Mga Kawikaan 21
1 Ang puso ng hari ay isang batis ng tubig sa kamay ni Yahweh; siya ang pumapatnubay dito kahit saan niya naisin.
| פלגי מים לב מלך ביד יהוה על כל אשר יחפץ יטנו׃ |
2 Ang bawat pamamaraan ng tao ay maaaring tama sa kaniyang paningin, ngunit si Yahweh ang sumusukat ng mga puso.
| כל דרך איש ישר בעיניו ותכן לבות יהוה׃ |
3 Ang paggawa ng kung ano ang tama at makatarungan ay mas katanggap-tanggap kay Yahweh kaysa sa sakripisyo.
| עשה צדקה ומשפט נבחר ליהוה מזבח׃ |
4 Ang mapagmalaking mga mata at mapagmataas na puso - ang ilawan ng masama - ay kasalanan.
| רום עינים ורחב לב נר רשעים חטאת׃ |
5 Ang mga plano ng masipag ang tanging daan sa kasaganahan, ngunit ang lahat ng kumikilos ng masyadong mabilis ay sasapit lamang sa kahirapan.
| מחשבות חרוץ אך למותר וכל אץ אך למחסור׃ |
6 Ang pagtamo ng kayamanan ng isang sinungaling na dila ay panandaliang singaw at isang patibong na nakamamatay.
| פעל אוצרות בלשון שקר הבל נדף מבקשי מות׃ |
7 Ang karahasan ng kasamaan ay tatangayin sila palayo, sapagkat sila ay tumatanggi na gawin kung ano ang patas.
| שד רשעים יגורם כי מאנו לעשות משפט׃ |
8 Ang paraan ng makasalanang tao ay liku-liko; ngunit ang taong dalisay ay gumagawa ng tama.
| הפכפך דרך איש וזר וזך ישר פעלו׃ |
9 Mas mabuti pang mamuhay sa sulok ng bubungan kaysa sa bahay na kahati ang palaaway na asawang babae.
| טוב לשבת על פנת גג מאשת מדונים ובית חבר׃ |
10 Ang gana ng masama ay nagmimithi ng labis na kasamaan; ang kaniyang kalapit-bahay sa kaniyang mga mata ay walang nakikitang kabaitan.
| נפש רשע אותה רע לא יחן בעיניו רעהו׃ |
11 Kapag ang nangungutya ay naparusahan, ang mangmang ay nagiging matalino, at kapag ang taong marunong ay naturuan, nadadagdagan siya ng kaalaman.
| בענש לץ יחכם פתי ובהשכיל לחכם יקח דעת׃ |
12 Ang isang gumagawa ng tama ay binabantayan ang bahay ng masama; kaniyang dinadala ang masama sa kasiraan.
| משכיל צדיק לבית רשע מסלף רשעים לרע׃ |
13 Ang isa na hindi dininig ang iyak ng mga mahihirap na tao, kapag siya din ay umiyak, hindi siya maririnig.
| אטם אזנו מזעקת דל גם הוא יקרא ולא יענה׃ |
14 Ang lihim na regalo ay nagpapahupa ng galit at ang isang tagong regalo ay nag-aalis nang matinding galit.
| מתן בסתר יכפה אף ושחד בחק חמה עזה׃ |
15 Kapag ang katarungan ay tapos na, nagbibigay ito ng kagalakan sa gumagawa ng tama, ngunit ito ay nagdadala ng takot sa mga masasamang tao.
| שמחה לצדיק עשות משפט ומחתה לפעלי און׃ |
16 Ang siyang naliligaw sa daan ng pang-unawa, ay mamamahinga sa pagpupulong ng mga walang buhay.
| אדם תועה מדרך השכל בקהל רפאים ינוח׃ |
17 Ang sinumang minamahal ang aliw ay magiging mahirap, ang taong minamahal ang alak at langis ay hindi magiging mayaman.
| איש מחסור אהב שמחה אהב יין ושמן לא יעשיר׃ |
18 Ang masamang tao ay magiging katubusan sa gumagawa ng tama, at ang hindi tapat ay katubusan para sa matuwid.
| כפר לצדיק רשע ותחת ישרים בוגד׃ |
19 Mas mabuti pang mamuhay sa disyerto kaysa makasama ang babaeng nagdudulot nang alitan at sobrang makapagreklamo.
| טוב שבת בארץ מדבר מאשת מדונים וכעס׃ |
20 Ang pinakamahal na yaman at langis ay nasa tahanan ng matalino, ngunit inaaksaya ito ng mangmang na lalaki.
| אוצר נחמד ושמן בנוה חכם וכסיל אדם יבלענו׃ |
21 Ang gumagawa ng tama at mabait—ang taong ito ay makasusumpong ng buhay, katuwiran at karangalan.
| רדף צדקה וחסד ימצא חיים צדקה וכבוד׃ |
22 Isang matalinong tao ang pumunta laban sa lungsod nang makapangyarihan, at kaniyang ginigiba ang matibay na moog na nagtatanggol nito.
| עיר גברים עלה חכם וירד עז מבטחה׃ |
23 Sinumang nagbabantay sa kaniyang bibig at dila ay nag-iingat na hindi makasali sa gulo.
| שמר פיו ולשונו שמר מצרות נפשו׃ |
24 Ang hambog at mapagmataas na tao - “mangungutya” ang kaniyang pangalan - kumikilos nang may pagmamataas na kayabangan.
| זד יהיר לץ שמו עושה בעברת זדון׃ |
25 Ang pagnanais ng tamad ay pumapatay sa kaniyang sarili, dahil ang kaniyang mga kamay ay tumatanggi sa pagtatrabaho.
| תאות עצל תמיתנו כי מאנו ידיו לעשות׃ |
26 Buong araw siyang nagmimithi at nagmimithi nang labis, ngunit ang isang gumagawa ng tama ay nagbibigay at hindi nagpipigil.
| כל היום התאוה תאוה וצדיק יתן ולא יחשך׃ |
27 Ang alay ng masamang tao ay kasuklam-suklam; ito ay mas kasuklam-suklam pa kapag dinala niya ito ng may masasamang motibo.
| זבח רשעים תועבה אף כי בזמה יביאנו׃ |
28 Ang hindi totoong saksi ay mamamatay, ngunit ang isang nakikinig ay magsasalita sa lahat ng oras.
| עד כזבים יאבד ואיש שומע לנצח ידבר׃ |
29 Ang masamang lalaki ay ginagawa ang sarili na tila malakas, pero ang matuwid na tao ay maingat sa kaniyang mga kilos.
| העז איש רשע בפניו וישר הוא יכין דרכיו׃ |
30 Walang karunungan, pag-unawa o payo na kayang makatalo kay Yahweh.
| אין חכמה ואין תבונה ואין עצה לנגד יהוה׃ |
31 Ang kabayo ay handa para sa araw ng labanan, ngunit kay Yahweh ang tagumpay ay nabibilang.
| סוס מוכן ליום מלחמה וליהוה התשועה׃ |
