Mga Awit 19
1 Ang kalangitan ay nagpapahayag ng kaluwalhatian ng Diyos, at ipinapaalam ng himpapawid ang ginawa ng kaniyang kamay!
| למנצח מזמור לדוד השמים מספרים כבוד אל ומעשה ידיו מגיד הרקיע׃ |
2 Bawat araw ang pananalita ay bumubuhos; bawat gabi nagpapahayag ito ng kaalaman.
| יום ליום יביע אמר ולילה ללילה יחוה דעת׃ |
3 Walang pananalita o salaysay; ni hindi naririnig ang kanilang tinig.
| אין אמר ואין דברים בלי נשמע קולם׃ |
4 Gayumpaman ang kanilang mga salita ay umaabot sa buong mundo; at ang kanilang pananalita ay hanggang sa dulo ng mundo. Nagtayo siya ng tolda para sa araw sa kalagitnaan nila.
| בכל הארץ יצא קום ובקצה תבל מליהם לשמש שם אהל בהם׃ |
5 Ang araw ay parang lalaking ikakasal na lumalabas sa kaniyang silid at parang isang lalaking malakas na nagagalak kapag siya ay tumatakbo sa kaniyang karera.
| והוא כחתן יצא מחפתו ישיש כגבור לרוץ ארח׃ |
6 Ang araw ay sumisikat mula sa isang dako at tumatawid sa himpapawid hanggang sa kabila; walang makatatakas sa init nito.
| מקצה השמים מוצאו ותקופתו על קצותם ואין נסתר מחמתו׃ |
7 Ang batas ni Yahweh ay perpekto, pinasisigla ang kaluluwa; ang patotoo ni Yahweh ay maaasahan, ginagawang marunong ang payak ang kaisipan.
| תורת יהוה תמימה משיבת נפש עדות יהוה נאמנה מחכימת פתי׃ |
8 Ang mga tagubilin ni Yahweh ay matuwid, pinasasaya ang puso; ang kautusan ni Yahweh ay dalisay, nagdadala ng liwanag sa mga mata.
| פקודי יהוה ישרים משמחי לב מצות יהוה ברה מאירת עינים׃ |
9 Ang takot kay Yahweh ay dalisay, nananatili magpakailanman; ang makatuwirang mga kautusan ni Yahweh ay totoo at matuwid sa kabuuan!
| יראת יהוה טהורה עומדת לעד משפטי יהוה אמת צדקו יחדו׃ |
10 Ang mga ito ay mas mahalaga kaysa ginto, mas higit pa kaysa pinong ginto; mas matamis kaysa pulot na tumutulo mula sa pulot-pukyutan.
| הנחמדים מזהב ומפז רב ומתוקים מדבש ונפת צופים׃ |
11 Oo, sa pamamagitan ng mga ito ang iyong lingkod ay binalaan; sa pagsunod dito ay may malaking gantimpala.
| גם עבדך נזהר בהם בשמרם עקב רב׃ |
12 Sino ang makababatid sa lahat ng kaniyang sariling mga kamalian? Linisin mo ako sa mga lihim na kasalanan.
| שגיאות מי יבין מנסתרות נקני׃ |
13 Ingatan mo rin ang iyong lingkod sa mga kasalanang mapagmataas; huwag mong hayaan na ang mga ito ay maghari sa akin. Sa gayon ako ay magiging ganap, at inosente sa maraming kasalanan.
| גם מזדים חשך עבדך אל ימשלו בי אז איתם ונקיתי מפשע רב׃ |
14 Nawa ang mga salita ng aking bibig at mga saloobin ng aking puso ay maging katanggap-tanggap sa iyong paningin, Yahweh, aking bato at aking manunubos.
| יהיו לרצון אמרי פי והגיון לבי לפניך יהוה צורי וגאלי׃ |
