Panaghoy 3
1 Ako ay isang taong nakakita ng paghihirap sa ilalim ng pamalo ng matinding galit ni Yahweh.
| אני הגבר ראה עני בשבט עברתו׃ |
2 Itinaboy niya ako at pinalakad sa kadiliman sa halip na liwanag.
| אותי נהג וילך חשך ולא אור׃ |
3 Tunay siyang bumaling laban sa akin, buong araw niyang ibinabaling ang kamay niya laban sa akin.
| אך בי ישב יהפך ידו כל היום׃ |
4 Ang aking laman at balat ay ginutay niya, ang aking mga buto ay binali niya.
| בלה בשרי ועורי שבר עצמותי׃ |
5 Gumawa siya ng mga gawaing paglusob na sa akin ay laban, at pinaligiran ako ng kapaitan at kahirapan.
| בנה עלי ויקף ראש ותלאה׃ |
6 Sa mga madilim na lugar niya ako pinatira, tulad nilang mga patay na noon pa.
| במחשכים הושיבני כמתי עולם׃ |
7 Gumawa siya ng pader sa paligid ko at hindi ako makatakas. Pinabigat niya ang aking mga posas.
| גדר בעדי ולא אצא הכביד נחשתי׃ |
8 Kahit na tumawag at sumigaw ako ng tulong, aking mga panalangin ay kaniyang kinukulong.
| גם כי אזעק ואשוע שתם תפלתי׃ |
9 Hinarangan niya ang aking landas ng mga pader na gawa sa sinibak na bato, hindi tuwid ang bawat daanang aking tinatahak.
| גדר דרכי בגזית נתיבתי עוה׃ |
10 Tulad siya ng osong naghihintay upang tambangan ako, isang leon na nasa pagtatago.
| דב ארב הוא לי אריה במסתרים׃ |
11 Inilihis niya ang mga landas ko. Ginugutay at pinapabayaan niya ako.
| דרכי סורר ויפשחני שמני שמם׃ |
12 Iniunat niya ang kaniyang pana at minarkahan ako bilang tudlaan ng palaso.
| דרך קשתו ויציבני כמטרא לחץ׃ |
13 Ipinadala niya ang mga palaso mula sa kaniyang sisidlan upang pumasok sa aking mga bato.
| הביא בכליותי בני אשפתו׃ |
14 Ako ay naging katatawanan sa lahat ng aking mga kababayan, ang paksa sa mapanuyang awit nila sa araw-araw.
| הייתי שחק לכל עמי נגינתם כל היום׃ |
15 Pinuno niya ako ng kapaitan at pinilit painumin ng ajenjo.
| השביעני במרורים הרוני לענה׃ |
16 Dinurog niya ang aking mga ngipin ng bato, sa alikabok ay isinubsob niya ako.
| ויגרס בחצץ שני הכפישני באפר׃ |
17 Sa aking buhay ay tinanggal mo ang kapayapaan, hindi ko na maalala pa ang alinmang kaligayahan.
| ותזנח משלום נפשי נשיתי טובה׃ |
18 Kaya sinabi ko, “Ang aking tatag ay nawala na at ang aking pag-asa kay Yahweh ay naubos na.”
| ואמר אבד נצחי ותוחלתי מיהוה׃ |
19 Inaalala ko ang aking kahirapan at ang aking pagkaligaw sa ajenjo at kapaitan.
| זכר עניי ומרודי לענה וראש׃ |
20 Tiyak na ito ay aking inaalala, at sa loob ko ay yumuyukod ako sa kawalan ng pag-asa.
| זכור תזכור ותשיח עלי נפשי׃ |
21 Ngunit ito ang aking inaalala, at ito ang dahilang ako ay may pag-asa:
| זאת אשיב אל לבי על כן אוחיל׃ |
22 Ito ay sa pamamagitan ng katapatan sa kasunduan ni Yahweh kaya hindi tayo nalipol, sapagkat ang kaniyang mga kilos ng kahabagan ay hindi nagwakas.
