యోబు~ గ్రంథము 34

1 ౧ అప్పుడు ఎలీహు మళ్ళీ ఇలా చెప్పసాగాడు.

ויען אליהוא ויאמר׃

2 ౨ జ్ఞానులారా, నా మాటలు వినండి. అనుభవశాలులారా, వినండి.

שמעו חכמים מלי וידעים האזינו לי׃

3 ౩ అంగిలి ఆహారాన్ని రుచి చూసినట్టు చెవి మాటలను పరీక్షిస్తుంది.

כי אזן מלין תבחן וחך יטעם לאכל׃

4 ౪ న్యాయమైనదేదో విచారించి చూద్దాం రండి. మేలైనదేదో మనంతట మనం విచారించి తెలుసుకుందాము రండి.

משפט נבחרה לנו נדעה בינינו מה טוב׃

5 ౫ “నేను నీతిమంతుణ్ణి, దేవుడు నాకు అన్యాయం చేసాడు.

כי אמר איוב צדקתי ואל הסיר משפטי׃

6 ౬ నేను న్యాయవంతుడినైనా అబద్ధికునిగా చూస్తున్నారు. నేను తిరుగుబాటు చేయకపోయినా నాకు మానని గాయం కలిగింది” అని యోబు అంటున్నాడు.

על משפטי אכזב אנוש חצי בלי פשע׃

7 ౭ యోబులాంటి మానవుడెవరు? అతడు మంచి నీళ్లవలె తిరస్కారాన్ని పానం చేస్తున్నాడు.

מי גבר כאיוב ישתה לעג כמים׃

8 ౮ అతడు చెడుతనం చేసే వారికి మిత్రుడయ్యాడు. భక్తిహీనుల చెలికాడు అయ్యాడు.

וארח לחברה עם פעלי און וללכת עם אנשי רשע׃

9 ౯ మనుషులు దేవునితో సహవాసం చేయడం వారికేమాత్రం ప్రయోజనకరం కాదని అతడు చెప్పుకుంటున్నాడు.

כי אמר לא יסכן גבר ברצתו עם אלהים׃

10 ౧౦ విజ్ఞానం గల మనుషులారా, నా మాట ఆలకించండి దేవుడు అన్యాయం చేయడం అసంభవం. సర్వశక్తుడు దుష్కార్యం చేయడం అసంభవం.

לכן אנשי לבב שמעו לי חללה לאל מרשע ושדי מעול׃

11 ౧౧ మనుషుల క్రియలకు తగినట్టుగా ఆయన వారికి ప్రతిఫలం ఇస్తాడు అందరికీ ఎవరి మార్గాలను బట్టి వారికి ఫలమిస్తాడు.

כי פעל אדם ישלם לו וכארח איש ימצאנו׃

12 ౧౨ దేవుడు ఏ మాత్రం దుష్కార్యం చేయడు. సర్వశక్తుడు న్యాయం తప్పడు.

אף אמנם אל לא ירשיע ושדי לא יעות משפט׃

13 ౧౩ ఎవడైనా భూమిని ఆయనకు అప్పగింత పెట్టాడా? ఎవడైనా సర్వప్రపంచ భారాన్ని ఆయనకు అప్పగించాడా?

מי פקד עליו ארצה ומי שם תבל כלה׃

14 ౧౪ ఆయన తన మనస్సు తన దగ్గరే ఉంచుకున్నట్టయితే, తన ఆత్మను, ఊపిరినీ తన దగ్గరికి తిరిగి తీసుకుంటే,

אם ישים אליו לבו רוחו ונשמתו אליו יאסף׃

15 ౧౫ శరీరులంతా ఒక్కపెట్టున నశిస్తారు. మనుషులు మళ్ళీ ధూళిగా మారిపోతారు.

יגוע כל בשר יחד ואדם על עפר ישוב׃

16 ౧౬ కాబట్టి దీన్ని విని వివేచించు, నా మాటలు ఆలకించు.

ואם בינה שמעה זאת האזינה לקול מלי׃

17 ౧౭ న్యాయాన్ని ద్వేషించేవాడు లోకాన్ని ఏలుతాడా? న్యాయసంపన్నునిపై నేరం మోపుతావా?

האף שונא משפט יחבוש ואם צדיק כביר תרשיע׃

18 ౧౮ నువ్వు పనికిమాలిన వాడివని రాజుతోనైనా, మీరు దుష్టులని ప్రధానులతోనైనా అనవచ్చా?

האמר למלך בליעל רשע אל נדיבים׃

19 ౧౯ రాజుల పట్ల పక్షపాతం చూపని వాడితో పేదలకన్నా ధనికులను ఎక్కువగా చూడని వాడితో అలా పలకవచ్చా? వారందరూ ఆయన నిర్మించినవారు కారా?

אשר לא נשא פני שרים ולא נכר שוע לפני דל כי מעשה ידיו כלם׃

20 ౨౦ వారు నిమిషంలో చనిపోతారు. అర్థరాత్రి వేళ ప్రజలు కల్లోలం పాలై నాశనమౌతారు. బలవంతులను తీసుకు పోవడం జరుగుతుంది, అయితే అది మానవ హస్తాల వలన కాదు.

