Mga Kawikaan 18
1 Sinumang ihinihiwalay ang kaniyang sarili ay naghahangad ng sariling kagustuhan at siya ay nakikipagtalo sa lahat ng kaisipang may katuturan.
| לתאוה יבקש נפרד בכל תושיה יתגלע׃ |
2 Hindi nakasusumpong ng kasiyahan sa pag-unawa ang isang hangal maliban sa paghahayag ng laman ng kaniyang puso.
| לא יחפץ כסיל בתבונה כי אם בהתגלות לבו׃ |
3 Sa pagdating ng masama, kasama niya ay paghamak, kahihiyan at kasiraan.
| בבוא רשע בא גם בוז ועם קלון חרפה׃ |
4 Ang mga salitang mula sa bibig ng tao ay malalim na katubigan, ang bukal na pinagdadaluyan ng karunungan.
| מים עמקים דברי פי איש נחל נבע מקור חכמה׃ |
5 Hindi mabuti na pumanig sa masama o ang ipagkait ang katarungan sa mga matuwid.
| שאת פני רשע לא טוב להטות צדיק במשפט׃ |
6 Ang labi ng mangmang ay nagdadala ng alitan at ang kaniyang bibig ay nag-aanyaya ng kaguluhan.
| שפתי כסיל יבאו בריב ופיו למהלמות יקרא׃ |
7 Ang bibig ng mangmang ay ang kaniyang pagkasira, at ang kaniyang sarili ay nalilinlang ng kaniyang mga labi.
| פי כסיל מחתה לו ושפתיו מוקש נפשו׃ |
8 Ang mga salitang tsismis ay tulad ng masarap na pagkain, bumababa ito sa kaloob-looban ng katawan.
| דברי נרגן כמתלהמים והם ירדו חדרי בטן׃ |
9 Sinumang tamad sa gawain ay kapatid sa taong mapanira.
| גם מתרפה במלאכתו אח הוא לבעל משחית׃ |
10 Ang pangalan ni Yahweh ay matibay na tore; ang matuwid na tumatakbo patungo rito ay ligtas.
| מגדל עז שם יהוה בו ירוץ צדיק ונשגב׃ |
11 Ang kayamanan ng mayaman ay ang kaniyang tanggulang-lungsod, at sa kaniyang imahinasyon ito ay tulad ng isang mataas na pader.
| הון עשיר קרית עזו וכחומה נשגבה במשכיתו׃ |
12 Bago ang kaniyang pagbagsak, ang puso ng tao ay mapagmataas, pero ang kababaang-loob ay nauuna bago ang karangalan.
| לפני שבר יגבה לב איש ולפני כבוד ענוה׃ |
13 Sinumang sumasagot bago pa man makinig ay mangmang at kahiya-hiya.
| משיב דבר בטרם ישמע אולת היא לו וכלמה׃ |
14 Ang espiritu ng tao ay mananaig sa karamdaman, ngunit ang espiritung mahina, sino ang makatitiis?
| רוח איש יכלכל מחלהו ורוח נכאה מי ישאנה׃ |
15 Ang puso ng matalino ay nagkakamit ng kaalaman at ang pandinig ng marunong ay naghahangad nito.
| לב נבון יקנה דעת ואזן חכמים תבקש דעת׃ |
16 Ang kaloob ng tao ay maaaring magbukas ng daan para dalhin siya patungo sa isang mahalagang tao.
| מתן אדם ירחיב לו ולפני גדלים ינחנו׃ |
17 Ang unang magsumamo ng kaniyang kaso ay mukhang tama hangga't ang kaniyang kalaban ay dumating at tanungin siya.
| צדיק הראשון בריבו יבא רעהו וחקרו׃ |
18 Ang palabunutan ay nag-aayos ng gulo at naghihiwalay ng malalakas na katunggali.
| מדינים ישבית הגורל ובין עצומים יפריד׃ |
19 Ang kapatid na nasaktan ang damdamin ay mas mahirap na amuin kaysa isang matatag na lungsod, at ang pakikipagtalo ay tulad ng mga harang ng isang kastilyo.
| אח נפשע מקרית עז ומדונים כבריח ארמון׃ |
20 Mula sa bunga ng kaniyang bibig, ang kaniyang tiyan ay napupuno; sa ani ng kaniyang mga labi, siya ay nasisiyahan.
| מפרי פי איש תשבע בטנו תבואת שפתיו ישבע׃ |
21 Ang kamatayan at ang buhay ay nasa kapangyarihan ng dila, at ang mga nagmamahal dito ay kakain ng bunga nito.
| מות וחיים ביד לשון ואהביה יאכל פריה׃ |
22 Ang sinumang nakatatagpo ng asawang babae ay nakahahanap ng mabuting bagay at tatanggap ng pagpapala mula kay Yahweh.
| מצא אשה מצא טוב ויפק רצון מיהוה׃ |
23 Ang mahirap ay nanlilimos ng awa, pero ang sagot ng mayaman ay magaspang.
| תחנונים ידבר רש ועשיר יענה עזות׃ |
24 Sinumang umaangkin ng maraming kaibigan ay nadadala sa pagkasira ng mga kaibigang iyon, pero mayroong isang kaibigan na mas malapit pa sa isang kapatid.
| איש רעים להתרעע ויש אהב דבק מאח׃ |
