ho loto ʻa ʻeku ngaahi fekau:
| בני תורתי אל תשכח ומצותי יצר לבך׃ |
2 He koeʻuhi ʻe fakalahi ʻaki ia kiate koe ʻae ngaahi ʻaho lōloa, mo e moʻui fuoloa, pea mo e melino.
| כי ארך ימים ושנות חיים ושלום יוסיפו לך׃ |
3 Ke ʻoua naʻa mahuʻi ʻiate koe ʻae manavaʻofa mo e moʻoni: nonoʻo ia ki ho kia; tohi ia ki he kakano ʻo ho loto:
| חסד ואמת אל יעזבך קשרם על גרגרותיך כתבם על לוח לבך׃ |
4 Ko ia te ke ʻilo ai ʻae lelei, pea ʻe tāpuekina koe ʻi he ʻao ʻoe ʻOtua mo e tangata.
| ומצא חן ושכל טוב בעיני אלהים ואדם׃ |
5 Falala kia Sihova ʻaki ho loto kotoa; pea ʻoua naʻa ke faʻaki ki ho poto ʻoʻou.
| בטח אל יהוה בכל לבך ואל בינתך אל תשען׃ |
6 Ke ke fakaongoongo kiate ia ʻi ho hala kotoa pē, pea ʻe fakatonutonu ʻe ia ho ngaahi ʻaluʻanga.
| בכל דרכיך דעהו והוא יישר ארחתיך׃ |
7 ʻOua naʻa ke pehē ʻi ho mata ʻoʻou, ʻoku ke poto: ka ke manavahē kia Sihova, pea tafoki mei he kovi.
| אל תהי חכם בעיניך ירא את יהוה וסור מרע׃ |
8 ʻE hoko ia ko e moʻui ki ho pito, mo e uho ki ho ngaahi hui.
| רפאות תהי לשרך ושקוי לעצמותיך׃ |
9 Fakaʻapaʻapa kia Sihova ʻaki hoʻo koloa, pea mo e ʻuluaki fua ʻo hoʻo meʻa kotoa pē kuo tupu:
| כבד את יהוה מהונך ומראשית כל תבואתך׃ |
10 Ko ia ʻe fonu ai ho ngaahi feleoko ʻi he mahu, pea ʻe hā ʻae uaine foʻou mei hoʻo ngaahi tataʻoʻanga.
| וימלאו אסמיך שבע ותירוש יקביך יפרצו׃ |
11 ʻE hoku foha, ʻoua naʻa ke manukiʻi ʻae tautea meia Sihova; pea ʻoua naʻa ke fiu ʻi heʻene valoki:
| מוסר יהוה בני אל תמאס ואל תקץ בתוכחתו׃ |
12 He ko ia ʻoku ʻofa ki ai ʻa Sihova ʻoku ne tautea; ʻo hangē pe ko e tamai ki he foha ʻoku ne fiemālie ai.
| כי את אשר יאהב יהוה יוכיח וכאב את בן ירצה׃ |
13 ʻOku monūʻia ʻae tangata ko ia ʻoku ne maʻu ʻae poto, mo e tangata ʻoku ne lavaʻi ʻae ʻilo.
| אשרי אדם מצא חכמה ואדם יפיק תבונה׃ |
14 He ʻoku maʻongoʻonga hake ia ʻi he fakatau ʻoe siliva, mo hono mahuʻinga ʻi he koula lelei.
| כי טוב סחרה מסחר כסף ומחרוץ תבואתה׃ |
15 ʻOku mahuʻinga hake ia ʻi he ngaahi maka koloa: pea ʻoku ʻikai tatau mo ia ʻae ngaahi meʻa kotoa pē ʻoku ke faʻa holi ki ai.
| יקרה היא מפניים וכל חפציך לא ישוו בה׃ |
16 ʻOku ʻi hono nima toʻomataʻu ʻae ngaahi ʻaho lōloa; pea ʻoku ʻi hono nima toʻohema ʻae koloa mo e ongoongolelei.
| ארך ימים בימינה בשמאולה עשר וכבוד׃ |
17 Ko hono ngaahi hala ko e hala ʻoe fiemālie, pea ʻoku melino ʻa hono ngaahi ʻaluʻanga kotoa pē.
| דרכיה דרכי נעם וכל נתיבותיה שלום׃ |
18 Ko e ʻakau ia ʻoe moʻui kiate kinautolu ʻoku puke kiate ia: pea ʻoku monūʻia ʻakinautolu kotoa pē ʻoku kuku ia ke maʻu.
