Mga Kawikaan 4
1 Makinig, mga anak na lalaki, sa tagubilin ng ama, at bigyang pansin para malaman ninyo kung ano ang pang-unawa.
| שמעו בנים מוסר אב והקשיבו לדעת בינה׃ |
2 Ibinibigay ko sa inyo ang mga mabuting tagubilin; huwag ninyong pabayaan ang aking katuruan.
| כי לקח טוב נתתי לכם תורתי אל תעזבו׃ |
3 Nung ako ay anak na lalaki ng aking ama at tanging anak ng aking ina,
| כי בן הייתי לאבי רך ויחיד לפני אמי׃ |
4 tinuruan niya ako at sinabi sa akin, “Panghawakan mong mabuti sa iyong puso ang aking mga salita; panatilihin ang aking mga utos at ipamuhay.
| וירני ויאמר לי יתמך דברי לבך שמר מצותי וחיה׃ |
5 Pagsumikapan na magkaroon ng karunungan at kaunawaan; huwag kalilimutan at huwag tatanggihan ang mga salita sa aking bibig;
| קנה חכמה קנה בינה אל תשכח ואל תט מאמרי פי׃ |
6 huwag iiwanan ang karunungan at ikaw ay kaniyang babantayan; mahalin mo ito at pananatilihin kang ligtas.
| אל תעזבה ותשמרך אהבה ותצרך׃ |
7 Ang karunungan ay ang pinakamahalagang bagay, kaya pagsumikapan ang karunungan at gamitin lahat ng mayroon ka para ikaw ay maaaring makakuha nang pang-unawa.
| ראשית חכמה קנה חכמה ובכל קנינך קנה בינה׃ |
8 Pahalagahan ang karunungan at ikaw ay kaniyang itataas; pararangalan ka kapag niyakap mo ito.
| סלסלה ותרוממך תכבדך כי תחבקנה׃ |
9 Ito ay maglalagay ng isang korona ng karangalan sa iyong ulo; bibigyan ka nito ng isang magandang korona.”
| תתן לראשך לוית חן עטרת תפארת תמגנך׃ |
10 Makinig, aking anak, at pansinin ang aking mga salita, at ikaw ay magkakaroon ng maraming mga taon sa iyong buhay.
| שמע בני וקח אמרי וירבו לך שנות חיים׃ |
11 Papatnubayan kita sa daan ng karunungan; pangungunahan kita sa matuwid na mga landas.
| בדרך חכמה הרתיך הדרכתיך במעגלי ישר׃ |
12 Kapag ikaw ay lumalakad, walang hahadlang sa iyong daanan at kapag ikaw ay tatakbo, hindi ka matitisod.
| בלכתך לא יצר צעדך ואם תרוץ לא תכשל׃ |
13 Kumapit ka sa disiplina, huwag itong bibitawan; bantayan ito, dahil ito ay iyong buhay.
| החזק במוסר אל תרף נצרה כי היא חייך׃ |
14 Huwag sumunod sa landas ng masama at huwag sumama sa kaparaanan ng mga gumagawa ng masama.
| בארח רשעים אל תבא ואל תאשר בדרך רעים׃ |
15 Iwasan ito, ito ay huwag magpatuloy; tumalikod mula dito at tumungo sa ibang daan.
| פרעהו אל תעבר בו שטה מעליו ועבור׃ |
16 Dahil hindi sila nakakatulog hanggang sila ay makagawa ng masama at nanakawan sila ng tulog hanggang sila ay magdulot ng pagkatisod ng isang tao.
| כי לא ישנו אם לא ירעו ונגזלה שנתם אם לא יכשולו׃ |
17 Dahil sila ay kumakain ng tinapay ng kasamaan at iniinom ang alak ng karahasan.
| כי לחמו לחם רשע ויין חמסים ישתו׃ |
18 Ngunit ang landas ng isang tao na gumagawa ng matuwid ay katulad ng unang liwanag na patuloy na nagliliwanag; ito ay lalong nagliliwanag hanggang sa kapunuan ng araw ay dumating.
| וארח צדיקים כאור נגה הולך ואור עד נכון היום׃ |
19 Ang daan ng masama ay katulad ng kadiliman- hindi nila alam kung ano itong kanilang kinatitisuran.
| דרך רשעים כאפלה לא ידעו במה יכשלו׃ |
20 Aking anak na lalaki, bigyang pansin ang aking mga salita; makinig sa aking mga kasabihan.
| בני לדברי הקשיבה לאמרי הט אזנך׃ |
21 Huwag hayaan silang malayo mula sa iyong paningin; panatilihin sila sa iyong puso.
| אל יליזו מעיניך שמרם בתוך לבבך׃ |
22 Dahil ang aking mga salita ay buhay sa mga nakakatagpo sa kanila at kalusugan sa kanilang buong katawan.
| כי חיים הם למצאיהם ולכל בשרו מרפא׃ |
23 Panatilihing ligtas ang iyong puso at bantayan ito nang may buong sigasig, dahil mula dito dumadaloy ang mga bukal ng buhay.
| מכל משמר נצר לבך כי ממנו תוצאות חיים׃ |
24 Ilayo ang baluktot na pananalita mula sa iyo at ilayo ang maruruming salita mula sa iyo.
| הסר ממך עקשות פה ולזות שפתים הרחק ממך׃ |
25 Hayaan mong tumingin nang tuwid ang iyong mga mata at ipirmi ng tuwid ang iyong pagtitig sa harap mo.
| עיניך לנכח יביטו ועפעפיך יישרו נגדך׃ |
26 Gumawa ng isang patag na landas para sa iyong paa; sa gayon lahat ng iyong mga daraanan ay magiging ligtas.
| פלס מעגל רגלך וכל דרכיך יכנו׃ |
27 Huwag kang liliko sa kanan o sa kaliwa; ipihit ang iyong paa palayo mula sa kasamaan.
| אל תט ימין ושמאול הסר רגלך מרע׃ |
