Mga Awit 103
1 Binibigyang papuri ko si Yahweh ng buong buhay ko, at ng lahat ng mayroon ako, binibigyang papuri ko ang kanyang banal na pangalan.
| לדוד ברכי נפשי את יהוה וכל קרבי את שם קדשו׃ |
2 Binibigyang papuri ko si Yahweh ng buong buhay ko, at naaalala ko ang lahat ng kanyang mga mabubuting gawa.
| ברכי נפשי את יהוה ואל תשכחי כל גמוליו׃ |
3 Pinapatawad niya lahat ng inyong mga kasalanan; pinapagaling niya lahat ng inyong mga sakit.
| הסלח לכל עונכי הרפא לכל תחלאיכי׃ |
4 Tinutubos niya ang inyong buhay mula sa pagkawasak; kinokoronahan niya kayo ng kanyang katapatan sa tipan at mga gawain ng pagkahabag.
| הגואל משחת חייכי המעטרכי חסד ורחמים׃ |
5 Binibigyang kasiyahan niya ang inyong buhay ng mabubuting bagay para mapanumbalik ang inyong kabataan tulad ng agila.
| המשביע בטוב עדיך תתחדש כנשר נעוריכי׃ |
6 Ginagawa ni Yahweh kung ano ang makatarungan at gumagawa ng mga gawain ng katarungan para sa lahat ng mga naaapi.
| עשה צדקות יהוה ומשפטים לכל עשוקים׃ |
7 Ipinaalam niya ang kanyang mga pamamaraan kay Moises, ang kanyang mga gawa sa mga kaapu-apuhan ng Israel.
| יודיע דרכיו למשה לבני ישראל עלילותיו׃ |
8 Si Yahweh ay maawain at mapagbigay-loob; siya ay mapagpaumanhin; mayroon siyang labis na katapatan sa tipan.
| רחום וחנון יהוה ארך אפים ורב חסד׃ |
9 Hindi siya laging magdidisiplina; hindi siya laging nagagalit.
| לא לנצח יריב ולא לעולם יטור׃ |
10 Hindi niya tayo tinatrato ayon sa nararapat sa ating mga kasalanan o ginagantihan ayon sa kung ano ang hinihingi ng ating mga kasalanan.
| לא כחטאינו עשה לנו ולא כעונתינו גמל עלינו׃ |
11 Dahil kung gaano kataas ang kalangitan sa ibabaw ng daigdig, ganoon kadakila ang kanyang katapatan sa tipan sa mga nagbibigay ng parangal sa kanya.
| כי כגבה שמים על הארץ גבר חסדו על יראיו׃ |
12 Kung gaano kalayo ang silangan mula sa kanluran, ganoon kalayo niya inalis mula sa atin ang ating mga kasalanan.
| כרחק מזרח ממערב הרחיק ממנו את פשעינו׃ |
13 Kung paanong may pagkahabag ang isang ama sa kanyang mga anak, gayundin pagkahabag ni Yahweh sa mga nagbibigay ng parangal sa kanya.
| כרחם אב על בנים רחם יהוה על יראיו׃ |
14 Dahil alam niya kung paano tayo binuo; alam niya na tayo ay alabok.
| כי הוא ידע יצרנו זכור כי עפר אנחנו׃ |
15 Pero ang tao, parang damo ang kanyang mga araw; lumalago siya tulad ng isang bulaklak sa isang bukid.
| אנוש כחציר ימיו כציץ השדה כן יציץ׃ |
16 Hinihipan ito ng hangin, at ito ay naglalaho, at wala man lamang makapagsabi kung saan ito minsang tumubo.
| כי רוח עברה בו ואיננו ולא יכירנו עוד מקומו׃ |
17 Pero ang katapatan sa tipan ni Yahweh ay magpasawalang-hanggan sa mga nagbibigay parangal sa kanya. Ang kanyang katuwiran ay umaabot sa kanilang mga kaapu-apuhan.
| וחסד יהוה מעולם ועד עולם על יראיו וצדקתו לבני בנים׃ |
18 Iniingatan nila ang kanyang tipan at tinatandaang sumunod sa kanyang mga tagubilin.
| לשמרי בריתו ולזכרי פקדיו לעשותם׃ |
19 Itinatag ni Yahweh ang kanyang trono sa mga kalangitan, at pinamamahalaan ang bawat isa ng kanyang kaharian.
| יהוה בשמים הכין כסאו ומלכותו בכל משלה׃ |
20 Bigyang papuri si Yahweh kayong mga anghel na napakalakas at sumusunod sa kanyang salita, na masunurin sa kanyang mga kautusan.
| ברכו יהוה מלאכיו גברי כח עשי דברו לשמע בקול דברו׃ |
21 Bigyang papuri si Yahweh lahat ng kanyang hukbo ng mga anghel, kayo ay kanyang mga lingkod na nagsasagawa ng kanyang kalooban.
| ברכו יהוה כל צבאיו משרתיו עשי רצונו׃ |
22 Bigyang papuri si Yahweh lahat ng kanyang mga nilalang, sa lahat ng mga lugar kung saan siya naghahari. Pupurihin ko si Yahweh nang buong buhay ko.
| ברכו יהוה כל מעשיו בכל מקמות ממשלתו ברכי נפשי את יהוה׃ |
