Lea Fakatātā 2

1 ‌ʻE hoku foha, kapau te ke maʻu ʻa ʻeku ngaahi lea, mo fakafufū ʻiate koe ʻa ʻeku ngaahi fekau;

My son, if thou wilt receive my words, and hide my commandments with thee;

2 Koeʻuhi ke fakatokangaʻi ho telinga ki he poto, pea ke tokanga ai ho loto ki he faʻa fakakaukau;

So that thou incline thy ear to wisdom, [and] apply thy heart to understanding;

3 ‌ʻIo, kapau te ke tangi ki he ʻilo, pea ke hiki hake ho leʻo ke maʻu ʻae fakakaukau:

Yes, if thou criest after knowledge, [and] liftest up thy voice for understanding;

4 Kapau te ke kumi ki ai ʻo hangē ko e siliva, pea hakule ki ai ʻo hangē ko e koloa kuo fufū;

If thou seekest her as silver, and searchest for her as [for] hid treasures;

5 Te ke toki ʻilo ai ʻae manavahē kia Sihova, pea maʻu ʻae ʻiloʻi ʻoe ʻOtua.

Then shalt thou understand the fear of the LORD, and find the knowledge of God.

6 He ʻoku foaki ʻe Sihova ʻae poto: ʻoku haʻu mei hono fofonga ʻae ʻilo mo e fakakaukau.

For the LORD giveth wisdom: out of his mouth [cometh] knowledge and understanding.

7 ‌ʻOku tokonaki ʻe ia ʻae poto ʻaonga maʻa e kakai māʻoniʻoni: ko e fakaū ia kiate kinautolu ʻoku ʻaʻeva ʻi he angatonu.

He layeth up sound wisdom for the righteous: [he is] a buckler to them that walk uprightly.

8 ‌ʻOku ne tauhi ʻae hala ʻoe fakamaau; pea ʻoku ne maluʻi ʻae hala ʻo ʻene kakai māʻoniʻoni.

He keepeth the paths of judgment, and preserveth the way of his saints.

9 Pea te ke toki ʻilo ai ʻae māʻoniʻoni, mo e fakamaau, mo e fai totonu; ʻio, ʻae hala lelei kotoa pē.

Then shalt thou understand righteousness, and judgment, and equity; [and] every good path.

10 ‌ʻOka hū ʻae poto ki ho loto, pea mālie ʻae ʻilo ki ho laumālie;

When wisdom entereth into thy heart, and knowledge is pleasant to thy soul;

11 ‌ʻE fakamoʻui koe ʻe he faʻa fakakaukau, pea ʻe tauhi koe ʻe he poto:

Discretion shall preserve thee, understanding shall keep thee:

12 Ke fakamoʻui koe mei he hala ʻoe tangata kovi, mei he tangata ʻoku lea ʻaki ʻae ngaahi meʻa kovi;

To deliver thee from the way of the evil [man], from the man that speaketh froward things;

13 ‌ʻAia ʻoku liʻaki ʻae hala ʻoe māʻoniʻoni, kae ʻalu ʻi he ngaahi hala ʻoe fakapoʻuli;

Who leave the paths of uprightness, to walk in the ways of darkness;

14 ‌ʻAia ʻoku fiefia ke fai kovi, pea ʻoku fiemālie ʻi he talangataʻa ʻae angahala;

Who rejoice to do evil, [and] delight in the frowardness of the wicked;

15 Pea ʻoku pikopiko hono ngaahi hala, pea kovi ʻa hono ngaahi ʻaluʻanga:

Whose ways [are] crooked, and [they] froward in their paths:

16 Ke fakamoʻui koe mei he fefine muli, ʻio, mei he muli ʻoku lea fakaoloolo;

To deliver thee from the strange woman, [even] from the stranger [who] flattereth with her words;

17 ‌ʻAia kuo ne liʻaki ʻae fakahinohino ʻi heʻene kei siʻi, pea kuo ne fakangalongaloʻi ʻae fuakava ʻa hono ʻOtua.

Who forsaketh the guide of her youth, and forgetteth the covenant of her God.

18 He ʻoku tahifohifo hono fale ki he mate, pea mo hono ʻalunga ki he kakai mate.

For her house inclineth to death, and her paths to the dead.

19 ‌ʻOku ʻikai toe foki mai ha taha ʻoku ʻalu atu kiate ia, pea ʻoku ʻikai ke puke ʻekinautolu ki he ngaahi hala ʻoe moʻui.

None that go to her return again, neither do they take hold of the paths of life.

20 Koeʻuhi ke ke ʻeveʻeva koe ʻi he hala ʻae kakai angalelei, pea ke maʻu ʻae ngaahi ʻaluʻanga ʻoe māʻoniʻoni.

That thou mayest walk in the way of good [men], and keep the paths of the righteous.

21 Koeʻuhi ʻe nofo ʻae angatonu ʻi he fonua, pea ʻe nofomaʻu ʻi ai ʻae haohaoa.

For the upright shall dwell in the land, and the perfect shall remain in it.

22 Ka ʻe motuhi atu ʻae angahala mei he māmani, pea ʻe taʻaki fuʻu hake mei ai ʻae fai kovi.

But the wicked shall be cut off from the earth, and the transgressors shall be rooted out of it.