Mga Awit 105
1 Magpasalamat kayo kay Yahweh, tumawag kayo sa kaniyang pangalan; ipaalam ninyo ang kaniyang mga gawa sa mga bansa.
| הודו ליהוה קראו בשמו הודיעו בעמים עלילותיו׃ |
2 Umawit sa kaniya, umawit sa kaniya ng mga papuri; Ipahayag ang lahat ng kaniyang mga kamangha-manghang gawa.
| שירו לו זמרו לו שיחו בכל נפלאותיו׃ |
3 Magmalaki sa kaniyang banal na pangalan; hayaang magalak ang puso nilang naghahanap kay Yahweh.
| התהללו בשם קדשו ישמח לב מבקשי יהוה׃ |
4 Hanapin si Yahweh at ang kaniyang kalakasan; patuloy na hanapin ang kaniyang presensya.
| דרשו יהוה ועזו בקשו פניו תמיד׃ |
5 Alalahanin ang mga kahanga-hangang bagay na kaniyang ginawa, ang kaniyang mga himala at ang mga kautusan mula sa kaniyang bibig,
| זכרו נפלאותיו אשר עשה מפתיו ומשפטי פיו׃ |
6 kayong mga kaapu-apuhan ni Abraham na kaniyang lingkod, kayong mga anak ni Jacob, na kaniyang mga pinili.
| זרע אברהם עבדו בני יעקב בחיריו׃ |
7 Siya si Yahweh, ang ating Diyos. Ang kaniyang mga kautusan ay sumasaklaw sa buong mundo.
| הוא יהוה אלהינו בכל הארץ משפטיו׃ |
8 Inaalala niya ang kaniyang tipan magpakailanman, ang salita na kaniyang iniutos sa sanlibong salinlahi.
| זכר לעולם בריתו דבר צוה לאלף דור׃ |
9 Iniisip niya ang tipan na kaniyang ginawa kasama ni Abraham at ang kaniyang panunumpa kay Isaac.
| אשר כרת את אברהם ושבועתו לישחק׃ |
10 Ito ay kung ano ang pinagtibay kay Jacob na alituntunin at sa Israel na magpasawalang-hanggang tipan.
| ויעמידה ליעקב לחק לישראל ברית עולם׃ |
11 Sinabi niya, “Ibibigay ko ang lupain ng Canaan bilang bahagi ng iyong mana.”
| לאמר לך אתן את ארץ כנען חבל נחלתכם׃ |
12 Sinabi niya ito noong kaunti pa lamang ang bilang nila, labis na kaunti, at mga dayuhan pa sa lupain.
| בהיותם מתי מספר כמעט וגרים בה׃ |
13 Galing (sila) mula sa isang bansa tungo sa ibang bansa at mula sa isang kaharian patungo sa isa pa.
| ויתהלכו מגוי אל גוי מממלכה אל עם אחר׃ |
14 Hindi niya ipinahintulutang apihin (sila) ng sinuman; kaniyang sinuway ang mga hari dahil sa kanilang kapakanan.
| לא הניח אדם לעשקם ויוכח עליהם מלכים׃ |
15 Sinabi niya, “Huwag ninyong galawin ang mga hinirang, at huwag ninyong gawan ng masama ang aking mga propeta.”
| אל תגעו במשיחי ולנביאי אל תרעו׃ |
16 Nagdala siya ng taggutom sa lupa; pinutol niya ang lahat ng pinagkukunan ng tinapay.
| ויקרא רעב על הארץ כל מטה לחם שבר׃ |
17 Pinauna niya ang isang lalaki sa kanila; ipinagbili si Jose bilang isang alipin.
| שלח לפניהם איש לעבד נמכר יוסף׃ |
18 Ginapos ang kaniyang mga paa ng kadena; mga bakal na kadena ang itinali sa kaniya.
| ענו בכבל רגליו ברזל באה נפשו׃ |
19 hanggang sa panahon na ang kaniyang hula ay nagkatotoo. Pinatunayan ng salita ni Yahweh na siya ay matuwid.
| עד עת בא דברו אמרת יהוה צרפתהו׃ |
20 Nagpadala ang hari ng mga lingkod para pakawalan siya; pinalaya siya ng pinuno ng mga tao.
| שלח מלך ויתירהו משל עמים ויפתחהו׃ |
21 Siya ay itinalagang mamahala sa kaniyang bahay bilang pinuno ng lahat ng kaniyang mga ari-arian
| שמו אדון לביתו ומשל בכל קנינו׃ |
22 para pangunahan ang kaniyang mga prinsipe ayon sa kaniyang hiling at para turuan ang mga nakatatanda ng karunungan.
