Mga Kawikaan 20
1 Ang alak ay mangungutya at ang matapang na inumin ay basag-ulero; ang sinumang naliligaw sa pamamagitan ng pag-inom ay hindi matalino.
| לץ היין המה שכר וכל-שגה בו לא יחכם |
2 Ang takot sa hari ay katulad ng takot sa batang leon na umaatungal; ang sinumang maging dahilan ng kaniyang galit ay itinatapon ang kaniyang buhay.
| נהם ככפיר אימת מלך מתעברו חוטא נפשו |
3 Isang karangalan para sa sinuman ang umiwas sa hindi pagkakasundo, ngunit ang bawat hangal ay sumasali sa isang pagtatalo.
| כבוד לאיש שבת מריב וכל-אויל יתגלע |
4 Ang taong tamad ay hindi nag-aararo sa taglagas; siya ay naghahanap ng isang bunga sa panahon ng tag-ani ngunit hindi magkakaroon nang anuman.
| מחרף עצל לא-יחרש ישאל (ושאל) בקציר ואין |
5 Ang mga layunin ng puso ng isang tao ay katulad ng malalim na tubig, ngunit ang isang taong may pang-unawa ay aalamin ito.
| מים עמקים עצה בלב-איש ואיש תבונה ידלנה |
6 Maraming tao ang nagpapahayag na sila ay tapat, ngunit sino ang makakahanap ng isang taong matapat?
| רב-אדם--יקרא איש חסדו ואיש אמונים מי ימצא |
7 Ang taong gumagawa ng tama ay naglalakad sa kaniyang dangal, at ang kaniyang mga anak na lalaki na sumusunod sa kaniya ay masaya.
| מתהלך בתמו צדיק אשרי בניו אחריו |
8 Ang isang hari na nakaupo sa trono na ginagampanan ang mga tungkulin ng isang hukom ay pinipili sa kaniyang mga mata ang lahat ng masasama na nasa harapan niya.
| מלך יושב על-כסא-דין-- מזרה בעיניו כל-רע |
9 Sino ang maaaring magsabi, “Pinapanatili kong malinis ang aking puso; Ako ay malaya mula sa aking kasalanan”?
| מי-יאמר זכיתי לבי טהרתי מחטאתי |
10 Ang magkakaibang timbang at hindi pantay na mga sukat— parehong kinapopootan ang mga ito ni Yahweh.
| אבן ואבן איפה ואיפה-- תועבת יהוה גם-שניהם |
11 Maging ang isang kabataan ay nakikilala sa kaniyang mga kilos, kung ang kaniyang pag-uugali ay dalisay at matuwid.
| גם במעלליו יתנכר-נער-- אם-זך ואם-ישר פעלו |
12 Ang mga tainga na nakakarinig at ang mga mata na nakakakita— parehong ginawa ito ni Yahweh.
| אזן שמעת ועין ראה-- יהוה עשה גם-שניהם |
13 Huwag mahalin ang pagtulog o ikaw ay darating sa paghihirap; buksan mo ang iyong mga mata at ikaw ay magkakaroon ng maraming kakainin.
| אל-תאהב שנה פן-תורש פקח עיניך שבע-לחם |
14 '“Masama! Masama!” sabi ng mga bumibili, pero kapag umalis siya, siya ay nagmamayabang.
| רע רע יאמר הקונה ואזל לו אז יתהלל |
15 Mayroong ginto at kasaganaan sa mamahaling mga bato, ngunit ang mga labi ng kaalaman ay isang mamahaling hiyas.
| יש זהב ורב-פנינים וכלי יקר שפתי-דעת |
16 Ang sinumang nagbibigay ng kasiguruhan para sa utang ng iba, kuhanan mo ng damit bilang sangla.
| לקח-בגדו כי-ערב זר ובעד נכרים (נכריה) חבלהו |
17 Ang tinapay na nakamit sa pamamagitan ng panlilinlang ay matamis sa panlasa, ngunit pagkatapos ang kaniyang bibig ay mapupuno ng graba.
| ערב לאיש לחם שקר ואחר ימלא-פיהו חצץ |
18 Ang mga plano ay pinagtitibay sa pamamagitan ng payo, at sa marunong na patnubay lamang ay dapat kang makipaglaban.
| מחשבות בעצה תכון ובתחבלות עשה מלחמה |
19 Ang tsismis ay nagbubunyag ng mga lihim, at kaya hindi ka dapat makisama sa mga taong nagsasalita ng sobra.
| גולה-סוד הולך רכיל ולפתה שפתיו לא תתערב |
20 Kapag isinusumpa ng isang tao ang kaniyang ama o kaniyang ina, ang kaniyang ilawan ay papatayin sa kalagitnaan ng kadiliman.
| מקלל אביו ואמו-- ידעך נרו באישון (באשון) חשך |
21 Ang isang mana na madaling nakamit sa simula ay gagawa ng mas kaunting kabutihan sa bandang huli.
| נחלה מבחלת (מבהלת) בראשונה ואחריתה לא תברך |
22 Huwag sabihing, “Gagantihan kita para sa pagkakamaling ito!” Hintayin si Yahweh at siya ang sasagip sa iyo.
| אל-תאמר אשלמה-רע קוה ליהוה וישע לך |
23 Kinamumuhian ni Yahweh ang mga hindi parehas na timbang, at ang hindi tapat na mga timbangan ay hindi mabuti.
| תועבת יהוה אבן ואבן ומאזני מרמה לא-טוב |
24 Ang mga hakbang ng isang tao ay pinapatnubayan ni Yahweh; paano niya mauunawaan ang kaniyang paraan kung gayon?
| מיהוה מצעדי-גבר ואדם מה-יבין דרכו |
25 Isang patibong para sa isang tao ang pagsasabi nang padalus-dalos, “Ang bagay na ito ay banal,” at iniisip lamang ang kahulugan pagkatapos niyang masabi ang kaniyang panata.
| מוקש אדם ילע קדש ואחר נדרים לבקר |
26 Ang marunong na hari ay inihihiwalay ang masama, at pagkatapos sinasagasaan ng panggiik na kariton sa ibabaw nila.
| מזרה רשעים מלך חכם וישב עליהם אופן |
27 Ang espiritu ng isang tao ay ang ilawan ni Yahweh, hinahanap ang lahat ng kaniyang kaloob-loobang mga bahagi.
| נר יהוה נשמת אדם חפש כל-חדרי-בטן |
28 Ang tipan ng katapatan at pagtitiwala ay nangangalaga sa hari; ang kaniyang trono ay iniingatan sa pamamagitan ng pag-ibig.
| חסד ואמת יצרו-מלך וסעד בחסד כסאו |
29 Ang dangal ng mga kabataang lalaki ay ang kanilang kalakasan, at ang karangyaan ng matatanda ay ang kanilang mga uban.
| תפארת בחורים כחם והדר זקנים שיבה |
30 Ang mga hampas na sumusugat, nililinis ang kasamaan, at ang mga palo ay nililinis ang mga kaloob-loobang mga bahagi.
| חברות פצע תמריק (תמרוק) ברע ומכות חדרי-בטן |