רגע ימתו וחצות לילה יגעשו עם ויעברו ויסירו אביר לא ביד׃

21 ౨౧ ఆయన దృష్టి మనుషుల మార్గాల మీద ఉంది. ఆయన వారి నడకలన్నీ కనిపెట్టి చూస్తున్నాడు.

כי עיניו על דרכי איש וכל צעדיו יראה׃

22 ౨౨ చెడు కార్యాలు చేసే వారు దాక్కోడానికి చీకటైనా మరణాంధకారమైనా లేదు.

אין חשך ואין צלמות להסתר שם פעלי און׃

23 ౨౩ ఒక మనిషిని న్యాయవిమర్శలోకి తీసుకు రాక ముందు అతణ్ణి ఎక్కువ కాలం విచారణ చేయడం దేవుడికి అవసరం లేదు.

כי לא על איש ישים עוד להלך אל אל במשפט׃

24 ౨౪ విచారణ లేకుండానే బలవంతులను ఆయన నిర్మూలం చేస్తున్నాడు. వారి స్థానంలో ఇతరులను నియమిస్తున్నాడు.

ירע כבירים לא חקר ויעמד אחרים תחתם׃

25 ౨౫ వారి క్రియలను ఆయన తెలుసుకుంటున్నాడు. రాత్రివేళ ఇలాటి వారిని ఆయన కూలదోస్తాడు. వారు నాశనమై పోతారు.

לכן יכיר מעבדיהם והפך לילה וידכאו׃

26 ౨౬ అందరూ చూస్తుండగానే దుష్టులను వారి దుర్మార్గాన్ని బట్టి నేరస్తులను శిక్షించినట్టు ఆయన శిక్షిస్తాడు.

תחת רשעים ספקם במקום ראים׃

27 ౨౭ ఎందుకంటే వారు ఆయనను అనుసరించడం మానుకున్నారు. ఆయన ఆజ్ఞల్లో దేన్నీ లక్ష్య పెట్టలేదు.

אשר על כן סרו מאחריו וכל דרכיו לא השכילו׃

28 ౨౮ పేదల మొరను ఆయన దగ్గరికి వచ్చేలా చేశారు. దీనుల మొర ఆయనకు వినబడేలా చేశారు.

להביא עליו צעקת דל וצעקת עניים ישמע׃

29 ౨౯ ఆయన మౌనంగా ఉండిపోతే తీర్పు తీర్చగలవాడెవడు? ఆయన తన ముఖాన్ని దాచుకుంటే ఆయనను చూడగలవాడెవడు? ఆయన జాతులనైనా వ్యక్తులనైనా ఒకే విధంగా పరిపాలిస్తాడు.

והוא ישקט ומי ירשע ויסתר פנים ומי ישורנו ועל גוי ועל אדם יחד׃

30 ౩౦ భక్తిహీనులు రాజ్యపాలన చేయకుండా, వారు ప్రజలను ఇకపై చిక్కించుకోకుండా ఆయన చేస్తాడు.

ממלך אדם חנף ממקשי עם׃

31 ౩౧ ఒకడు “నేను దోషినే, కానీ ఇకపై పాపం చేయను.

כי אל אל האמר נשאתי לא אחבל׃

32 ౩౨ నాకు తెలియని దాన్ని నాకు నేర్పించు. నేను పాపం చేశాను. ఇకపై చేయను” అని దేవునితో చెప్పాడనుకో,

בלעדי אחזה אתה הרני אם עול פעלתי לא אסיף׃

33 ౩౩ దేవుడు చేస్తున్నది నీకు నచ్చడం లేదు గనక అలాటి మనిషిని దేవుడు శిక్షిస్తాడు అనుకుంటున్నావా? నేను కాదు, నువ్వే నిశ్చయించుకోవాలి. కాబట్టి నీకు తెలిసినది చెప్పు.

המעמך ישלמנה כי מאסת כי אתה תבחר ולא אני ומה ידעת דבר׃

34 ౩౪ వివేచన గలవారు, జ్ఞానంతో నా మాట వినేవారు నాతో ఇలా అంటారు.

אנשי לבב יאמרו לי וגבר חכם שמע לי׃

35 ౩౫ యోబు తెలివితక్కువ మాటలు పలుకుతున్నాడు. అతని మాటలు బుద్ధిహీనమైనవి.

איוב לא בדעת ידבר ודבריו לא בהשכיל׃

36 ౩౬ యోబు దుష్టులవలె మాట్లాడుతున్నాడు గనక అతనిపై సునిశితమైన విచారణ జరిగితే ఎంత బాగుంటుంది!

אבי יבחן איוב עד נצח על תשבת באנשי און׃

37 ౩౭ అతడు తన పాపానికి తోడుగా ద్రోహం సమకూర్చుకుంటున్నాడు. మన ఎదుట ఎగతాళిగా చప్పట్లు కొట్టి దేవుని మీద కాని మాటలు కుప్పగా పోస్తున్నాడు.

כי יסיף על חטאתו פשע בינינו יספוק וירב אמריו לאל׃