Mga Awit 96
1 O, umawit kay Yahweh ng isang bagong awitin; umawit kay Yahweh, buong daigdig.
| שירו ליהוה שיר חדש שירו ליהוה כל הארץ׃ |
2 Umawit kay Yahweh, purihin ang kanyang pangalan; ipahayag ang kanyang kaligtasan araw-araw.
| שירו ליהוה ברכו שמו בשרו מיום ליום ישועתו׃ |
3 Ipahayag ang kanyang kaluwalhatian sa gitna ng mga bansa, ang kanyang kahanga-hangang mga gawa sa gitna ng lahat ng mga bansa.
| ספרו בגוים כבודו בכל העמים נפלאותיו׃ |
4 Dahil si Yahweh ay dakila at marapat siyang papurihan ng lubos. Dapat siyang katakutan higit sa lahat ng ibang mga diyos.
| כי גדול יהוה ומהלל מאד נורא הוא על כל אלהים׃ |
5 Dahil lahat ng mga diyos ng mga bansa ay mga diyus-diyosan, pero si Yahweh ang lumikha ng kalangitan.
| כי כל אלהי העמים אלילים ויהוה שמים עשה׃ |
6 Kaningningan at kamahalan ang nasa kanyang presensiya. Kalakasan at kagandahan ang nasa kanyang santuwaryo.
| הוד והדר לפניו עז ותפארת במקדשו׃ |
7 Iukol kay Yahweh, kayong mga angkan ng mga tao, iukol kay Yahweh ang kaluwalhatian at kalakasan.
| הבו ליהוה משפחות עמים הבו ליהוה כבוד ועז׃ |
8 Iukol kay Yahweh ang kaluwalhatiang nararapat sa kanyang pangalan. Magdala ng handog at magsipasok sa kanyang mga silid.
| הבו ליהוה כבוד שמו שאו מנחה ובאו לחצרותיו׃ |
9 Magbigay galang kay Yahweh sa kanyang banal na kaningningan. Manginig kayo sa kanyang harapan, buong daigdig.
| השתחוו ליהוה בהדרת קדש חילו מפניו כל הארץ׃ |
10 Sabihin ninyo sa gitna ng mga bansa, si Yahweh ang naghahari. Ang mundo rin ay itinatag; hindi ito mayayanig. Hinahatulan niya ang mga tao nang patas.
| אמרו בגוים יהוה מלך אף תכון תבל בל תמוט ידין עמים במישרים׃ |
11 Hayaang ang kalangitan ay magalak, at ang daigdig ay magdiwang; hayaang ang dagat ay rumagasa at ang mga laman nito ay sumigaw nang may kagalakan.
| ישמחו השמים ותגל הארץ ירעם הים ומלאו׃ |
12 Hayaang magalak ang mga bukirin at lahat ng nasa kanila. Pagkatapos hayaang ang mga puno sa kagubatan sumigaw sa kagalakan
| יעלז שדי וכל אשר בו אז ירננו כל עצי יער׃ |
13 sa harapan ni Yahweh, dahil siya ay darating. Siya ay darating para hatulan ang daigdig batay sa katuwiran at ang mga tao batay sa kanyang katapatan.
| לפני יהוה כי בא כי בא לשפט הארץ ישפט תבל בצדק ועמים באמונתו׃ |
