Mga Awit 66

1 Mag-ingay sa galak para sa Diyos, lahat ng nilalang;

For the Chief Musician. A Song, a Psalm. Make a joyful noise unto God, all the earth:

2 Awitin ang kaluwalhatian ng kaniyang pangalan; gawing maluwalhati ang kaniyang kapurihan.

Sing forth the glory of his name: make his praise glorious.

3 Sabihin mo sa Diyos, “Nakakikilabot ang iyong mga gawa! Sa pamamagitan ng kadakilaan ng iyong kapangyarihan, magpapasakop sa iyo ang iyong mga kaaway.

Say unto God, How terrible are thy works! through the greatness of thy power shall thine enemies submit themselves unto thee.

4 Sasamba at aawit sa iyo ang lahat ng nasa lupa; aawit (sila) sa iyong pangalan.” (Selah)

All the earth shall worship thee, and shall sing unto thee; they shall sing to thy name. (Selah)

5 Halika at tingnan ang mga gawa ng Diyos; kinatatakutan siya sa kaniyang mga ginagawa sa mga anak ng mga tao.

Come, and see the works of God; [he is] terrible in his doing toward the children of men.

6 Ginawa niyang tuyong lupa ang dagat; tumawid (sila) sa ilog nang naglalakad; nagalak kami sa kaniya roon.

He turned the sea into dry land: they went through the river on foot: there did we rejoice in him.

7 Namumuno siya magpakailanman sa pamamagitan ng kaniyang kapangyarihan; pinagmamasdan ng kaniyang mga mata ang mga bansa; huwag hayaang itaas ng mga suwail ang kanilang mga sarili. (Selah)

He ruleth by his might for ever; his eyes observe the nations: let not the rebellious exalt themselves. (Selah)

8 Purihin ang Diyos, kayong mga tao, hayaang marinig ang tinig ng kaniyang kapurihan.

O bless our God, ye peoples, and make the voice of his praise to be heard.

9 Iniingatan niya tayo sa mga nabubuhay, at hindi pinapahintulutang madulas ang ating mga paa.

Which holdeth our soul in life, and suffereth not our feet to be moved.

10 Dahil ikaw, O Diyos, ang sumubok sa amin; sinubok mo kami gaya ng pilak.

For thou, O God, hast proved us: thou hast tried us, as silver is tried.

11 Dinala mo kami sa isang lambat; nilagyan mo kami ng matinding pabigat sa aming mga balakang.

Thou broughtest us into the net; thou layedst a sore burden upon our loins.

12 Pinasakay mo ang mga tao sa aming mga ulo; dumaan kami sa apoy at tubig; pero inilabas mo kami sa malawak na lugar.

Thou hast caused men to ride over our heads; we went through fire and through water; but thou broughtest us out into a wealthy place.

13 Pupunta ako sa iyong tahanan na may mga sinunog na handog; tutuparin ko ang aking mga panata

I will come into thy house with burnt offerings, I will pay thee my vows,

14 na ipinangako ng aking labi at sinabi ng aking bibig nang ako ay nasa kahirapan.

Which my lips have uttered, and my mouth hath spoken, when I was in distress.

15 Magsusunog ako ng taba ng mga hayop bilang handog na may mabangong samyo ng mga tupa; mag-aalay ako ng mga toro at kambing. (Selah)

I will offer unto thee burnt offerings of fatlings, with the incense of rams; I will offer bullocks with goats. (Selah)

16 Halika at makinig, lahat kayo na may takot sa Diyos, at ipahahayag ko kung ano ang ginawa niya para sa aking kaluluwa.

Come, and hear, all ye that fear God, and I will declare what he hath done for my soul.

17 Nananawagan ako sa kaniya gamit ang aking bibig, at pinuri siya ng aking dila.

I cried unto him with my mouth, and he was extolled with my tongue.

18 Kung alam kong may kasalanan sa aking puso, hindi makikinig ang Diyos sa akin.

If I regard iniquity in my heart, the Lord will not hear:

19 Pero tunay ngang nakinig ang Diyos; binigyan niya ng pansin ang tinig ng aking panalangin.

But verily God hath heard; he hath attended to the voice of my prayer.

20 Purihin ang Diyos, na hindi itinakwil ang aking panalangin o kaniyang katapatan sa tipan mula sa akin.

Blessed be God, which hath not turned away my prayer, nor his mercy from me.