| עץ חיים היא למחזיקים בה ותמכיה מאשר׃ |
19 Kuo fokotuʻu ʻe Sihova ʻae tuʻunga ʻo māmani ʻi he poto; pea ʻi he ʻilo kuo ne teuteu ai ʻae ngaahi langi.
| יהוה בחכמה יסד ארץ כונן שמים בתבונה׃ |
20 Ko e meʻa ʻi heʻene faʻa ʻilo ʻoku mapunopuna hake ai ʻae ngaahi loloto, pea ʻoku toʻi ʻae hahau mei he ngaahi ʻao.
| בדעתו תהומות נבקעו ושחקים ירעפו טל׃ |
21 E hoku foha, ʻoua naʻa ke tuku ke mole atu ia mei ho ʻao: tauhi ke maʻu ʻae poto moʻoni mo e ʻiloʻilo.
| בני אל ילזו מעיניך נצר תשיה ומזמה׃ |
22 Pea ʻe hoko ai ia ko e moʻui ki ho laumālie, mo e teunga lelei ki ho kia.
| ויהיו חיים לנפשך וחן לגרגרתיך׃ |
23 Pea te ke toki ʻalu lelei ʻi ho hala, pea ʻe ʻikai tūkia ho vaʻe.
| אז תלך לבטח דרכך ורגלך לא תגוף׃ |
24 ʻOka ke ka tokoto ki lalo, ʻe ʻikai te ke manavahē: ʻio, te ke tokoto hifo, pea ʻe melie hoʻo mohe kiate koe.
| אם תשכב לא תפחד ושכבת וערבה שנתך׃ |
25 ʻOua naʻa ke manavahē ki ha meʻa fakailifia ʻoku fakafokifā mai; pe ki he fakaʻauha ʻoe angahala, ʻoka hoko mai ia.
| אל תירא מפחד פתאם ומשאת רשעים כי תבא׃ |
26 He ko ho falalaʻanga ʻa Sihova, pea ʻe fakahaofi ʻe ia ho vaʻe ke ʻoua naʻa ʻefihia.
| כי יהוה יהיה בכסלך ושמר רגלך מלכד׃ |
27 ʻOua naʻa taʻofi ʻae lelei meiate kinautolu ʻoku totonu ke ʻatu ia ki ai, ʻo kapau ʻoku ʻi ho nima hono mafai.
| אל תמנע טוב מבעליו בהיות לאל ידיך לעשות׃ |
28 ʻOua naʻa ke pehē ki ho kaungāʻapi, “ʻAlu, pea ke toe haʻu, pea te u foaki ia kiate koe ʻapongipongi;” kae ʻosi ʻoku ke maʻu pe ʻae meʻa ʻiate koe.
| אל תאמר לרעיך לך ושוב ומחר אתן ויש אתך׃ |
29 ʻOua naʻa ke filioʻi kovi ki ho kaungāʻapi, he ʻoku ne nofo falala pe kiate koe.
| אל תחרש על רעך רעה והוא יושב לבטח אתך׃ |
30 ʻOua naʻa fekuki mo ha taha taʻehanoʻuhinga, ʻo kapau kuo ʻikai ke fai ʻe ia ha kovi kiate koe.
| אל תרוב עם אדם חנם אם לא גמלך רעה׃ |
31 ʻOua naʻa ke meheka ki he tangata fakamālohi, pea ʻoua naʻa ke fili ki hono ngaahi hala ʻoʻona.
| אל תקנא באיש חמס ואל תבחר בכל דרכיו׃ |
32 He ko e angahala ʻoku fakalielia ia kia Sihova: ka ʻoku ʻi he māʻoniʻoni ʻa hono finangalo fufū.
| כי תועבת יהוה נלוז ואת ישרים סודו׃ |
33 ʻOku ʻi he fale ʻoe angahala ʻae fakamalaʻia meia Sihova: ka ʻoku ne tāpuakiʻi ʻae nofoʻanga ʻoe angatonu.
| מארת יהוה בבית רשע ונוה צדיקים יברך׃ |
34 Ko e moʻoni ʻoku ne manukiʻi ʻae kau manuki: ka ʻoku foaki ʻe ia ʻae lelei ki he angavaivai.
| אם ללצים הוא יליץ ולעניים יתן חן׃ |
35 ʻE maʻu ʻe he poto ʻae ongoongolelei: ka ko e hakeakiʻi ʻoe vale ko e meʻa fakamā.
| כבוד חכמים ינחלו וכסילים מרים קלון׃ |