| חסדי יהוה כי לא תמנו כי לא כלו רחמיו׃ |
23 Ang mga kilos ng kahabagan niya ay muling nagaganap sa bawat umaga, katapatan mo ay dakila!
| חדשים לבקרים רבה אמונתך׃ |
24 “Si Yahweh ay aking mana,” sinabi ko sa aking sarili, kaya aasa ako sa kaniya.
| חלקי יהוה אמרה נפשי על כן אוחיל לו׃ |
25 Si Yahweh ay mabuti sa sinumang naghihintay sa kaniya, sa buhay na naghahanap sa kaniya.
| טוב יהוה לקוו לנפש תדרשנו׃ |
26 Mabuti ang maghintay sa pagliligtas ni Yahweh nang tahimik.
| טוב ויחיל ודומם לתשועת יהוה׃ |
27 Mabuti sa isang tao na ang pamatok sa kaniyang kabataan ay kaniyang natitiis.
| טוב לגבר כי ישא על בנעוריו׃ |
28 Hayaan siyang manahimik at umupong mag-isa, dahil inilagay ito ni Yahweh sa kaniya.
| ישב בדד וידם כי נטל עליו׃ |
29 Hayaang ilagay niya sa alikabok ang bibig niya, at marahil mayroong pag-asa.
| יתן בעפר פיהו אולי יש תקוה׃ |
30 Hayaang ang kaniyang pisngi ay ibigay niya sa sinumang humahampas sa kaniya. Hayaang mapuno siya ng kahihiyan,
| יתן למכהו לחי ישבע בחרפה׃ |
31 sapagkat hindi siya tatanggihan ng Panginoon magpakailanman!
| כי לא יזנח לעולם אדני׃ |
32 Sapagkat kahit na nagdadala siya ng kalungkutan, nagpapakita rin siya ng kahabagan na lumalabas mula sa kaniyang kadakilaan ng kaniyang katapatan sa kasunduan.
| כי אם הוגה ורחם כרב חסדו׃ |
33 Sapagkat hindi siya nagmamalupit mula sa kaniyang puso, o nagpapahirap sa mga anak ng mga tao.
| כי לא ענה מלבו ויגה בני איש׃ |
34 Sa pagdurog sa lahat ng mga bihag sa lupa sa ilalim ng kaniyang paa,
| לדכא תחת רגליו כל אסירי ארץ׃ |
35 sa paglihis sa katarungan ng mga tao sa harapan ng mukha ng Kataas-taasan,
| להטות משפט גבר נגד פני עליון׃ |
36 sa paghadlang sa isang tao sa kaniyang katwiran—hindi ba nakikita ng Panginoon?
| לעות אדם בריבו אדני לא ראה׃ |
37 Sino ang nagsasalita at nangyayari kapag hindi ito iniutos ng Panginoon?
| מי זה אמר ותהי אדני לא צוה׃ |
38 Hindi ba parehong kapahamakan at katagumpayan ay nagmumula sa bibig ng Kataas-taasan?
| מפי עליון לא תצא הרעות והטוב׃ |
39 Paano makakadaing ang sinumang taong nabubuhay? Paaano makakadaing ang sinumang tao tungkol sa kaparusahan ng kaniyang mga kasalanan?
| מה יתאונן אדם חי גבר על חטאו׃ |
40 Siyasatin at suriin natin ang ating mga pamamaraan, at muling manumbalik kay Yahweh.
| נחפשה דרכינו ונחקרה ונשובה עד יהוה׃ |
41 Itaas natin ang ating mga puso at mga kamay sa Diyos sa kalangitan at manalangin:
| נשא לבבנו אל כפים אל אל בשמים׃ |
42 “Laban sa iyo kami ay nagkasala at naghimagsik, kaya kami ay hindi mo pinatawad.
