Mga Kawikaan 26
1 Tulad ng niyebe sa tag-araw o ulan sa panahon ng tag-ani, ang isang hangal na hindi karapat-dapat sa karangalan.
| כשלג בקיץ--וכמטר בקציר כן לא-נאוה לכסיל כבוד |
2 Gaya ng isang maya na mabilis na nagpapalipat-lipat at ng layanglayang na humahagibis kapag sila ay lumilipad, gayundin hindi tatalab ang isang sumpa na hindi nararapat.
| כצפור לנוד כדרור לעוף-- כן קללת חנם לא (לו) תבא |
3 Ang latigo ay para sa kabayo, ang kabisada ay para sa asno, at ang pamalo ay para sa likod ng mga hangal.
| שוט לסוס מתג לחמור ושבט לגו כסילים |
4 Huwag sagutin ang isang hangal at sumali sa kanyang kahangalan, o magiging tulad ka niya.
| אל-תען כסיל כאולתו פן-תשוה-לו גם-אתה |
5 Sumagot sa isang hangal at sumali sa kaniyang kahangalan upang hindi siya maging marunong sa kaniyang sariling paningin.
| ענה כסיל כאולתו פן-יהיה חכם בעיניו |
6 Sinumang magpadala ng isang mensahe sa pamamagitan ng kamay ng isang hangal ay pinuputol ang kaniyang sariling mga paa at umiinom nang karahasan.
| מקצה רגלים חמס שתה-- שלח דברים ביד-כסיל |
7 Ang mga binti ng isang paralitiko na nakabitin ay tulad ng isang kawikaan sa bibig ng mga hangal.
| דליו שקים מפסח ומשל בפי כסילים |
8 Ang pagtatali ng bato sa isang tirador ay gaya ng pagbibigay karangalan sa isang hangal.
| כצרור אבן במרגמה-- כן-נותן לכסיל כבוד |
9 Ang halamang tinik na hawak ng isang lasing ay tulad ng isang kawikaan sa bibig ng mga hangal.
| חוח עלה ביד-שכור ומשל בפי כסילים |
10 Ang isang mamamana na sumusugat ng lahat ay tulad ng isang umuupa ng isang hangal o ng kahit sinumang dumadaan.
| רב מחולל-כל ושכר כסיל ושכר עברים |
11 Gaya ng isang asong bumabalik sa kanyang sariling suka, ganoon din ang isang hangal na inuulit ang kanyang kahangalan.
| ככלב שב על-קאו-- כסיל שונה באולתו |
12 Nakikita mo ba ang taong marunong sa kanyang sariling paningin? Higit na may pag-asa ang isang hangal kaysa sa kanya.
| ראית--איש חכם בעיניו תקוה לכסיל ממנו |
13 Ang tamad na tao ay nagsasabing, “May isang leon sa kalsada! May isang leon sa pagitan ng mga lantad na lugar!
| אמר עצל שחל בדרך ארי בין הרחבות |
14 Kung paanong ang isang pinto ay bumabaling sa kaniyang bisagra, ang tamad na tao naman ay sa ibabaw ng kaniyang kama.
| הדלת תסוב על-צירה ועצל על-מטתו |
15 Nilalagay ng isang tamad na tao ang kaniyang kamay sa pagkain, pero wala siyang lakas na isubo ito sa kaniyang bibig.
| טמן עצל ידו בצלחת נלאה להשיבה אל-פיו |
16 Ang tamad na tao ay mas marunong sa kanyang paningin kaysa sa pitong lalaking may kakayahang kumilatis.
| חכם עצל בעיניו-- משבעה משיבי טעם |
17 Tulad ng isang humahawak ng mga tainga ng isang aso ay isang taong dumadaan na nagagalit sa alitan na hindi kanya.
| מחזיק באזני-כלב-- עבר מתעבר על-ריב לא-לו |
18 Tulad ng isang baliw na pumapana ng nagliliyab na mga palaso,
| כמתלהלה הירה זקים-- חצים ומות |
19 ay ang isang nandaraya ng kanyang kapwa at nagsasabing, “Di ba't nagbibiro lang ako?”
| כן-איש רמה את-רעהו ואמר הלא-משחק אני |
20 Dahil sa kakulangan ng gatong, namamatay ang apoy, at kung saan walang tsismoso, tumitigil ang pag-aaway.
| באפס עצים תכבה-אש ובאין נרגן ישתק מדון |
21 Tulad ng isang uling na nagbabaga at panggatong ay sa apoy, ganoon din ang isang palaaway na tao na nagpapasiklab ng alitan.
| פחם לגחלים ועצים לאש ואיש מדונים (מדינים) לחרחר-ריב |
22 Ang mga salita ng isang tsismoso ay tulad ng masarap na mga pagkain; bumababa sila sa kaloob-loobang mga bahagi ng katawan.
| דברי נרגן כמתלהמים והם ירדו חדרי-בטן |
23 Ang pampakintab na bumabalot sa isang banga ay tulad ng nagbabagang mga labi at isang napakasamang puso.
| כסף סיגים מצפה על-חרש-- שפתים דלקים ולב-רע |
24 Ang isang namumuhi sa iba ay kinukubli ang kanyang damdamin sa pamamagitan ng kaniyang mga labi at nag-iimbak ng panlilinlang sa kaniyang sarili.
| בשפתו ינכר שונא ובקרבו ישית מרמה |
25 Magiliw siyang mangungusap, pero huwag siyang paniwalaan, dahil may pitong mga pagkasuklam sa kaniyang puso.
| כי-יחנן קולו אל-תאמן-בו כי שבע תועבות בלבו |
26 Kahit na natatakpan ng panlilinlang ang kaniyang pagkamuhi, ang kaniyang kabuktutan ay malalantad sa kapulungan.
| תכסה שנאה במשאון תגלה רעתו בקהל |
27 Sinumang gumagawa ng isang hukay ay mahuhulog dito at ang bato ay gugulong pabalik sa taong tumulak nito.
| כרה-שחת בה יפול וגולל אבן אליו תשוב |
28 Ang isang nagsisinungaling na dila ay namumuhi sa mga taong dinudurog nito at ang nambobolang bibig ay nagiging dahilan ng pagkawasak.
| לשון-שקר ישנא דכיו ופה חלק יעשה מדחה |
