Mga Awit 130

1 Yahweh, mula sa kailaliman ako ay umiiyak sa iyo.

Mula sa mga kalaliman ay dumaing ako sa iyo, Oh Panginoon.

2 Panginoon, pakinggan mo ang aking boses; hayaan ang iyong mga tainga na tumuon sa aking mga pagsusumamo ng iyong awa.

Panginoon, dinggin mo ang aking tinig: pakinggan ng iyong mga pakinig ang tinig ng aking mga pamanhik.

3 Yahweh, kung tatandaan mo ang mga kasamaan, Panginoon, sino ang makatatagal?

Kung ikaw, Panginoon, magtatanda ng mga kasamaan, Oh Panginoon, sinong tatayo?

4 Pero mayroong kapatawaran sa iyo, para ikaw ay sambahin.

Nguni't may kapatawarang taglay ka, upang ikaw ay katakutan.

5 Naghihintay ako para kay Yahweh, naghihintay ang aking kaluluwa, at sa kaniyang salita ako ay umaasa.

Aking hinihintay ang Panginoon, hinihintay ng aking kaluluwa, at sa kaniyang salita ay umaasa ako.

6 Naghihintay ang aking kaluluwa para sa Panginoon ng higit kaysa sa tagabantay na naghihintay na mag-umaga.

Hinihintay ng aking kaluluwa ang Panginoon, ng higit kay sa paghihintay ng bantay sa umaga; Oo, higit kay sa bantay sa umaga.

7 O Israel, umasa ka kay Yahweh. Si Yahweh ay maawain, at siya ay labis na nagnanais magpatawad.

Oh Israel, umasa ka sa Panginoon; sapagka't sa Panginoon ay may kagandahang-loob.

8 Siya ang tutubos sa Israel mula sa lahat ng kanilang mga kasalanan.

At kaniyang tutubusin ang Israel sa lahat niyang kasamaan.