| נחנו פשענו ומרינו אתה לא סלחת׃ |
43 Tinakpan mo ang iyong sarili ng galit at hinabol kami. Pinagpapatay mo kami, at hindi mo kami kinahabagan.
| סכתה באף ותרדפנו הרגת לא חמלת׃ |
44 Tinakpan mo ang iyong sarili ng ulap, upang walang panalangin ang makakalampas.
| סכותה בענן לך מעבור תפלה׃ |
45 Ginawa mo kaming mga taong itinakwil at dumi sa iba't ibang mga lahi.
| סחי ומאוס תשימנו בקרב העמים׃ |
46 Ibinuka ng lahat ng aming mga kaaway ang kanilang bibig nang may pangungutya laban sa amin.
| פצו עלינו פיהם כל איבינו׃ |
47 Dumating sa amin ang takot sa hukay, pagkasira at pagkaluray.”
| פחד ופחת היה לנו השאת והשבר׃ |
48 Umaagos ng daloy ng tubig ang mata ko dahil sa pagkaluray ng anak na babae ng mga kababayan ko.
| פלגי מים תרד עיני על שבר בת עמי׃ |
49 Umaagos ang mga mata ko, at hindi tumitigil ang mga ito, sapagkat wala itong katapusan
| עיני נגרה ולא תדמה מאין הפגות׃ |
50 hanggang sa tumunghay at tumingin si Yahweh mula sa kalangitan.
| עד ישקיף וירא יהוה משמים׃ |
51 Nagbibigay ng matinding sakit sa aking buhay ang mata ko dahil sa lahat ng mga anak na babae sa lungsod ko.
| עיני עוללה לנפשי מכל בנות עירי׃ |
52 Walang tigil akong tinutugis tulad ng isang ibon ng aking mga kaaway nang walang dahilan.
| צוד צדוני כצפור איבי חנם׃ |
53 Sinira nila sa balon ang buhay ko at sa ibabaw ko ay naglagay ng isang bato.
| צמתו בבור חיי וידו אבן בי׃ |
54 Dumaloy ang tubig sa aking ulo, sinabi ko, “Nilagot ako!”
| צפו מים על ראשי אמרתי נגזרתי׃ |
55 Tinawag ko ang iyong pangalan, Yahweh, mula sa pinakamababang hukay.
| קראתי שמך יהוה מבור תחתיות׃ |
56 Narinig mo ang aking tinig nang sinabi ko, “Huwag mong itago ang iyong tainga sa aking pagtawag ng tulong, sa aking pagsigaw ng saklolo!
| קולי שמעת אל תעלם אזנך לרוחתי לשועתי׃ |
57 Lumapit ka sa araw na tinawag kita, sinabi mo sa akin, “Huwag kang mangamba!”
| קרבת ביום אקראך אמרת אל תירא׃ |
58 Panginoon, ipinagtanggol mo ako nang ako ay nasa paglilitis para sa buhay ko, iniligtas mo ang buhay ko!
| רבת אדני ריבי נפשי גאלת חיי׃ |
59 Yahweh, nakita mo ang kanilang pang-aapi sa akin. Hatulan mo nang makatarungan ang aking usapin.
| ראיתה יהוה עותתי שפטה משפטי׃ |
60 Nakita mo ang lahat kanilang mga kilos ng paghihiganti, lahat ng kanilang binabalak laban sa akin.
| ראיתה כל נקמתם כל מחשבתם לי׃ |
61 Narinig mo ang panghahamak nila, Yahweh, at lahat ng kanilang mga balak tungkol sa akin.
| שמעת חרפתם יהוה כל מחשבתם עלי׃ |
62 Narinig mo ang mga labi ng mga tumindig laban sa akin, narinig mo ang kanilang malalim na kaisipang laban sa akin sa buong araw.
| שפתי קמי והגיונם עלי כל היום׃ |
63 Maging sa kanilang pag-upo o sa kanilang pagtayo, tingnan mo Yahweh! Ako ang paksa sa kanilang awit ng pangungutya.
| שבתם וקימתם הביטה אני מנגינתם׃ |
64 Gumanti ka sa kanila, Yahweh, gaya ng pinsalang ginawa ng kanilang mga kamay.
| תשיב להם גמול יהוה כמעשה ידיהם׃ |
65 Lagyan mo ng takot ang kanilang mga puso, lagyan mo sila ng sumpa.
| תתן להם מגנת לב תאלתך להם׃ |
66 Habulin mo sila sa iyong galit at lipulin mo sila saanman sa ilalim ng kalangitan, Yahweh!
| תרדף באף ותשמידם מתחת שמי יהוה׃ |
