Mga Awit 24

1 Ang buong lupain ay kay Yahweh, ang daigdig at ang lahat ng naninirahan dito.

Prima sabbati, Psalmus David. Domini est terra, et plenitudo eius: orbis terrarum, et universi, qui habitant in eo.

2 Dahil itinatag niya ito sa mga karagatan at itinaguyod sa mga ilog.

Quia ipse super maria fundavit eum: et super flumina præparavit eum.

3 Sino ang aakyat sa bundok ni Yahweh? Sino ang tatayo sa kaniyang banal na lugar?

Quis ascendet in montem Domini? aut quis stabit in loco sancto eius?

4 Siya na may malinis na mga kamay at dalisay na puso; siyang hindi nagtatanghal ng mga kasinungalingan, at hindi nanunumpa para lang manlinlang.

Innocens manibus et mundo corde, qui non accepit in vano animam suam, nec iuravit in dolo proximo suo.

5 Makatatanggap siya ng pagpapala mula kay Yahweh at katuwiran mula sa Diyos ng kaniyang kaligtasan.

Hic accipiet benedictionem a Domino: et misericordiam a Deo salutari suo.

6 Iyan ang salinlahi ng mga naghahanap sa kaniya, (sila) na humahanap sa mukha ng Diyos ni Jacob. (Selah)

Hæc est generatio quærentium eum, quærentium faciem Dei Iacob.

7 Bumukas kayo, kayong mga tarangkahan, bumukas kayo, kayong walang-hanggang mga pintuan, para ang Hari ng kaluwalhatian ay makapasok!

Attollite portas principes vestras, et elevamini portæ æternales: et introibit rex gloriæ.

8 Sino ang Hari ng kaluwalhatian? Si Yahweh, ang malakas at makapangyarihan; si Yahweh, ang makapangyarihan sa digmaan.

Quis est iste rex gloriæ? Dominus fortis et potens: Dominus potens in prælio.

9 Bumukas kayo, kayong mga tarangkahan, bumukas kayo, kayong walang-hanggang mga pintuan, para ang Hari ng kaluwalhatian ay makapasok!

Attollite portas principes vestras, et elevamini portæ æternales: et introibit rex gloriæ.

10 Sino ang Hari ng kaluwalhatian? Si Yahweh ng mga hukbo, siya ang Hari ng kaluwalhatian. (Selah)

Quis est iste rex gloriæ? Dominus virtutum ipse est rex gloriæ.