| לאסר שריו בנפשו וזקניו יחכם׃ |
23 Pagkatapos, dumating ang Israel sa Ehipto, at si Jacob ay nanirahan ng matagal sa lupain ng Ham.
| ויבא ישראל מצרים ויעקב גר בארץ חם׃ |
24 Pinarami ng Diyos ang kaniyang bayan at ginawa niyang mas marami kaysa sa kanilang mga kalaban.
| ויפר את עמו מאד ויעצמהו מצריו׃ |
25 Siya ang nagdulot sa kanilang mga kaaway na kapootan ang kaniyang bayan, para abusuhin ang kaniyang mga lingkod.
| הפך לבם לשנא עמו להתנכל בעבדיו׃ |
26 Pinadala niya si Moises, ang kaniyang lingkod, at si Aaron, na kaniyang pinili.
| שלח משה עבדו אהרן אשר בחר בו׃ |
27 Isinagawa nila ang kaniyang mga himala sa mga taga-Ehipto, ang kaniyang mga kababalaghan sa lupain ng Ham.
| שמו בם דברי אתותיו ומפתים בארץ חם׃ |
28 Nagpadala siya ng kadiliman at pinadilim ang lupain, pero hindi sumunod sa kaniyang mga utos ang mga tao rito.
| שלח חשך ויחשך ולא מרו את דבריו׃ |
29 Ginawa niyang dugo ang tubig at pinatay ang kanilang mga isda.
| הפך את מימיהם לדם וימת את דגתם׃ |
30 Ang kanilang lupain ay napuno ng mga palaka, kahit sa mga silid ng kanilang mga pinuno.
| שרץ ארצם צפרדעים בחדרי מלכיהם׃ |
31 Nagsalita siya, at dumating ang mga pulutong ng langaw at niknik sa buong bansa nila.
| אמר ויבא ערב כנים בכל גבולם׃ |
32 Nagpadala siya ng yelo at ulan na may kasamang kidlat at kulog sa kanilang lupain.
| נתן גשמיהם ברד אש להבות בארצם׃ |
33 Winasak niya ang kanilang ubasan at mga puno ng igos; at binali niya ang mga puno sa kanilang bansa.
| ויך גפנם ותאנתם וישבר עץ גבולם׃ |
34 Nagsalita siya, at dumating ang mga balang, napakaraming mga balang.
| אמר ויבא ארבה וילק ואין מספר׃ |
35 Kinain ng mga balang ang lahat ng gulayan sa kanilang lupain; at kinain nila ang lahat ng mga pananim sa lupa.
| ויאכל כל עשב בארצם ויאכל פרי אדמתם׃ |
36 Pinatay niya ang lahat ng panganay sa kanilang lupain, ang mga unang bunga ng lahat ng kanilang kalakasan.
| ויך כל בכור בארצם ראשית לכל אונם׃ |
37 Inilabas niya ang mga Israelita na may dalang pilak at ginto; walang sinuman sa kaniyang angkan ang natisod sa daan.
| ויוציאם בכסף וזהב ואין בשבטיו כושל׃ |
38 Natuwa ang Ehipto nang (sila) ay umalis, dahil takot sa kanila ang mga taga-Ehipto.
| שמח מצרים בצאתם כי נפל פחדם עליהם׃ |
39 Ikinalat niya ang ulap para maging takip at gumawa ng apoy para magbigay liwanag sa gabi.
| פרש ענן למסך ואש להאיר לילה׃ |
40 Humingi ng pagkain ang mga Israelita, at nagdala siya ng mga pugo at binusog (sila) ng tinapay mula sa langit.
| שאל ויבא שלו ולחם שמים ישביעם׃ |
41 Biniyak niya ang malaking bato, at bumulwak ang tubig mula rito; umagos ito sa ilang tulad ng ilog.
| פתח צור ויזובו מים הלכו בציות נהר׃ |
42 Dahil inaalala niya ang kaniyang banal na pangako na kaniyang ginawa kay Abraham na kaniyang lingkod.
| כי זכר את דבר קדשו את אברהם עבדו׃ |
43 Inilabas niya ang kaniyang bayan na may kagalakan, ang kaniyang pinili na may sigaw ng katagumpayan.
| ויוצא עמו בששון ברנה את בחיריו׃ |
44 Ibinigay niya sa kanila ang mga lupain ng mga bansa; inangkin nila ang mga kayamanan ng mga tao
| ויתן להם ארצות גוים ועמל לאמים יירשו׃ |
45 nang sa gayon ay mapanatili nila ang kaniyang mga alituntunin at sundin ang kaniyang mga kautusan. Purihin si Yahweh.
| בעבור ישמרו חקיו ותורתיו ינצרו הללו יה׃ |
